Ўзбекистон республикаси Миллий Хавсизлик Хизмати раиси Р.Р.Иноятовга
Ўзбекистон республикаси Миллий Хавсизлик Хизмати раиси Р.Р.Иноятовга
Ўзбекистон Республикаси Ички Ишлар вазири Б.А.Матлубовга
Маълумот учун:
Тошкент шаҳар прокурорига
Тошкент шаҳар ИИБ бошлиғига
Андижон вилоят прокурорига
Андижон вилояти ИИБ бошлиғига
М У Р О Ж А А Т
Муҳтарам Рустам Расулович ва Баҳодир Аҳмедович!
Ўзбекистон инсон ҳуқуқларини ҳимоя қилиш қўмитасига нисбатан бир неча ойлардан бери фитналар уюштирилиб, фаолиятимизни издан чиқаришга уринишлар авж олмоқда.
Бундай жиноий ҳатти-ҳаракатлар Руҳиддин Комилов ва унинг шериклари бўлмиш А.Дадабоев, С.Икрамов ва бошқалар томонидан содир этилиб келинмоқда. Бу фитналарнинг буюртмачиси Муҳаммад Солих (Салай Мадаминов) эканлиги хусусида маълумотлар бор. Бундай жиноий ишлар ташкилотчилиги учун Руҳиддин Комилов ва Ш.Маҳмудовлар номига чет элдан маблағ валюталар келган.
Солиҳ – Салайга қарашли бўлган “узньюс.нет” сайти (Г.Бухарбаева) ва “Озодлик” радиоси ўзбек хизмати бу фитначиларга ахборот кўмаги бераётгани ҳам бу ишга Солиҳ-Салай алоқадор эканлигини исботлайди. Лекин, энг ачинарлиси, жойларда милиция идоралари бу фитначилар қилмишларини хаспўшлашга, баъзи ҳоларда эса амалий ёрдам уюштиришларига чидаб бўлмайди.
Мисол учун, Руҳиддин Комилов ташкилотимиз офисидан компьютер, принтер ва Тошкент вилояти бўлими муҳрини ўғирлаб кетди. Биз бу ҳақда феврал ойида Мирзо Улуғбек тумани ИИБга, сўнгра Тошкент шаҳар ИИББ га ариза бердик. Аммо, натижа йўқ. М.Улуғбек туман ИИБсидан бизга “Фуқаролик судига мурожаат қилинг” деган мазмунда жавоб хати келди.
Андижон вилоятида эса Андижон шаҳар ИИБ ТБда собиқ “Эзгулик”чи (Андижондаги 13-май воқеаларида алоқадор деб топилиб, маъмурий жазо олган) бизнинг ташкилотга мутлақо алоқаси бўлмаган, лекин Р.Комилов билан биргаликда Солиҳ-Салай топшириқларини бажараётган Абдуғофир Дадабоевнинг гўёки “фуқаровий даъвоси” бўйича ташкилотимизнинг Андижон вилоят бўлими раиси М.Отахоновнинг турмуш ўртоғига асоссиз равишда “муҳрни ноқонуний эгаллаганлик” айбини қўйиб жиноий жавобгарлик қўзғатилиб, иш судга оширилди.
Мазкур ишда яна бир “фуқаровий даъвогар” дея сунъий мақом берилган Каримов Мақсудбек бизнинг ташкилот аъзоси. Аммо унга Андижон вилоят бўлимига бирон-бир шахсга нисбатан фуқаровий даъвогар бўлиш ваколати юклатилмаган. М.Каримов ўзбошимчалик билан бу фитначилар гуруҳига шерикликда иш юритгани аён бўлди. Афсуски, Тошкент шаҳрида Р. Комиловнинг ўғрилиги юзасидан берган аризамизга (ташкилотимиз номидан) Ички ишлар хизмати мансабдорлари эътибор беришмаяпти.
Андижонда эса сохта даъвогарлар шаклан тўғри, аммо мазмунан сохталаштирилган “Йиғилиш қарори” ва “Йиғилиш баённома”си тузиб ўзларини ақалли оддий аъзоликда бўлмаганлари ҳолда раҳбар лавозимларига тайнлаб жиноий ҳаракатларини якунлаганлар. Сохта даъвогарларнинг даъволарига асосланиб Андижон шаҳар прокуратураси ва Андижон шаҳар ИИБ асоссиз жиноят иши очганлиги билан асло келишиб бўлмайди.
Наҳотки ички ишлар идоралари ходимлари ичида ҳам юртимиз душмани бўлмиш Муҳаммад Солиҳ ва унинг шерикларига хайриҳохлар бор бўлса?! Буни қандай тушуниш керак? Рус тилида айтганда: “в огороде бузина, а в Ростове — дядька”. Халк тили билан аётганда: “Давогар суст келса, Қози муттаҳам бўлади”. Сизлардан ҳақиқий ҳолатга қонуний ва ҳуқуқий баҳо берилишини сўраймиз. Расмда соҳта Андижон бўлимнинг раиси А. Дадабоев Тошкентда.
(узньюс.нет расмга олган) ва Андижонда сафсатадан иборат нутқ сўзлаяпти.
Ўзбекистон бўйича Қўмита раиси Зоҳидов Марат 30.04.2013
МАҚОЛАНИ ДЎСТЛАР БИЛАН БАҲАМЛАШИНГ
Muhammad Solihning hamma joyda odamlari bor. U yaxshimi, yomonmi erta bir kun hokimiyatni albatta oladi, mana ko`raiz. Chunki undan boshqa hamma muxolifat lideriman deganlari sotqin va munofiq, qo`rqoq kimsalar.