Фарҳод Бобоназаров: Сунбул сунбул сочларингга Кўмилиб кетсам дейман…
Ошиқ орзуси висол
Ўртамизда улкан довон
Довондан ўтсам дейман
Айрилиқни этиб яксон
Васлингга етсам дейман
Чап кўксимнинг қаърига
Ишқни жо этсам дейман
Ғунчаларнинг баргида
Васлингга етсам дейман
Ширин дийдор бекатида
Сени зор кўтсам дейман
Ой нурининг ҳилватида
Васлингга етсам дейман
Чап кўксимнинг қаърига
Ишқни жо этсам дейман
Ғунчаларнинг баргида
Васлингга етсам дейман
Сунбул сунбул сочларингга
Кўмилиб кетсам дейман
Ширин ширин лабларингга
Ғарқ бўлиб кетсам дейман
Найсонларнинг бағрида
Васлингга етсам дейман
Гўзалим гул оразинг
қалбим оҳанрабоси
Сочларингни силайди
субҳ сарин сабоси
Алифга ҳеч ўхшамас
савр қадинг қиёси
Дол мисоли икки қат
икки қошингни ёси
Ишқ ила инсон яқин
қошу киприк ароси
Мени мафтун айлаган
кўзларингни чароси
Лола каби қип-қизил
лабларингни гелоси
Лабларимда қолди-ку
лабларингни широси
Хусн гулзорида юзинг
гуллар аро раъноси
Бинафшадекбегубор
дудоғларинг жилоси
Табассум-ла боқишинг
нозларингни аълоси
Фарҳод ўша энг ширин
нозларингни адоси
Ҳаргиз гул ёр васфига
йўқдир назм навоси
Ёр ила бахтли бўлмоқ
ишқимни муддаоси
«Дунё ўзбеклари» редакция почтасидан
МАҚОЛАНИ ДЎСТЛАР БИЛАН БАҲАМЛАШИНГ