Бош муҳаррир И.Хушевга: “Турдимов мафияси”дан бир шингил… (Бешинчи мақола)

---

“Дунё ЎЗБЕКЛАРИ” интернет газетаси бош муҳаррири Жаноб И.ХУШЕВГА

Ассалому алайкум ҳурматли Исмат ака Сизнинг “Дунё ўзбеклари” интернет газетасидаги ва “Юзма-юз” кўрсатувингиздаги Самарқанд мафияси ҳақидаги чиқишларингизни зўр қизиқиш билан кузатиб бормоқдамиз. Самарқанд вилоят ҳокими Э.Турдимовнинг порахўрлигини ҳаққоний тарзда ёритиб бермоқдасиз. Сизга бу жанобнинг ҳамтовоқлари билан яна бир амалга оширган коррупция ишларидан бир шингилини оммага маълум қилиш учун йўлламоқдамиз.

Э.Турдимов ўзига ўзидан кучли ва билимдон, ишбилармон, халқпарвар инсонлар умуман ёқмаслиги сабабли бутун республикага таниқли, катта ҳаётий тажрибага эга бўлган, ҳалол, меҳнатсаевар, қаерда ишламасин гуллатиб-яшнатган, обод қилган инсон Абдумўмин Жўраевни Республика раҳбариятига турли бўҳтон ва туҳматлар етказиш орқали 2019 йилда Пайариқ туман ҳокими лавозимидан бўшатишга эришиб, ўрнига чизган чизиғидан чиқмайдиган, эшитишимизча қандайдир жуда яқин, қариндошнамо бўлган, бирон бир ишни ўз фикри билан ҳал қила олмайдиган Дилшод Мусиновни Пайариқ туман ҳокими вазифасига тайинлашга эришди.

Фақатгина ижтимоий тармоқларда ўзини “пиар” қилиш билан банд бўлган Тажрибасиз ҳоким Д.Мусинов бир йилга қолмасдан Пайариқ туманини Республикадаги 33 та қолоқ туманлар орасига киритиб улгурди. “Пиар” қилиб мақтаниб юрган ишларнинг барчаси А.Жўраев қилган ва бошлаган ишларнинг давомидир.

Э.Турдимов бирон-бир иш қўлидан келмайдиган, ҳоким сифатида шахсий ўз фикрига эга бўлмаган, икки йил давомида туманда деярли бирон-бир жўяли ишларни амалга оширмаган ҳамтовоқ шогирдини ҳимоя қилиш, вазифасида сақлаб қолиш учун туманни ижтимоий-иқтисодий ривожлантириш борасида Ҳукумат қарорини чиқаришга ҳам эришди. Ахир тажрибали, ишбилармон ҳоким бўлса Пайариқ туманини ички имкониятлари тўлиб-тошиб ётибдику, вилоятда ривожланиш жиҳатдан Пайариқдан ҳам оғир бўлган туманлар кўпку. Муҳтарам Президентимиз ўтказган бир видеоселектор йиғилишида А.Жўраев ҳоким вақтлари солиқ тушумлари режасини бажарилиши бўйича Пайариқ методини бутун Республикага жорий қилган эдиларку.

Бироқ, Пайариқ тумани ҳокими Д.Мусинов Э.Турдимов раҳномалигида Пайариқ туманида коррупцияни жуда зўр ривожлантиришга эришди деб ўйлаймиз.

Э.Турдимов бошчилигида ҳамтовоқлари Пайариқ туман ҳокими Д.Мусинов ҳамда вилоятдаги йирик бир компания раҳбари иштирокида Пайариқлик 4400 нафар “камбағал”ларни “бой” қилиш мақсадида туманда 2200 гектар ер майдонида токзор барпо қилишда яратилган коррупцион схемаси орқали яъни, бир гектар узумзорни “камбағал” аҳолига 44,5 млн.сўмдан кредит ҳисобидан пуллаб 55,0 млрд сўмдан ортиқ халқ пулини талон тарож қилишга эришдилар деб ўйлаймиз. Агар харажатлар очиқланса бу сумма янада ортиши мумкин.

“Камбағал” деб аталган 4400 нафар фуқароларнинг аксариятини, “темир дафтар”да бўлмаган яхши таъминланган ҳамда ўрта ҳол оилалар ташкил қилади. Бу рўйхат шахсан Д.Мусинов топшириғи билан маҳалла раислари томонидан шакллантирилган. Ахир ҳақиқий кам таъминланган оила 0,5 гектар токзор учун ажратилган 22,5 млн.сўм кредит ва фоизларини қандай тўлайди, боғ ҳосилга кирмаган бўлса, оралиқ экинлардан олинган даромад билан томоқни ямайдими ёки кредитни қайтарадими.

Интернет тармоғидан олинган маълумотларга кўра бир гектар ер учун томчилатиб суғориш ускуналари ўрнатишга, кўчат экишга максимал даражада 2000 АҚШ доллари сарфланади. 2200 гектар учун харажатлар сўмга чақилса 44,0 млрд.сўмни ташкил қилади, 4400 нафар камбағалга 22,5 млн.сўмдан жами ажратилган кредит 99,0 млрд.сўм бўлади,. Қолган ҳисоб-китобни ўзларингиз чиқариб олайверингизлар. Хўш Пайариқда ким “бойиди”, “камбағал” дейилган халқми ёки Э.Турдимов бошчилигидаги ноинсоф раҳбарларми?

Давлатимизнинг ҳам ҳисоб-китоблари жойида деб ўйлаймиз, чунки шахсий маблағлари ҳисобидан интенсив боғ яратганларга гектарига кўпи билан 10,0 млн.сўм атрофида субсидия бермоқда.

Нафс балоси шу даражаги қонунбузиш ҳолатига етакладики, Э.Турдимов зуғуми билан тижорат банклари маҳалла раислари топиб келган 4400 нафар фуқаронинг фақатгина паспорт нусхаси билангина, бошқа ҳужжатларни расмийлаштирмасдан, узумзорлар тайёр бўлмасада, ҳар бирига 0,5 гектар узумзор учун 22,5 млн.сўмдан кредит расмийлаштиришга мажбурланди. Бу пуллар тўғридан-тўғри узумзор ташкил қилган ҳамтовоқ компания ҳисоб рақамига тушиб, Туркия давлатида “ювилиб” жойини топиб кетди.

Э.Турдимов бошчилик раҳбарларнинг ушбу кирдикорликлари ижтимоий тармоқда ёритилгандан сўнг, шунчаликка борилдики катта миқдордаги пулни “туя” қилиб юборишган бўлсада, яна бу қилган ишларини мақтаниш учунми ёки қилган ишларидан пушаймон бўлиб кечирим сўраш учунми ёки туман ҳокими Д.Мусиновни “камбағаллик”ни қисқартириш борасида амалга оширган қаллобчилигини кўзбўямачилик қилиб алдаш учунми Президентимизнинг энг ишончли вакили, Ҳукуматимиз раҳбари А.Ариповни Ингичка деб аталмиш “жиноят” даласига олиб боришгани ҳеч тушунарсиз қолмоқда.

Пайариқ туман ҳокимлиги ва “хомий”лари иштирокидаги аҳолини узумзор барпо этиб “камбағаллик”дан чиқариш бўйича “инновация”лари ҳақида оммавий ахборот воситаларида аниқ фактлар билан жуда кўп маротаба чиқишлар бўлди. Шамол бўлмаса дарахт учи қимирламайдику ахир, аҳоли ҳам улар ўйлаганчалик авом эмас, ҳар-бир гектар узумзор учун қилинган харажатларни хомчўт қилиб ўтирибди.

Наҳотки Янги Ўзбекистон деб аталмиш давлатдаги бирон-бир ҳуқуқни муҳофаза қилувчи органларда бу ҳолатлар қизиқиш уйғотмаган бўлса.

Агар буларнинг ҳаммаси ёлғон бўлиб, ҳақиқатдан ҳам Пайариқ туман ҳокимлиги халқни ғамини чекиб, “камбағаллар”ни “бой” қилиш мақсадида бу ишларни амалга оширган бўлса Шаффофликни таъминлашларини сўраймиз, узумзор яратиш бўйича лойиҳа-смета ҳужжатларини очиқласин, бу махфий ҳужжат эмаску, халқ билсин, ишонч ҳосил қилсин, шубҳалари бўлса ҳужжатларни маҳаллий ёки тегишлилиги бўйича нуфузли мутахассисларга шаффоф экспертиза учун берсин. Шундагина бу машмашалар барҳам топади деб ўйлаймиз.

Ўзбекистон Республикаси Ҳукумати ҳамда тегишли ҳуқуқни муҳофаза қилувчи органлар томонидан Пайариқ туманидаги барпо этилган коррупция ҳиди яққол анқиб турган узумзорлар бўйича адолат, шаффофлик, ҳақиқат таъминланмас экан оммавий ахборот воситаларига мурожаат қилишдан ҳеч қачон тўхтатамаймиз.

Э.Турдимов бошчилик қаллобларнинг бу қилмишлари маҳаллий прокурорлар томонидан кечирилиб, ёпиқ қозон, ёпиқлигича қолиб кетса, турдимовчилар коррупция ишларини давом эттирайверсалар, юқоридаги жиноятни содир этганларга жазо муқаррарлиги таъминланмаса – “Дунё ўзбеклари” нашри бу борада ўзининг принципиал муносабатини албатта билдиради ва Президент Мирзиёевни Самарқанддаги бу нопоклик, қаллобликлик ва коррупциядан албатта огоҳ этади.

Биз бунга ишонамиз!   

Бу борада Муҳтарам Президентимизнинг одилона хулосаларини кутиб қоламиз.

ҲУРМАТЛИ ИСМАТ МАҲМУДОВИЧ! ЭЛ СЕВГАН “ДУНЁ ЎЗБЕКЛАРИ” РЕДАКЦИСИ!

Биз шунга аминмизки, Самарқанд аҳли Турдимовлар шайкасидан безор бўлди, мафиядан жони ҳалқумига келди! Самарқанд порахурлардан, нопок “арбоб”лардан ҳазар қилади! Самарқанд – буюк сайловлар олдидан, айниқса, Президент сайловлари тонгида, Буюк ва муқаддас Самарқанд тозаланишга, покланишга, ҳалоликка муҳтож! Самарқандда тобора илдиз отиб бораётган ва, шубҳасиз, муҳтарам Президентимиз Шавкат Миромонович Мирзиёев олиб бораётган “Янги Ўзбекистон” истиқболига хавф тўғдираётган “Турдимов мафияси” хусусида адолатгўй Самарқанд халқининг қарори битта ва ҳукми қатъий:

ЖАНОБ ТУРДИЕВ, СИЗГА ЮКСАК ИШОНЧ БИЛДИРГАН МУҲТАРАМ ПРЕЗИДЕНТ ВА САМАРҚАНД ХАЛҚИ ОЛДИДА ЖАВОБГАР ЭКАНЛИГИНГИЗНИ УНУТМАНГ! БАС, ШУНДАЙ ЭКАН, САМАРҚАНД ХАЛҚИНИНГ ЮЗИГА ОЁҚ ТИРАШНИ БАС ҚИЛИНГ!  САМАРҚАНДНИНГ ТУЗИНИ ИЧИБ, ТУЗЛИҒИГА ТУПУРМАНГ!

АЗАЛДАН КЎПМИЛЛАТЛИ ВА ЎЗАРО ИНОҚ, АБАДУЛ-АБАД ДЎСТИ-БИРОДАР БАҒРИКЕНГ САМАРҚАНД АҲЛИНИНГ САБРИ-ТОҚАТИ ТУГАДИ! КЎҲНА ВА НАВҚИРОН, МЕҲНАТКАШ ВА ЗАХМАТКАШ, ҲАР НАРСАДАН АДОЛАТНИ УСТУН ҚЎЙГУВЧИ САМАРҚАНД ХАЛҚИНИНГ ҲУКМИ –ҚАРОРИ БИТТА:

ДОЛОЙ, ШАЙКА! ДОЛОЙ, МАФИЯ № 1”!!!

 

ИМЗО:  Бир гуруҳ фахрийлар номидан

 

/Муаллифлар исми – шарифи “Дунё ўзбеклари”га маълум/

 

P.S. “Дунё ўзбеклари” ушбу материал юзасидан қизиқиш билдирган мутасадди тергов органлари билан қонуний ҳамкорлик қилишга тайёр. 

 

“Дунё ўзбеклари” редакция почтасидан

МАҚОЛАНИ ДЎСТЛАР БИЛАН БАҲАМЛАШИНГ