Элбек РАҲМАТ: ЭРКАКЛАР БОШ ОЛИБ КЕТМОҚДА ЭЛДАН,
Элбек Рахмат
ЭРКАКЛАР БОШ ОЛИБ
КЕТМОҚДА ЭЛДАН,
Қишлоқларга борсам шўр босган дала,
Тераклар қирилган ёмғирдан, селдан.
Дўстларни сўрасам., дер Холиқ домла–
Эркаклар бош олиб кетмоқда элдан!
Бу халқ ҳам ўйнаса, кулса бўлмасми,
Борини баҳам еб, юрса бўлмасми,
Юрт ҳақин еганлар ўлса бўлмасми —
Эркаклар бош олиб кетмоқда элдан!
Ҳуррият! Бунчалар нонларинг тахир,
Аёллар юк ташиб елкаси яғир,
Зулмлар, зулматлар, бўлмади охир-
Эркаклар бош олиб кетмоқда элдан!
Жувонлар мардикор, эрлар мардикор,
Бу қандай қисматдир, қандоқ кирдикор?!
Бир бурда нон учун эзар бадкирдор —
Эркаклар бош олиб кетмоқда элдан!
Йигитлар кетмоқда олис Сибирга,
Қозоқ даштларига, Саҳро Кабирга,
Ҳеч кучим етмади тузук таъбирга-
Эркаклар бош олиб кетмоқда элдан!
Юртни ёв босган йўқ, келган йўқ вабо,
Оҳу фарёдларга тўлди-ку ҳаво,
Ичимиздан чиқди, бир дажжол бало —
Эркаклар бош олиб кетмоқда элдан!
Маддоҳ мунофиқни мақтайди яйраб,
Маст жаллод қутурар, пичоғин қайраб,
Бир ҳовуч мечкайлар қолди-ку яйраб-
Эркаклар бош олиб кетмоқда элдан!
Жонларга тегди бу қама-қамаси,
Золимлар қўлида ўлди Онаси,
Юртида тиланчи бўлди боласи-
Эркаклар бош олиб кетмоқда элдан!
Истиқлол шу бўлса., тушимми, ўнгим,
Қўшиқларинг ёлғон эй, Юлдуз синглим,
Абдулло Орифдан ҳам қолди-ку кўнглим —
Эркаклар бош олиб кетмоқда элдан!
Хуш нохуш хабарлар гоҳ, ўнгу сўлдан,
Ўзбек шоирлари қолганмиш тилдан!
Жиловни ўғрилар олганмиш қўлдан —
Эркаклар бош олиб кетмоқда элдан!
Қишлоқлар ҳувуллаб қолди эркаксиз,
Эй, гўзал келинлар кимга эрмаксиз?
Фарзанд отасига бўлди кераксиз-
Аёллар бош олиб кетмоқда элдан!
01.09.02. Тошкент — Чимкент
«Дунё ўзбеклари» учун махсус
МАҚОЛАНИ ДЎСТЛАР БИЛАН БАҲАМЛАШИНГ
Конституцион тузумга тажовуз килаётган, инсонлар хак хукукларини паймол килаётган рахбарларга карши бора олган жамият вакилларигина уз юртида бахт топа олади. Мен узга юртларда бир дакика хам турмас эдим, Ватаннинг бугуни ва келажаги учун тинимсиз ишлашга, виждонан ишлашга доим тайёрман. Аммо, уз тинчлигини уйлаб менга карши курсатма берган эркаклар бугун дунёнинг кайси бурчида экан! Сузида махкам турганлари эса, шарафли улим топишди! ЭРКАК, ВАТАНИДА ЭРКАК, ЧЕТДА МУХОЖИРМИЗ! ТАРАФИНГИЗНИ ОЛГАННИ СОТАСИЗ!!!!
Ушбу шеърни биринчи бор укиганимда кузимга ёш келиб, чидай олмай, хонадан чикиб кетган эдим. Ва албатта, давлат гимни буладигон асар экан деб мулохаза килдим. Аммо, бундай уйлаб карасангиз юртини ташлаб узга юртларга кетиш, хакикий эркакнинг иши эмас! Ёв босиб келадиган булса Ватанни ким куриклайди, ички душманлардан куркиб четга кетган кимсаларни кандай эркак деб аташ мумкин? КУРКОКЛАР БОШ ОЛИБ КЕТМОКДА ЭЛДАН!дейилса, тугри эмасми? Ватан озодлиги, келажаги учун курашмок керак, кон тукиш билан эмас, ҳаққини талаб этиш билан…
Фақат Ҳамро бўлиб Қуллар қолди-ку,
Эркаклари қайтмай, туллар қолди-ку,
Гулзорида сўлган гуллар қолди-ку,
Эркаклар бош олиб кетмоқда элдан!
Ахмад Хожи жаноблари! Кенжабийни шеърларига гап йўқ. Сизни мақолаларингизда умуман маъно йўқ. Фақат совет тузумини мақташ, ўтмишингизни эслаш билан оворасиз. Инсон ўтмишга эмас, келажакка интилиб яшаш керак.
Бирорта янги гап йўқ! Бу шеър эмас., бадиий саёз, бир ахборот — мақола бўпти…
мен умуман шериятдан узок одамман лекин бу шердан тасирланиб кузимга еш келди.халкнинг кузи очилиши учун купрок аудио видео файллардан таркатиш керак.менимча бизнинг менталитетимизга на европа демократия модели на диктатура ва на диний акидапарастлик тугри келади.токи биз узимиз хатоларимизни англаб етмасак диктаторлар алмашаверади лекин хеч нарса узгармайди.биз куркоклигимиз локайдлигимиз сабабини топишимиз керак
Juda kuchli she’r bo’libdi. Otasiga rahmat bu Elbek Rahmat degan shoirning. Bitta she’rning kuchi bunchalik bo’ladi deb hech o’ylamagan edim.
Шоир ва шеър дегани манашунақа бўлмайдими. Шеър ёзишни ўрганинг Элбекдан эй «шоир» Кенжа Қўзи.