Президент Ислом Каримов ҳақида икки хил шеър: Элбек Раҳмат ва Исмат Хушев…
Элбек Рахмат
ФАҚАТГИНА СЕН ЯШАСАНГ
Фақатгина сен яшасанг ўзгалар унмасинми,
Шунча элат, шунча эл ёруғ кун кўрмасинми?!
Олдингку бор-йўғимни, ҳеч вақо қолмади-ку,
Бирор ўзбек қийналдим деб, лабини бурмасинми?!
Сон-саноқсиз дачалар ишратингга маҳталдир,
Камбағал шўрлик ҳатто, кулба ҳам қурмасинми?!
Миллатнинг ярми ана турмага кириб чиқди,
Шўрлик халқнинг қолгани сал эркин юрмасинми?!
“Қама!” деб дўқ урасан, қамоқда ётибмизку,
Бозорларда болалар ароба сурмасинми?!
Фақат сен бўл, ўзгалар қирилиб кетса майли,
Ҳатто, гўдак болалар йўлингда турмасинми?!
Бир кун Маккада муслим, бир кун кўрсам насроний,
Шунча гуноҳ қилсанг ҳам Худоям урмасинми?!
1999 йил.
Матоларда қолган даҳолар…
Исмат Хушев
Фақат Ислом Каримов оти,
Олис келажакка етгайдир.
Қолган барча шаҳаншоҳ зоти,
Шу гиламда қолиб кетгайдир…
МАҚОЛАНИ ДЎСТЛАР БИЛАН БАҲАМЛАШИНГ