Мардикорликка кетганларнинг хонадонларида нима гап?
Қўшним бундан икки йил аввал қазо қилган умр йўлдошининг ўрнига, иккита кўп қаватли уйларга ширкат раиси қилиб сайланди. Бунгача катта ўғли Россияга мардикорликка кетган эди. Кейинчалик яна икки ўғли акаси ортидан кетишди. Орада қўшним кичик ўғлини, Россияга кетган болалари ёрдамида уйлади. Яқинда қўшним бир жиноий ишга аралашиб қолиб озодликдан маҳрум этилди. Катта ўғил олдинроқ уйланган, икки фарзанди бор эди.
У,-вақтинчалик жудоликка чидаб бўлса ҳам, кўпроқ пул топиб, қайтиб бу ерларга келмайман- деган ниятда бир йилча уйга келмади. Яқинда эрсизликка чидамаган, шаҳвоний хирсининг асирига айланган келинчак, бир неча ёш йигитлар билан жинсий алоқага кираётганда қўлга тушиб, элу -юрт олдида оила юзини ерга қаратди. Оиламни боқаман- деб, ўз юртидан ўзга юртда меҳнат қилиб юрган катта ўғил бу ишлардан ҳабар топиб, хотинини Россияда туриб талоқ қилди.
Хуллас, ҳонадон соҳибаси ҳаётлигида файз-баракатга тўла хонадон парокандаликка учради.
”Эрудит” газетасида чоп этилган “Ошкора қотиллик” номли мақола эътиборимни тортди. Мақолани мухтасар мазмуни қуйидагича: Қашқадарёлик беш нафар фарзанднинг отаси Собиржон исмли йигит бола-чақа ғамида Россияга мардикорликка кетади.
Кунлардан бир куни Собиржоннинг умр йўлдоши Нафиса қайниси, Баҳромжонни уйига бир алпозда кириб келади. Нафиса шу кунгача кўнглида сақлаб келганларини эрининг акасига айтишдан бошқа иложи қолмаганлигини тушиниб келган эди. Нафиса икки ойдан бери ўзидан бир неча ёш кичик бўлган қўшниси Бекзод кечалари унинг ёнига кириб, безовта қилаётгани, бир неча марта у билан яқинлик қилишга мажбар бўлгани ва қанча уни тинч қўйишини сўрагани билан Бекзод яна ҳоли-жонига қўймаётганлиги ҳақида йиғлаб гапириб берди.
Баҳром нафрат билан келинига қарар экан, бола-чақалик, икки фарзанднинг отаси бўлмиш Бекзодга қандай чора кўриш ҳақида уйлар эди. Келинига рухсат бериб, кечаси билан, манашу бола-чақаларини деб ўзга юртда кимларнингдир юмушини бажариб юрган укасини ўйлаб, қасос оловида вужуди ёнди.
Қоронғи тушган пайт укасининг уйи ёнида Бекзодни пойлади. У келиб укасининг уйига кириб кетаётганда Бекзодни ушлаб, аввал тахта билан юз-кўзлари-ю, бутун вужудини қаро қонга бўяди. Бунга ҳам чидамаган Баҳром уни бўғиб ўлдирди. Жасадни эса қишлоқнинг четига олиб бориб, қип-ялонғоч ҳолатда қолдириб қайтди.
Уни бир неча йилга озодликдан маҳрум этишди.Оқибатда иккита оила арининг уясидек тўзиб кетди.
Афсуски бундай воқеалар кейинги пайтларда кўпайиб бораяпти.
Яқинда бир жойда дўстлар даврасида ўтирсак, иккита аёл ёнимизда туриб, қўл телефони орқали ноз-ишва билан ким биландир гаплашиб, учрашув жойини аниқлашди.
Ёнимда ўтирган бир укамиз – Ака қаранг, мана шулар иккаласи ҳам бизнинг қишлоғимизда истиқомат қилишади. Мени кўрди, шунда ҳам тап тортмай бегона киши билан гаплашди. Бу иккаласининг эрлари эса буларни боқаман деб Қозоғистонда юрибди — деди.
Ҳа! Юртдошларимизнинг узоқ ўлкаларга мардикорликка кетиши жамиятимизнинг маънавий хаётига ҳам салбий таъсир кўрсатмоқда. ОАВ лари орқали одамларни ўзга мамлакатларга иш излаб бормасликка даъват этаётган мулозимлар, шундай даҳшатли тарғиботларга ҳам қарамай “Нега четга чиқиб ишлаётганлар сони кўпайса кўпайиб бораябди-ю, камаймаябди?” деган саволга жавоб топишга ҳаракат қилсалар ёмон бўлмас эди.
24-февраль, 2013-йил
Носир Зокир
Ўзбекистон Инсон Ҳуқуқлари Жамиятининг Фарғона водийси бўйича мувофиқлаштирувчиси.
МАҚОЛАНИ ДЎСТЛАР БИЛАН БАҲАМЛАШИНГ
Afsus, ming afsus!
Хозирги замонда ер юзида узбекларчалик оввора булган халк булмаса керак деб уйлайман.Россияда ва бошка давлатларда миллионлаб ватандошларимиз хору зор булишиб,азоб билан пул топишиб уйларига жунатаётганлари хам,жунатолмай юрганлари хам бор.Бунинг асосий сабаби бизнинг орган ходимларимиз ва котталаримизнинг мол дунёга муккасидан кетиб халк билан бир пуллик ишлари булмай колганидадир.Узбекистонда ички ишлаб чикариш йулга куйилмас экан,йилдан йилга баттар булиб кетаверади.Эс борида этакни ёпингиз.