Karim Bahriyev 

“Ватан хоини”, “халқ душмани” бўлиш осон иш эмас, Чўлпон, Усмон Носир, Фитрат, Қодирийлар шу номга эга бўлганлар диктатор тузумда…

Шу маънодаги шеър “Томчидил китобидан 

Чўлпон
дарди

Сен «Ватан» деб туриб овқат ютарсан,
Мен ютарман қон.
Тамаки чекарсан “Элим” деб сўзлаб,
Мен чекдим афғон.
Сен “Халқим” деб тошиб
Осмонга учдинг,
Мен ерга тушдим.
Сен “Юртим” деганда
рақсга тушдинг,
Мен терга тушдим.
“Комил Ватаним” деб мақтайсан тинмай,
Безайсан либос.
Туркистонни комил кўрайин дея
Сўзлайвердим рост.
Сен «Ватаним» дея яшардинг
шодмон,
Кўзимда — ёшим.
Сенинг кўкрагингга қадашди
нишон,
Менинг кўкрагимда эса…
Қўрғошин.
1987

“Дунё ўзбеклари” учун махсус