Тошкентда жазирама: трамвай рельсдан чиқиб кетди
Бугун Тошкентда ҳаво ҳарорати кундузи 40 градусни ташкил қилди. Кеча қуёшда бошланган кучли магнит бўрони Ерга етиб келди, чамаси. Буни қарангки, бугун 8-йўналишда ҳаракатланаётган «Татра» трамвайи рельсдан чиқиб кетди ва бетон устунга бориб урилди. Устун эса Spark автомобили устига қулаб тушди. Ҳалокат натижасида бир неча киши жароҳатланди. Бу ҳақда «Новый век» нашри республика ички ишлар вазирлиги маълумотига таяниб хабар берди.
Foto: facebook.com/groups/voditeli/
Вазирликдагиларнинг таъкидлашича, трамвай Оқтепа майдонидан Самарқанд Дарвоза кўчасига қараб ҳаракатланаётган бўлган. Муюлишда у рельсдан чиқиб кетган.
Foto: facebook.com/groups/voditeli/
Трамвай зарби натижасида қулаган устун трамвай билан параллель равишда ҳаракатланаётган Spark автомобилининг орқа қисмига тушган. Автомобилда ҳам жабрланганлар бор.
Ушбу ҳодиса бўйича тергов ишлари бошлаб юборилди.