"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

ДХХ гиёҳванд моддаларнинг мамлакатимизга олиб кирилишига чек қўйди

Бош мақола, Инсон ва қонун, Муҳокама учун мавзу | 02/06/2021 15:50-     15338 марта ўқилди

ДХХ катта миқдордаги гиёҳванд моддаларнинг мамлакатимизга олиб кирилишига чек қўйди

 

09:37 / 01.06.2021

Давлат хавфсизлик хизмати Бухоро вилояти бошқармаси ходимларининг Давлат божхона қўмитаси билан ҳамкорликда ўтказган тезкор тадбири давомида “Самарқанд — Тошкент” йўналиши бўйича ҳаракатланаётган “Ласетти” русумли автотранспорт воситаси Сирдарё вилоятидаги “Янгиобод” ЙПХ масканида тўхтатилди.

Автомашина кўздан кечирилганда, унда йўловчи сифатида кетаётган чет эл фуқароси ҳамда Тошкент шаҳрида яшовчи маҳаллий фуқаро ёнида 3 кг 165 гр. “опий” гиёҳвандлик воситаси ҳамда 35 дона психотроп таблетка борлиги аниқланиб, процессуал тарзда расмийлаштириб олинди.

Терговга қадар текширув ҳаракатлари давомида улар мазкур гиёҳванд моддаларни Самарқанд шаҳридаги автотураргоҳда халқаро юк ташувчи автомашина ҳайдовчиси бўлган чет эл фуқаросидан 15 минг АҚШ долларига сотиб олганликлари маълум бўлди.  

Шундан сўнг тезкор тадбир давом эттирилиб, ушбу хорижлик ҳайдовчи вақтинча бўлиб турган Самарқанд шаҳридаги автотураргоҳ ҳамда унинг бошқарувида бўлган юк автомашинаси кўздан кечирилганда, автомашинанинг салон қисмида 15 минг АҚШ доллари ҳамда у томонидан автотураргоҳнинг ёрдамчи биносига яшириб қўйилган 3 кг 960 гр. “опий” гиёҳвандлик моддаси борлиги аниқланиб, холислар иштирокида расмийлаштириб олинди.

Аниқланишича, Афғонистонда етиштирилган ушбу наркотик моддалар учинчи давлат орқали мамлакатимизга олиб кирилган.

ДХХ Фарғона вилояти бошқармаси томонидан ўтказилган тезкор тадбирда “Тошкент — Қўқон” йўналишида ҳаракатланиб келаётган “Нексия-1” русумли автотранспорт воситаси Данғара тумани ҳудудида тўхтатилди.

Автомашина кўздан кечирилганда, унда йўловчи сифатида кетаётган Тошкент вилоятининг Бекобод шаҳрида яшовчи 3 нафар фуқарога тегишли бўлган 1 кг.дан ортиқроқ оғирликдаги “гашиш” гиёҳванд моддаси борлиги аниқланиб, тегишли тартибда расмийлаштириб олинди.  

Маълум бўлишича, ушбу гиёҳванд модда Тожикистон Республикасида 7 минг АҚШ долларига сотиб олиниб, сўнгра Тошкент вилояти Бекобод тумани ҳудудига контрабанда йўли билан олиб ўтилган. Оғуфурушлар уни Қўқон шаҳрида сотишни режалаштиришган.  

 Фарғона туманида яшовчи, 1987 й.т. фуқаро Қирғизистон Республикасининг Қадамжой районида истиқомат қилувчи шахс томонидан ўзбек-қирғиз давлат чегарасидаги сим тўсиқлар устидан улоқтирилган 1 кг 367 гр. “гашиш” гиёҳвандлик моддасини қабул қилиб олиб, келгусида сотиш мақсадида ўз хонадонига яшириб қўяди.

ДХХ ходимлари томонидан ўтказилган тезкор тадбирда унинг хонадонидан ушбу гиёҳвандлик моддаси процессуал тартибда расмийлаштириб олинди.

 Фарғона туманида кузатилган яна бир ҳолатда 1981 й.т., муқаддам судланган фуқаро ўз яшаш хонадонида 1981 й.т. ҳамқишлоғидан 983 гр. “гашиш” моддасини қабул қилиб олган вақтида ДХХ ходимлари томонидан ушланди. Шунингдек, ушбу ажал оғусини қўшни давлатдан олиб ўтишга кўмаклашган 1995 й.т. учинчи шахс ҳам қўлга олинди.  

Аниқланишича, ушбу гиёҳвандлик воситаси Қирғизистонда 6.500 АҚШ долларига сотиб олиниб, контрабанда йўли билан республикамиз ҳудудига олиб ўтилган.

 ДХХ Наманган вилояти бошқармаси ва вилоят божхона бошқармаси ходимлари ҳамкорлигида ўтказилган тезкор тадбирда “Наманган — Тошкент” йўналишида ҳаракатланаётган Наманган шаҳрида яшовчи, 1987 й.т. фуқаро бошқарувидаги “Нексия-3” автомашинаси Қамчиқ довонида жойлашган ЙПХ масканида тўхтатилди.

Автомашина кўздан кечирилганда, унинг салон қисмида Қирғизистон Республикасидан ноқонуний олиб келинган 2800 дона капсуладаги “Регапен” ва 1309 дона флакондаги “Тропикамид” кучли таъсир қилувчи дори воситалари борлиги аниқланиб, процессуал тарзда расмийлаштириб олинди.  

 Ҳозирда ушбу шахсларга нисбатан қўзғатилган жиноят ишлари доирасида зарур чора-тадбирлар амалга оширилмоқда.

ДХХ матбуот хизмати

 

ЎзА

Ўхшаш мақолалар:

  1. Ўзбек ёзувчиси президент Каримовга яна очиқ хат ёзди
  2. 2005 йилнинг 13 майи – Ўзбекистон тарихидаги энг қора кундир
  3. Ҳамроқул Асқар: — Алиби тан олинмади, ўғриларнинг ҳомийлари ким? Олий Судми?!!
  4. Тошкент шаҳар прокурори Баҳриддин ака Валиевга Сафо Бек Қоридан Ариза
  5. Ўзбекистон Бош прокурори Ниғматилла Йўлдошевга Қобилжон Тўлашевдан хат
  6. Каримовни судга бериб 12 йил қамоқда ўтирган Чўян Маматқуловнинг музокара сўзи
  7. Ўзбекистон Республикаси Президенти Шавкат Миромонович Мирзиёевга
  8. Гулжаҳон Йўлдошеванинг адвокати эҳтиёт чорасидан норози — Ф.Нажмиддинова
  9. Каттақўрғондаги ўқувчи қиз йўқолганми, «йўқотилганми»?..
  10. Бош муҳаррир И.Хушевга: Турдимовнинг ноқонуний ишидан яна бир ҳикоя
  11. Бош муҳаррир И.Хушевга: Эркинжон Турдимов ва Пойариқ тумани ҳокимига оид
  12. Сохта аккаунт, сохта раҳбар, сохта ёрдам, жавобгарлик эса ҳақиқий — ИИВ Ахбороти
МАҚОЛАНИ ДЎСТЛАР БИЛАН БАҲАМЛАШИНГ

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.