Февраль. Китоб: кўклам насимлари эсаётган воҳа (Баҳорнинг илк фотолавҳалари)

Ватандан хабарлар, Дунё | 16/02/2015 19:54- 11242 марта ўқилди

Қантар оғиб февраль ойи ҳам яримлаган сари Тахти Қорачор довони пойидаги Китоб воҳасида ҳам илк кўклам нафаси ва насимлари яққол сезилиб қолди. Бу йилги баҳор ҳам кишилар кўнглига янги орзу-умидлар, яхшиликларга интиқликлар олиб кираяпти.

Бу замин одамлари эртага ишонч кўзлари билан қарашаяпти, тинчлигу хотиржамлик қадрини билишади. Хуллас, Самарқанддан Китобга томон йўлга тушиб, довондан ўтганигиз замон Китоб кўклами латофати бор бўйи билан намоён бўла бошлайди.

Шоир айтганидек:

Бир нозик қиёс бор наздимда,
ҳали айтилмаган насру назмда.
Аё биродар, мен билан юр, кел, қўлингни бер.
Салом бериб бобо Қуёшга, зиёрат этамиз Қашқадарёни…

Тахтиқорачордан токи Жом қадар ,тавофга талабгор.
Қиблага қўл чўзиб ётар сарбасар.
..Ҳар икки томондан тегади офтоб.
Бир ёғи Самарқанд, бир ёғи Китоб.
Ўртада довон бор, пурвиқор, тахти Қорачор…