Тошкентлик “Робин Гуд”: Шайтон – Алайҳиссалом билан тўқнашув. (10-қисм)

---

                               Шайтон-Алайҳиссалом билан тўқнашув.

 

Шайхали зонаси.

Ҳар куни шу “аҳвол”Эрталабдан кечгача гимн ёдлаш.Тушликда “ёвғон карам шўрва”Кимлардир янги “этап”билан кириб келаяпти,кимларнидир “ўлиги”чиқиб кетаяпти.Я қин кунларда “амнистия” эълон қилинади деган гаплар юрипти,халқ орасида.Хамма орзиқиб шу “амнистия”ни кутмоқда.

Зона шароитига бир оз бўлсада ўрганиб қолдим.Олдинги “срок”даги “катта”кетишлар йўқ.”Фақир эчки панада”деганларидек,хеч кимни эътиборини тортмасдан тинчгина юрипман.

Барибир “саловат””сир”ни “очиб” қўяр экан,СППшниклардан бири мени бир жойни рахбари бўлса керак деб ўйлаб,мулозамат кўрсата бошлади.Баракни “тўри”дан яхши жой ажратиб берди.

Хар куни кечга сухбатлашамиз.”Тумбочка”си тўла,яхши чой ва ширинликларга.СППшник асли Фарғона водийсидан бўлиб,босқинчилик ва одам ўлдириш билан қамалган экан.”Срок”отнинг “калласидай”.Шошиладиган жойи йўқ.Баракдаги 150 та махбусни “қонини ичиб”ётипти.

Хеч ким ундан сўроқсиз хатто хожатхонага хам бора олмайди.Мабодо,номозхонлар бўш вақт топиб,тиловат қилаётганини СППшник кўриб қолса,тамом вассалом,”ур калтак-сур калтак”бошланади.

Шу сабаб,Шайхали зоналарини бу дунёни дўзахи деб бежиз ёзмаяпман.Дўзах борки,албатта у ерда шайтон бўлади.СППшникларни барчаси шайтонга ўхшайди.Фақат “думи” билан “шохи” кўринмайди,холос.

Мен учун олдинги “срок” хам ва хозирги “срок” худди “туш” каби ўтмоқда эди.Сабаби,мен ўзимни  хеч бир “айбдор”,”жиноятчи” деб тасаввур қила олмас эдим.Тўғри,”катта”ларни “нонига” “шерик”бўлишга харакат қилганман.Лекин хеч қачон бировни қизига ёки хасмига ёмон кўз билан қарамаганман.Камбағални қўй-эчкисига “тазовуз” қилмаганман.Давлатга қарши бирор харакат қилмаганман.

Лекин шунга қарамасдан бу дунёни дўзахини “ўртасида “”ўтирипман”.

Кунлар шитоб билан ўтиб боряпти.Бир кеча “туш” кўрдим.Бу “туш”бир умрга хотирамда мухрланиб қолди

Тушимда Шайтон Алайхиссаломни кўрипман.(Дўзахда ўтирганингдан кейин тушинга шайтон кирмай,рахмон кирсинми дейдиган одамни ўзи йўқ)

-Қалайсан,бандаи-нобакор,сенга ким рухсат берди,”катталар”ни нонига шерик бўлишга,ахир улар менинг содиқ қулларим-ку.Сен хали мени йўлимга юрмай туриб,хаққингни даво қиласан-дея жахл билан сўзида давом этди,

-Авваламбор менга сиғинишни ўрганишинг керак,шунда сенга маишату-хукмронлик йўлларини очиб бераман ва бир умр мен чизган чизиқдан оғишмай юришни ваъда берасан.

Мени қаршимда,туш бўлса хам икки метрлик бахайбат танаси жун босган,лекин одам қиёфасида Шайтон Алайхиссаллом  турарди.Лекин негадир менда қўрқинч йўқ эди.

-Энди нима қилай,қўрқадиган жойдан биринчи “срок”да ўтиб бўлганман,келадиган жойга,мана иккинчи “срок”да келиб “ўтирипман”

-Эй барака топкур,сен “гўллигингдан” келиб ўтирибсан бу ерга,агар бошидан мени йўлимда юрганингда,хозир бир “катта”жойга рахбар бўлиб,менга хизмат қилиб маишатда юрган бўлар эдинг.

-Бундан чиқди,агар гапларингиз рост бўлса,бутун дунёга рахбарларни сиз сайлар экансизда-дедим

“кесатиб”

-Бўлмасамчи,албатта,бу дунёда фақат мени йўлимда юрадиганлар рахбар бўлиши мумкин.Фақат Оллохга ишонганлар ўтирипти-ку,ёнингда,хали хам пайқамадингми-деди Шайтон Алайхиссалом хам “кесатиб”

-Эй ожиз банда,эшит мени тарихимни,жимгина қулоқ солиб ва шунга қараб хулоса чиқар дея,бошлади хикоятни Шайтон Алайхиссалом.

Оллох бу дунёни яратганида мен “ўнг” қўли бўлганман Парвардигорни.

Одам Ато билан Момо Хавони жаннатдан Ерга қувилишига мен сабабчи бўлганман.

Уларга нафс билан ҳирс деган туйғуни сингдирганман.

Шу пайтгача Одам зоти борки,Нафс билан Ҳирс қулидир.

Оллох Ер юзида Одам зотини яратганидан сўнг,уларга Яратганни эсдан чиқармаслик учун дин йўналишини очиб берди.

“Геополитика”,”менталитет”га қараб насроний,христиан,будда,ислом динларини Ерга юборди.

Ва шу “йўналиш”ларни олиб борувчи Ердаги вакилларини яратди.

Мени бекорга Шайтон Алайхиссалом деб аташмайдиАвваламбор Аузу биллоҳу мин-ан Шайтону Рожийм,кейин Бисмиллоҳу Рохмани Рохийм.

Вақтида хамма Ердаги вакилларга ва уларнинг сахобаларига мен дарс берганман.

Лекин Оллох мени жаннатдаги Одам Ато ва Момо Хавога нисбатан қилган “тажриба”ларимни кечирмади.

Хамма вакилларига Ер юзида Оллохни унутмасликни  ваколат қилиб берган бўлсада,менга фақат бозорни,савдони,хаммомлару,ахлатхоналарни берди.

Ва яна ёлғиз аёллар ётадиган хоналар хам мени ихтиёримда.”Егани ош деманг ёлғиз аёлни,шайтон товоғига қўлин солади”

21 аср мени асрим десам муболаға бўлмайди.Сабаби бутун дунёни “бозор иқтисоди”ига ўтказиб олдим.

Мени йўлимдан юрмаганларни холига “маймунлар” йиғлайди.

Фақат алдаш,фирибгарлик,зўравонлик.Оддий халқнинг устидан “тажриба”ўтказиш.

Энг катта ютуғим бутун дунёдаги дин пешволари,хозирги кунда мен қўйган рахбарларни “ноғораси”га ўйнайдиган бўлишган.

-Саволларинг бўлса,қўрқмасдан айт,мен сени жонингни олмайман,сени жонингни Азроил Алайхиссалом олади-дея хохолаб кулди Шайтон Алайхиссалом.

-Ундай бўлса сиз Оллохга шак келтириб,Яратганни махсули бўлган Одамзотни юрагидан мехр-оқибатни ўғирлаб,уни ўрнига,ҳирс ва нафс балосини берган экансизда-дедим

-Эй нобакор банда,мен хеч нарсани одамзотга ваъда қилмаганман,фақат енгил хаётни “кўринишлари”ни кўрсатганман холос.Хар ким экканини ўради.Охиратда хар бир Оллох яратган жонзот ўз қилмишлари учун бирма-бир жавоб беради.У ерда хамма бир тоифада бўлади.Бой-камбағал бўлмайди.Хамма Одамзотга икки саржиндан жой ажратилган.Бойларга ёки рахбарларга кенгроқ жой берилсин деган шарт йўқ.

-Шу жавобингиз учун хам Оллохга бехисоб шукр –дедим ичимда пичирлаб.

-Ха,ёдимдан кўтарилмасдан айтиб қўяй,яқинда сизларга,яъни мен қўйган рахбарлар  орқали афв эълон қилинади.Сен хам чиқиб кетасан.Бу афв Оллох йўлида нотўғри йўлга тушиб қолганларга ва мен танлаган рахбарларга қарши чиққанларга алоқаси йўқ.Сенда Оллох берган кучли хосиятлар бор.Мен сенга ёмонликни раво кўрмайман ва йўлимга ундамайман.Сенда икки йўл бор.Ёки Оллох берган хосиятни қаттиқ ушлайсан,ёки мени йўлимга ўтасан.Кўчада кўришамиз.Хайр,хозирча.

Назоратчининг “Подьем”!деган овозидан сапчиб уйғониб кетдим.Хамма апил-тапил кийиниб ташқарига эрталабки “рўйхат”дан ўтишга шошилишди.

Мени вужудимда қандайдир янги куч пайдо бўлганлигини сеза бошладим.Қўрқинч,хавотир хислари юрагимни бутунлай тарк этган мисол.Хаёт учун кураш ва унинг мазмунини англаб етиш юрагимни чулғаб олган эди.

Хақиқатан хам яна икки ой ўтмасдан Президент афв эълон қилиб мен озодликка чиқиб кетдим.

Энди кўчада мени умуман менга сирли бўлган янги хаёт кутаётган эди.

Бу хақда келгуси қисмларда.Омон бўлинг азиз ўқувчим.

 

(Давоми бор)

 

“Дунё ўзбеклари” учун махсус

МАҚОЛАНИ ДЎСТЛАР БИЛАН БАҲАМЛАШИНГ