"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

Абдулла Орипов: Сен эсдинг – очилди ёрнинг жамоли, О, юртим шамоли, юртим шамоли.

Абдулла Орипов: “Онажоним – шеърият!”, Адабиёт | 08/04/2021 22:15-     17070 марта ўқилди

Абдулла Орипов

ЮРТИМ ШАМОЛИ

Йўлларда елдирим мисоли елдим,

Еллар водийсига бошлади ҳавас.

Елвагай Ҳисорнинг бағрига келдим,

Сен эсдинг – таралди сийм танда атлас,

Сен эсдинг – очилди ёрнинг жамоли,

О, юртим шамоли, юртим шамоли.

Мен-ку бу дунёда бир зори висол,

Карбало даштида Мажнун сифатман.

Шамоллар ичида мен ҳам бир шамол,

Чечаклар атридан мен ҳам сармастман.

Лекин сен руҳимнинг мангу хаёли,

О, юртим шамоли, юртим шамоли.

Қанча шамолларга юзимни бурдим,

Улардан эсдилар турфа хил нафас.

Уларда гоҳ қайғу, гоҳ шодлик кўрдим,

Тўхтамай ўтдилар бари ҳам бир пас.

Фақат қайғулардан сен ўзинг холи,

О, юртим шамоли, юртим шамоли.

Шамоллар эсгандир ушбу дунёда,

Шамоллар гоҳ қуюн, гоҳида довул.

Улар гоҳ ошкора, гоҳо рўёда

Қанча бўстонларни совурган буткул,

Лекин сен бўлмагин боғлар заволи,

О, юртим шамоли, юртим шамоли.

Эсгин, эй, боғларнинг жамоли кулсин,

Мовий нафас билан тўлсин этаклар.

Учқур қўшиқларга бу олам тўлсин,

Шаънингга шоирлар айтсин эртаклар.

Эсгин, Ватанимнинг таралсин боли,

О, юртим шамоли, юртим шамоли.

Мени чорлаётир олий бир жамол,

Билмасман, оҳ, унга қачон етурман.

Бу гулшан водийда мен ҳам бир шамол,

Шамол каби келдим, шундоқ кетурман.

Лекин, Абдулланинг боқий камоли,

О, юртим шамоли, юртим шамоли.

1969

Ўхшаш мақолалар:

  1. А.О: Мен олиб кетгайман дунёдан фақат Аллоҳ деган бир сўз – Аллоҳ номини
  2. Абдулла Орипов: Каттакон карвонга мансуб бўлса ҳам Гадонинг рутбаси гадодир доим…
  3. Кимлардир кўзингни юмишдан аввал, Тозалаб қўяди чўнтакларингни…
  4. Юсуф Жума — Абдулла Орифга: Кўрди ўзидан зўр уммонни уммон…
  5. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (18)
  6. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (30)
  7. Ўзбекистон Қаҳрамони, халқ шоири Абдулла Орипов: Савод…
  8. Улуғ ўзбек шоири Абдулла Ориповнинг 75 йиллик юбилейи олдидан (5-мақола)
  9. Абдулла Орипов: Менинг Мингчинорим, қайдасан, айтгин?!
  10. Абдулла Орипов: Рафиқамга — Сен борсан, мен учун бу олам гўзал…
  11. Абдулла Орипов шеърияти: Менсиз қолганингда чидайсан, болам…
  12. Абдулла Орипов: Мангулик… Ислом Каримов хотирасига
МАҚОЛАНИ ДЎСТЛАР БИЛАН БАҲАМЛАШИНГ

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.