ЎзМУнинг журфакидан «Дунё ўзбеклари»га яна шикоят келди…
ПРЕЗИДЕНТ ҚАРОРИНИ РЕКТОР БЕКОР ҚИЛДИ
2005 йили Ўзбекистон Республикаси Президенти Ислом Каримовнинг қарори билан Ўзбекистон Миллий университети қошида Олий журналистика курслари очилган бўлиб, таълим соҳасининг турли йўналишларида бакалавр маълумотига эга бўлган, ул ёки бул даражада журналистикада уқуви борларга журналистиканинг фундаментал сир-асрорларини ўргатиш, ёзиш малакасини ошириш, икки йиллик ўқувдан сўнг журналистика магистри даражасини бериш мўлжалланган эди.
Ўтган ўн йил мобайнида 600 дан ортиқ мутахассислар битириб чиқиб, ОАВлари ва ахборот хизматларида фаолият кўрсатмоқдлар. На Президент, на Республика Олий ва ўрта махсус таълими вазирлигининг Қарорларида Олий журналистика курслари ЎзМУ журналистика факультети қошида очилиши кўзда тутилмаган эди.
Бироқ ректор Ғ.Мухаммедов ўз фикрлаш доирасида иш юритган бўлиб, ОЖКда дарс беришга республикада ном қозонган журналистларни жалб этиш ўрнига журналистика факультетида ишлаётган, хатто илмий даражаси йўқ, ректор каби ўз фамилиясини тўғри ёзолмайдиганларни дарс беришга жалб қилди ва бор-бора журналистика факультетининг ўртамиёна профессор-ўқитувчиларининг тажриба майдонига айлантирди. Бундан ташқари, ўз танишлари томонидан математика, физика, иқтисод ва ўнлаб журналистикага ёт предметлардан дарс ўтилди.
1999 йили Президентнинг топшириғи билан журналистика факультети декани вазифасидан олиб ташланиб, хатто оддий ўқитувчиликка ҳам қолдирилмаган киношунос Ҳамидулла Акбаров маъруза ўқиш ўрнига ОЖК талабаларини Киночилар уйига олиб бориб, мультфильм кўрсатиб, кўп сарсон қилаяпти. Киночиларнинг куни туғди.
Унинг шогирди, киношунос М.Мирсоатова декан бўлгач, малакали журналистлар четлаштирилди, журналистика факультетини “тошкентлаштириш” амалга оширилди. Ректор — филология фанлари доктори, профессор, журналист, ёзувчи, шоир ва драматург Мухтор Худойқуловни (унинг меҳнат дафтарчасида битта ёзув мавжуд, журналистика факультети талабалигидан профессорликкача) “мардуми Фарғонали”ги учун ишга яроқли бўлса ҳам нафақага чиқариб юборди.
Ҳозир унинг дарсликлари ўқитилади холос. Ўзи эса “Матис”да киракашлик қилиб кун кечирмоқда. Шунигдек, улкан мутахассислар сурхондарёлик Давлатбек Саъдуллаев, тошкентлик тарих фанлари доктори, профессор Қудрат Эрназаров (отаси шу факультетнинг илк декани бўлган) ўн йил факультет декани бўлишига қарамасдан соҳадан четлаштирилди.
Аммо хатто “тухумдан жўжа чиқди” қабилидаги хабар ёзишни ҳам уддаламайдиган Нафиса Турсунова, Саида Азимова, Дилдора Ризаева, Феруза Абдусагатова, Акмал Сулаймонов каби тошкентликлар ишлаб юришибди. Уларни аудиторияга қўйишнинг ўзи жиноят.
Ректор Муҳаммедов Тошкентда туғилган, лекин қрим-татар бўлгани учун ўз миллатини унутмади…
Ректор, декан ва жамоатчилик билан алоқалар кафедраси мудири М.Ҳусанов миллатдош ва савод борасида бир-биридан қолишмайди.
ОЖКга қабулнинг дастлабки йилларида ҳам пора билан кириш ҳоллари бўлган. 2-3 йилдан буён ОЖКга агар бирорта машҳурроқ одамнинг фарзанди бўлмаса, фақат доллар эвазига кирарди холос. 2014-15 йилги қабулда ОЖКга кириш 5 минг АҚШ доллари бўлди. 27 кишининг пулларини Ғ.Мухаммедов, М.Мирсоатова, Р.Абдусатторов, О.Тиллаев орасида қандай бўлишилганлиги ҳақида факультет коридорида гап юрибди. Хатто услубият кафедраси мудири Тошмухаммедовадан ҳам фарзандини бакалаврликка киритиш учун ҳам 2014 йил декан пул олгани факультетнинг қаровулларигача маълум. Бакалаврликка қабул қилиш 8-10 минг долларгача кўтарилган.
Миллий хавфсизлик хизмати 2014 йили биология факультетидаги қабул бўйича бир неча кишини ҳибсга олди. Ректоратдаги ёши улуғ бир одамнинг айтишича, аввалги ректорлар университетда ишлайдиганларнинг фарзандлари ўқишга кириши учун кўмаклашарди. Бу ректор доллар кўрмагунча қовоғини очмайди. Яна бир ёши улуғ онахоннинг гувоҳлик беришича, 2013-14 йилларда 13 қаватли ректорат биносида лифт таъмирланган. Чоллар ва кампирлар энг тепага ҳам зинапояда кўтарилишган. Лифт фақат икки киши учун ишлатилган: Муҳаммедов ва Мирсоатова учун.
2015 йил 5 январда Ғ.Мухаммедов ОЖК ҳақидаги Президент Қарорини бекор қилиб, уни тўлалигача, деканга томорқа қилиб берди. “Ит семирса ўз эгасини қопади” деган халқ мақоли бежиз тўқилмаганга ўхшайди. Президент туфайли ректорлик мансабига ўтириб, йилига бир неча миллион ишлаётган одам наҳотки давлат раҳбарининг Фармонига оёқ узатса деб ректоратдагилар ҳам ҳайрон.
Мухаммедов 2010-13 йилларда Ўзтелерадиокомпания режим хизматида ишлайдиган деканнинг укаси Б.Мирсоатов номига икки йил маош олганини ёпиш учун бир кун ҳам факультетга келмаган “сохта ўқитувчи”ни кафедра ўқитувчиларидан “келди” деган тилхат ёздириб олганини ҳамма билади.
Агар МХХнинг 7-бошқармаси томонидан 7 дақиқа текширса, талабалардан суриштирилса, ректор-сенаторнинг ёлғонлари фош бўлади-ку. Ректор ўз гумаштаси, шотири Шерзод Қудратхўжаевни штатсиз проектор муовини деб эълон қилиб, уни маҳаллийчи деб ёзган ўқитувчини факультетдан қуритиш учун Олмазор тумани ҳуқуқ-тарғибот органларида ишлайдиган юридика факультетини битирувчиларига тазйиқ кўрсатиб, жаримага торттирди.
Энди Қудратхўжаев кўчаларда “маҳаллийчи эмас эканман-ку” деб бақириб юрибди. Ҳолбуки, Қудратхўжаев 2 ой “Халқаро” телеканалга директор бўлиб, вилоятдан келганларнинг шўрига шўрва тўкилиб, жаъми 30 ходимдан 14 киши ҳайдалган эди. Телевизорда вилоятликларни камситиб, номини ижирғаниб ўқигани ва пойтахтликларни “Тошкентда туғилган” деб ҳайқириб ўқигани учун унинг ТВга чиқиши таъқиқланган эди.
Факультетда ўқийдиган вилоятликларни “қишлоқи, қайси тупканинг тагидан чиққансан, поездга осилиб келганлар” деб камситиши ҳақида 2013 йили “Дунё ўзбеклари” сайтида хабар берилган эди.
Декан муовини Т.Жабборов Ўзбекистон Жиноят Кодексининг 166-ўғирлик, 205-мансабни суистеъмол қилиниши, 909-ҳужжатларни қалбакилаштириш, 241-жиноятга шерик бўлиш моддалари бўйича Бош прокуратурага 2014 йил 11 сентябрда ариза юборган бўлса ҳам Ғ.Муҳаммедов, М.Мирсоатова, Ш.Қудратхўжаевга ҳали ҳануз чора кўрилмади.
Келгусида юқоридаги учлик қўшув киношунос Ҳ.Акбаровнинг баъзи «сир»лари, ЎзМУ журналистика факультетини наҳс босганлиги ҳақида алоҳида хабар берамиз. “Дилдош” газетасида нашр қилинган мақолани ушбуга илова қилаяпмиз. Бу мақола бўйича ҳеч қандай чора кўрилмади.
Унда зикр қилинганлар факультетда ўқиб юришибди. Боз устига ректор-сенатор бу газетани ёпаман деб роса чиранди. Яхшиямки, газета муассиси Ўзбекистон халқ артисти Озодбек Назарбеков бўлгани учун тиши ўтмади.
Ушбуни тайёрлашда ёрдам берган ЎзМУ ректоратининг холис мутахассислари, журналистика факультетининг вилоятлик профессор-ўқитувчиларига раҳмат айтамиз.
ҚУДУҚҚА БОҚИРҒОНИЙ,
«Дунё ўзбеклари» учун махсус
(Муаллифнинг асл исми фамилияси «Дунё ўзбеклари»га маълум)
Ўзбекистон Миллий Университети ректори Ғ.И.Муҳамедов диққатига: Мавсумий қаллоблик…
Ўзбекистон Миллий Университети
ректори, профессор Ғ.И.Мухамедовга
“Дунё ўзбеклари” (“Dunyouzbeklari.com”) сайти
бош муҳаррири Исмат Хушевга
Мавсумий қаллоблик.
Журналистика факультети тарихида сўнги 4 йил давомида 3 та декан алмаштирилди.
Аммо алмаштирилган деканларнинг охиргиси жуда саводсиз, ман-ман, фақатгина ўз манфаати йўлида иш тутадиган, талабалар билан иши йўқ аёл Мирсоатова Махлиё Собировнадир.
Унда талабалар билан муомала қилиш маданияти умуман йўқ, холимиздан, ўқишларимиздан, амалиётимиздан хабар олиш ўрнига Қудратхўжаев иккаласи дўқ-пўписадан ёки у бу нарсаларга пул йиғдиришдан нарига ўтишмайди.
2 йилдан буён синглим журналистика факультетига хужжат топшириб ўқишга кира олмайди. Она тили,адабиёт,тарих фанларини пухта ўзлаштирган, қолаверса факультет қошидаги абитуриент тайёрлаш марказида хам 8 ой тайёргарлик кўрди.
Марказ раҳбари Тиллаев Отабек факультет маънавий маърифий ишлар бўйича декан муовини ҳақиқатдан хам болаларни яхши тайёрлайди, лекин бир нарсага хайронман, нимага журналистикага қизиққан билимли болалар четда қолиб саводсиз болалар ўқишга кириб кетишади?
Сабаби оддий…
Мисол учун синглим икки йилдан буён бир хил мавзуда ижодий иш ёзади, 2012 йил 36 балл, худди шу иш учун 2013 йилда эса 61 балл тўплади, чунки Тиллаев Отабек хамда Усмонов Дилмуродлар билан гаплашиб тўғирланган.
Чунки Тиллаев Отабек факультет декани Мирсоатова билан хамкорлик қилар эди. Абитуриентларни тайёрлаш курсида ўқиганларнинг қарийб 20 тага яқини шу факультетга хужжат топширишган, айтилган бойлик эвазига барчасига ёрдам берилди. Бу эса яхшигина даромад.
2- босқич, 1 августга яқин Отабек ака бизни чақиртирди хамда 1 август куни ёрдам беришини, декан хамда ректорат вакиллари Шухрат хамда Қодир акалар билан гаплашганлигини айтди (мен уларни танимайман), лекин бизда унча маблағ йўқлигини хамда синглим ўз кучига ишонишини айтдик.
Қарабсизки мандат куни синглимнинг тўплаган баллари шартнома асосида ўқишига хам 5 балл етмаган. Тайёрлов курсида ўқиган энг кучли абитуриент шартнома асосида ўқишга кирган билимсизлари бюджетда.
Шу пайтдаги мен ва синглимнинг холатини тасаввур қилсангиз эди.
Синглимнинг ўқишга кирган дугонаси айтишича, бюджетга кирган талабаларнинг кўпчилиги саводсиз, энг қизиғи деканнинг келини 2- ўринда бюджет асосида кирганига нима дейсиз, ахир ўқиш жараёнида ким қандай билимга эга эканлиги намоён бўладику, шу холатдан декан уялмасмикан?
Бу изтиробларимни ёзишимга Ўзбекистон телеканалида эфирга узатилган “Мавсумий қаллоблик” кўрсатуви туртки бўлди.
Кўрсатув тугагач Юртбошимиз олиб бораётган сиёсатларидан, Миллий Хавфсизлик хамда ОАВ ходимларидан кўнглим янада кўтарилди.
Синглимда ўқишга топшириш учун тайёргарлик янада ошди. Барибир қачонлардир хақиқат қарор топиши керакку.
Бу ёзганим факультетга тош отиш эмас, балки юқорида исмлари зикр этилганлар ўйлаб иш қилишларини, рахбарият вакилларига эса сергак бўлишларини тилаб қоламан.
Ахир Президентимиз хар чиқишларида “Келажагимиз ёшлар қўлида”, деб таъкидлайдилар.
Шундай экан хурматли декан ва унинг хамтавоқлари фақатгина ўз манфаатларингизни кўзламасликни, бешта бармоқни оғизга бирданига тиқмасликни маслаҳат бераман.
Ирода Собирова,
Тошкент
«Дунё ўзбеклари» учун махсус
МАҚОЛАНИ ДЎСТЛАР БИЛАН БАҲАМЛАШИНГ
Мамлакатда порахурлик коррупция дахшатли кўриниш олган. Нима қилиш керак? бу нафси бало, жамиятни ичидан чиритўвчи кимсаларни! Балки Хитойдаги каби отиш, осиш керакдир. Мана шу нарсаларни кўра била туриб, президент адолат ва инсоф ҳақида лоф урганига ўлайми? СНБ бу нарсаларни билмайдими, билади. То Шарифхўжаев ёки Қашқадарё СНБ си бошлиғига ўхшаб қамалмагунларича улар ҳам бир гўр. Аслида Иноятов тозалашни сенатор ректордан бошлаши керак. Ҳайф шундай вазифа сизга, ректор жаноблари! Уялишингиз керак. Журналистика факультетидаги адолатсизликларни тартибга солмасангиз, бу сизга жуда қимматга тушади. Исмат Хушев бу мақолаларни бекорга эълон қилмаётган бўлсак керак…
Дунё ўзбеклари»га мурожат қилаётган студентларнинг факультетда бўлаётган адолатсизликлар жонидан ўтиб кетган-ки, улар чора истаб матбуотга мурожаат қилишяпти. Нега энди сенатор ректор бу ариза ва шикоятларни эътиборсиз қолдираётганлиги жуда қизиқ. Ҳа, Ўзбекистонда бировнинг дардига биров қулоқ солмайдиган бўлиб қолди. Инқироз ва ҳалокатнинг туб сабаби ҳам шунда. Агарда вазият шафоф бўлганда бўнақанги ишларга йўл қўйилмас эди…