Таниқли ўзбек ёзувчиси Муҳаммад Исмоилнинг 50 йиллиги муносабати билан

---

 

ИНСОНЛАРНИ ЯХШИ КЎРАМАН
(Устозим Муҳаммад Исмоилга)

Уни ундоқ,буни бундоқ,деб
Ғийбатлашни мендан сўраманг,
Қолсам ҳамки минг пушаймон еб,
Инсонларни яхши кўраман.

Ўзи сипо,ичи деманг кир,
Бермасинлар,майли менга сир,
Нима бўлса бўлсин,барибир
Инсонларни яхши кўраман.

Озор берса кимдир танамга,
Суратини осдим хонамга,
Ўхшайди, деб ота-онамга,
Инсонларни яхши кўраман.

Отам каби хушфеъллари кўп,
Онам каби софдиллари кўп,
Тангрим билиб яратганда хўб,
Инсонларни яхши кўраман.

Ғийбат қилса,сўкса-жилмайиб,
Ё шоир,ё бахши кўраман,
Севмайдиган дил асли майиб,
Инсонларни яхши кўраман.

Обод қилар ер-у осмонни,
Меҳри билан сийлар жаҳонни,
Фарқламасдан яхши,ёмонни
Инсонларни яхши кўраман.

Ёмонлар йўқ,ёмонлик касал,
Юқиб қолар тўсатдан азал,
Мавжудотлар ичра энг гўзал
Инсонларни яхши кўраман.

Зах кўнгилни нур билан беза,
Зора шунда ҳасад панд еса,
Деяверсин ким нима деса,
Инсонларни яхши кўраман.

Ёққан бўлса сизга бу шеърим,
Кўз тегмасин,бўлса ҳам ирим.
Шудир менинг кичкина сирим:
Инсонларни яхши кўраман.

Сардор Абдуманнонов,
Фарғона

XALQIMIZNING SEVIMLI SHOIRI USTOZIMIZ,
MUHAMMAD ISMOILNING 50 YILLIK YUBILEY
TO`YLARIGA BAG`ISHLAYMAN.

MEHRIBON INSON

Kimga orzu kimga armonsiz,
Shogirdlarga ko`ksi qalqonsiz,
Xudo nazar qilgan insonsiz,
Aziz ustoz mehribon inson!
Otadursiz siz o`g`il qizga,
Yaxshi inson, yaqinsiz ko`zga,
Ulug’ ism qoyilmish sizga,
Aziz ustoz, mehribon inson!
Siz ham gohi yig`lab kulgansiz,
Shoirlikni baht deb bilgansiz,
Onangizdan duo olgansiz,
Aziz ustoz, mehribon inson!
Bulbul doim oshiqdur gulga,
Siz suyanchiq opa- singilga,
She’rlaringiz malham ko`ngilga,
Aziz ustoz, mehribon inson!
Yaxshilikni o`ychisidirsiz,
O`zbek xalqin to`ychisidirsiz !
Siz mihabbat kuychusidirsiz !
Aziz ustoz, mehribon inson!
Dil dardini so`zdir shifosi,
Sizni qo`llar xalqning duosi ,
Shunday kuylar ko`nglim nidosi
Aziz ustoz, mehribon inson !

Shogirdingiz Farxod Fido,
Sirdaryo viloyati

Ustozim MUHAMMAD ISMOILning tug’ilgan kuniga tabrik!

Bu aziz hayotning har bir lahzasi
Mangulik bag`riga muhrlangusi.
Ona allasi-yu beshikdan tortib,
Eng so`nggi damdagi umid tuyg`usi.

Bu kun — bizga bergan Quyosh taftidan
Ko`nglida cho`g` bilan kelgan shoirni.
Qo`lida erk so`zin bitajak qalam,
Bunyodkor ruh bilan kelgan shoirni.

Bu shoir — Ollohning eng erka quli,
Erkini qalamga tutqizgan inson.
She`rga baxt tojini kiydira olgan,
So`zni dard taxtiga o`tqizgan inson.

Shunday mashaqqatni izmiga yuklab,
Ellik navbahorni qutlaydi bugun.
Do`stlar tashrifining yolg`iz aybdori,
Ularsiz mazmunli o`tmaydi bu kun…

Olisdan tabrigin yo`llar bir muxlis:
«Yaqinlar baxtiga bo`ling omon!» — deb.
«Xudoyim qayerda yaratsa baxtni,
Ilohim, Siz bo`ling o`shal tomon!» — deb.

«Uzoq umringizning eng yomon kuni
Bugundek shod-xurram o`tgani bo`lsin!
Haq nasib aylagan nabiralarning
Sizning qo`lingizdan tutgani bo`lsin!

Olloh tole` bersin tog`lardan baland,
Musaffo hayot ham — Osmondan yuksak.
Faqat…
Arzirmikin —
Shunday bir kunda
Bor-yo`g`i bir she`rdan guldasta tutsak?!

Shahnoza ESHMIRZAYEVA,
Surxondaryoviloyati.

 

«Дунё ўзбеклари»дан: Нашримизнинг фаол аъзоси, таниқли ва истеъдодли ижодкор Муҳаммад Исмолнинг 50 ёшга тўлиши муносабати билан муборакбод этар эканмиз, унга сиҳат — саломатлик, бахт — саодат ва улкан ижодий ютуқлар тилаб қоламиз.

«Дунё ўзбеклари ижодий жамоаси

МАҚОЛАНИ ДЎСТЛАР БИЛАН БАҲАМЛАШИНГ