Қадрдон наволар: Муҳриддин Холиқов: «Ойнинг ўн беши қоронғу…» (аудио)

---

Дилга яқин наволар: Марҳум Муҳриддин Холиқовнинг шоҳ қўшиқларидан бири. 

Аудио:

Матн:

Тоғу-тошларнинг чиройи,

Лола-гул, оҳу билан.

Хаста кўнглимнинг қувончи

Ул камол-обрў билан

Найлайин дардимга парво

Қилмадинг кулгу билан

Ойнинг ўн беши қоронғу,

Ўнбеши ёғду билан.

Умрини ошиқ ҳамиша

Ўтказар орзу билан.

Севгида кўксингга томган

Кўз ёшингдан фойда йўқ,

Ишқ ахир шундай оловки,

Ўчмагай у сув билан.

Заҳмати ишқ дард эрурса

Заҳмати шеърдур даво,

Чунки оғунинг шифоси,

Дейдилар, оғу билан.

Барча заҳмат менга бўлсин,

Майли, доим мен яшай,

Бу ажиб тотли азобу

Бу ширин қайғу билан.

Ёшлигим — умрим наҳори,

Ишқу шеърсиз не ҳаёт?

Тонгни ёлғиз ғафлат аҳли

Ўтказур уйқу билан.

Ёрни мен жоним деб айтсам

Илтифот деб ўйлама,

У яшар менсиз ва лекин

Мен тирикман у билан.

(Э.Воҳидов)

 

МАҚОЛАНИ ДЎСТЛАР БИЛАН БАҲАМЛАШИНГ