Ўзбекистонда Украина ҳақидаги бирёқлама фильм намойиши қонунийми?
Ўзбекистонда Украина ҳақидаги фильмларни намойиш этаётган “Россотрудничество” ташкилотининг ҳаракатлари қонунийми?
30 июль, чоршанба куни Тошкентдаги Россия фан ва маданият марказида журналист Андрей Карауловнинг Украинадаги сўнгги воқеалар ҳақидаги “Обыкновенный фашизм” (“Оддий фашизм”) деб номланувчи ҳужжатли фильми намойиш этилди.
Россиялик журналист ва телебошловчи, “Момент истины” дастурининг муаллифи томонидан яратилган ушбу фильм Украинадаги давлат тўнтаришининг номаълум томонлари ҳақида ҳикоя қилади.
«Тарих бугун яратилмоқда, юз бераётган воқеаларнинг ҳужжатли далиллари зарур, шу боис биз Россия элчихонаси билан ҳамкорликда маҳаллий жамоатчиликка Украинадаги воқеалар ҳақидаги ҳақиқатни етказиш мақсадида ушбу фильм намойишини ўтказдик», — дея изоҳ берди ушбу ҳолатга “Россотрудничество” ташкилотининг Ўзбекистондаги ваколатхонаси раҳбари, РФ элчихонасининг маслаҳатчиси Валерий Кайер.
Шу ўринда, ушбу ташкилот ходимларининг бундай ҳаракатлари қай даражада қонуний, деган савол туғилади. Айни пайтда Украинада юз бераётган воқеалар ҳақида бир нечта тахминлар мавжуд, уларнинг кўпчилиги бир-бирига жуда зид. Ўзбекистон бу борадаги ўзининг расмий позициясини шу йилнинг март ойида ифодалаган эди. Унда ҳукумат фожиавий воқеалардан ўз хавотирини ҳамда мамлакат яхлитлиги ва мустақиллиги тарафдори эканини билдиради.
Ҳужжатли фильмнинг бундай ном ва изоҳ билан намойиш этилиши эса ўз фикрини ягона ҳақиқат деб кўрсатиш томонга қўйилган жиддий қадамдир. Ваҳоланки, на Тошкентдаги Украина элчихонаси, на Украина маданий маркази Ўзбекистон фуқароларининг ўзи танлаш ҳуқуқини ҳурмат қилган ҳолда ҳеч қандай сиёсий фильмларни намойиш этаётгани йўқ.
Тарих, маданият ёки санъат ҳақидаги фильмларни намойиш этиш бошқа, сиёсий воқеаларни “керакли” ракурсда кўрсатувчи ёрқин ифодаланган экспрессив бўёқларга эга ҳужжатли фильмни намойиш этиш эса мутлақо бошқа гап. Тошкентдаги Украина маданий маркази ўз мамлакатидаги воқеаларни “Мана сизга ҳақиқат” изоҳи билан ўзи манфаатдор бўлган ракурсда олиб берганида ҳам, ушбу ҳаракатларнинг қонунийлиги худди шундай шубҳа туғдирган бўларди. Умуман олганда эса, ўзининг сиёсий ғояларини тарғиб қиладиган картиналарни намойиш этувчи ҳар қандай хориж ваколатхонасининг фаолияти, айниқса сўз шу мамлакатнинг ўзи ҳақида бормаганида, ноқонуний ҳаракат сифатида баҳоланади.
Ҳолбуки, Ўзбекистонда хориж фильмини намойиш этиш учун “Ўзбеккино” миллий агентлиги ҳузуридаги бадиий кенгашнинг эксперт-баҳолаш комиссияси қарори олиниши керак эди. Ушбу фильм комиссиянинг тасдиғидан ўтгани номаълум.
Таҳририятнинг фикри муаллифнинг фикрига тўғри келмаслиги мумкин.
Жавлон Хасанов,
Anhor.uz учун махсус.
ТУҒРИ , ЎЗБЕКИСТОН РАСМИЙЛАРИ РОССИЯ билан ит мушук булиб қолишдан қурқиб чоралар кураяпти . Давлат хафсизлиги учун туғридир . Аммо, қачонгача сен зўрсан сендан кучуклар зўр дебгина момулада булаверамиз . ҚИРҒИЗИСТОН унинг пинжига кириб бизга хакалак отмадими ? РОССИЯни бизнинг кунгилчанлигимизни доим қуллуқ қилиш маьносида тушиниб келмаяптими ? БИРОН бир бу уруш харакатига қарши муносабат билдириб қуйиш керак эмасми?
Путин нафакат коммунистик утмиши ёмон иллатларини шунинг баробарида,капитализмнинг шовенистик миллатчилик,монополия,эскирган алмисокдан колган, «буюк давлатчилик» томон,кирраларини хам яхши узлаштриб олган.У кайси вактда нима килишни биладиган,акилли шум, шахс булгани холда,нияти бузукдир. Бундай кишини улкан бир мамлакатни давлат бошлиги эканлигини,уни жиловлаб булмас характерини хисобга олсак,у хали куп кулфатлар келтиради. Путинни тухтатиб колиш ута мушулдир! У нафакат тугридан-тугри боскинчилик,бошка хар хил турли-туман мафкуравия, яни филимлар ишлаш йуллари билан оммага таъсир килиш,мустакил мамлакатларни ичидан бузиш,уз томонига утказишга хам устаси фаран кимса! Унинг гаразли маккорона аёрлигини уз вактида олди олинмаса, олдиндан айтиб булмайдиган кунгилсиз вокеаларга дуч келишимиз мумкин.
Бекорнинг бештасини айтибсан!!! Агар мусурмон булсанг Хакка караб айтчи ифлос янкилар бутун ислом оламини араб бахори билан алгов-далгов килайотган булса, яна камига собик СНГ давлатларининг хавфсизлигини таьминлашда гарант хисобланган Россияни Украинани фашизм боткогига ботириш оркали кучсизлантирмокчи булайотган ифлосларни кулламокчимисан!? Аллох асрасин Узбекистонни Украина каби «мустакил» булиб америкаликлар бошкарувида кугирчок булиб колишдан. Аммо Сен каби узбеклар хали хайот экан бизда хам фашизм уйгониб колиши хеч гап эмас,афсус!
Россия ҳукуматининг кирдикорлиги дунё афкор оммасининг онгли қисмига маълум. Россия ҳукумати зўравонлик, куч, зулм, ёлғон ва бўҳтон билан билан ўз сиёсатини юргизиб келган. 1920 йилларда юрт мустақиллиги учун курашган боболаримизни ҳам «босмачилар»га чиқарган асли рус ҳукуматининг идеологлари эди. Бугунликда эса Украинанинг бир бутунлигини сақлаш учун курашаётган украинанинг асл фарзандларини «фашист»ларга чиқаришга ҳаракат қилиб турфа ифлосликлар қилаётганининг ўзи рус ҳукумати доим жирканч ишларга қўл уришдан тоймаслигининг битта исботидир. Ўз славянининг ерига кўз тиккан рус шовинизмидан ҳар қандай ифлосликни кутиш мумкин. Украинанинг мустақиллиги бу Ўзбекистоннинг ҳам мустақиллигидир.