Отабек Тошев: Ўзбекистон — бутун дунё ўзбекларнинг Ватанидир!
“Дунё ўзбеклари”дан: Янги йил арафасида адабиёт ва санъат, давлат ва жамият, ҳукумат ва мухолифат тарафдорларига бир неча саволлар билан мурожаат қилган эдик.
Бугунга қадар санъаткор Моҳира Асадова, шоира Рислиғой Хотамова, табиб ва шифокор Абдуқодир Сатторов, физика математика фанлари доктори Неъматжон Раҳимов, тожикистонлик ижодкор дўстларимиз Абубакр Асоев ва Хасан Ғойиб, Ўзбекистон Олий Кенгашининг собиқ депутати Марат Зоҳидов, ёзувчилар Саломат Вафо, Нусрат Раҳмат, Бердиёр Жумаев (Диёр Дилёр), Буюк Британияда яшовчи олим Аҳмад Ҳожи Хоразмий ва адиб ва таржимон Аъзам Обид жавоблари эълон қилинди.
Бу гал “Дунё ўзбеклари”нинг Янги йил арафасидаги қатор саволларига нашримизнинг фаол ва фикри уйғоқ мухлиси Отабек Тошев жавоб беради.
“Дунё ўзбеклари” саволлари:
2013 йилнинг тарихдаги ўрнини қандай изоҳлаган бўлардингиз.
Мустақилликнинг 22 йиллигидаги Сизнинг кайфиятингиз, ўй туйғу ва орзуларингиз. Нималарни кутган эдингиз, нимларга эришдингиз ёки эришаолмадингиз…
Шахсан Сизнинг ҳаётингизда 2013 нинг ўрни.
Келаётган 2014 йилдан нималарни кутасиз?
Бугуннинг муаммоси аниқ: Ишсизлик, парокандалик. Нега адабиётда буларнинг сояси кўринмайди, йўқ…
Янги йил арафасида кўнглингизда чўкиб ётган яна қандай саволларга жавоб топишни истардингиз…
Дил сўзларингиз… Имкон қадар шу саволларга баҳоли қудрат жавоб берсангиз, мамнун бўлардик.
Ҳурмат билан, Исмат Хушев.
1. 2013 йилнинг тарихдаги урнига келсак, нихоят 2008 йилда бошланган жахон молия танглиги пастга кетишдан тухтаб, дунё иктисодини локамативи булган АКШ ва Европада иктисодий усиш бошланди. Сурия масаласида халкаро келишувга эришилди.
Мамлакатимизга келсак, Узбекистондек ёпик сиёсий тизимли давлатда, муз тогларини секинлик билан мажбурий булсада, Гулнора Каримова турткиси таъсирида эрий бошлаганини эътироф этиш мумкин.
2. Мустакиллик 22 йилини, мамлакатимизни озод булгани сифатида кандай ахволда булганимиздан каътий назар кутиб олиш, узимиз ва ота-боболаримиз олдидаги бурч карзимиздир. Шуни унитмайлик хокимятлар уткинчи, ватан мустакиллик эса 100 йиллар оша яшашини инобатга олсак, унинг кадри канчалик бебахо эканлигини чукур хис киламиз. Узбекистон нафакат уни ичида яшаётган турли-туман миллатлар ватани, шунингдик бутун дунёда яшаётган «узбекман» деган барча миллатдошларимизни хам тарихий ватани. Биз сезамиз улар мамлакатимизга талпиниб кумак кутиб яшайди. Тугри биз узимиз , афсус ёрдам кулини чузиш холида эмасмиз.
Шундай халклар борки фарован яшасада,алохида мустакил ажралиб чикиш ушалмас орзусидир.
3. Кайфиятимиз масаласига келсак, бу мухожирлик ватангадолик бир уткинчи булиб, биз ватан ичида булмасакда, бизни ичимизда ватан ташвиш кувончлари бор.
Мамлакат ичида эркинлик, хур фикрлик учун курашиб, уни оркасидан мажбуран нон излаб эмас, гоя излаб келган эканмиз, тезрок уз юртимизга кайтиш, кулимиздан келганча халкимизга хизмат килишни хохлаймиз. Бундан хам катта орзу хавас булиши мумкинми?
4. 2013 йилни менинг хаётимда хам узига яраша урни бор. Утаётган йилда илмий иш килишга киришдим. Бир канча Европа мамлакатларига оилам билан саёхатга бордим.
5. Мамлакатимиздаги ишсизлик, жамиятдаги аянчли ахволнинг етарли ёритилмаётганини сабаби цензура ва ижодкорларнинг журъатсизлигидир. Албатта адабиётда юкорида айтиб утган муоммоларни камраб олган асарлар яратилаяпти, лекин уларни чоп этиш мушкул. Ахвол кандай булишидан каътий назар шаркда зиёлилар доимо олдинги сафларда борган, купчиликка ибрат булган.
Ватандошларга тилагим, иложи борича кунгилни туширмасдан, янги йилни яхши кайфият билан кутиб олиб йил давомида нимагаки ният, орзу хавас килган булса хаммасига эришиб юрсин!
«Дунё ўзбеклари» учун махсус
МАҚОЛАНИ ДЎСТЛАР БИЛАН БАҲАМЛАШИНГ