"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

Президент администрацияси бошчилигида дарсликлар тўлиқ текширувдан ўтказилади

Ватандан хабарлар | 05/09/2022 22:57-     11599 марта ўқилди

Дарсликлар нашр этишда коррупцион схемаларга йўл қўймаслик шарт: Президент администрацияси бошчилигида дарсликлар тўлиқ текширувдан ўтказилади

Ўзбекистонда дарсликлар нафақат текин бўлади, балки сифат жиҳатдан ҳам тўлиқ танқидий кўриб чиқилади. Бу ҳақда Президент администрацияси раҳбари ўринбосари Комил Алламжонов хабар берди.

Фото: «Дарё» / Мадина Нурман
Фото: «Дарё» / Мадина Нурман

Қайд этилишича, мактаб дарсликларига оид давлат раҳбарининг тегишли топшириғидан сўнг Президент администрацияси раҳбари Сардор Умурзоқов мазкур масала бўйича танқидий йиғилиш ўтказди.

Унда барча мактаб дарсликларини комплекс текширувдан ўтказиш, улардаги мавжуд хато ва камчиликларни аниқлаш, сифатини яхшилаш бўйича Президент администрацияси, Халқ таълими вазирлиги, Таълим сифатини назорат қилиш инспекцияси ва яна бир қатор ташкилотларнинг масъул вакилларидан иборат катта ишчи гуруҳ тузилди.

Таъкидланишича, Сардор Умурзоқов дарсликлар нашр этишда коррупцион схемаларга йўл қўймаслик шартлигини айтиб ўтди.

Ҳисоб палатаси, Монополияга қарши курашиш қўмитаси ва Халқ таълими вазирлигига 1 ой муддатда дарсликларни тайёрлаш, нашр этиш, таннарх ва тарқатиш тизимини танқидий кўриб чиқиш, давлат буюртмаси бажарилишининг шаффоф ва самарали тизимини жорий этиш вазифаси белгиланди.

Аввалроқ мактаб дарсликлари ижараси бепул бўлиши, президент бу бўйича топшириқ бергани хабар қилинганди.

Манба: Дарё.Уз

Ўхшаш мақолалар йўқ.

МАҚОЛАНИ ДЎСТЛАР БИЛАН БАҲАМЛАШИНГ

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.