Бош муҳаррир И.Хушевга: Конституция ғалабаси учун кечаётган жанг!
Сизни Ўзбекистон Конституцияси қабул қилинганлигига 28 йил тўлиши боис Отам ва ўзимнинг номимиздан муборакбод этамиз! Ишонамизки, албатта куни келиб, бунда қонун устуворлиги хар қандай бежамаларсиз таъмин бўлажак!
Тажриба кўрсатмоқдаки, гарчи юксак супалардан туриб, турли даражадаги амалдору, раҳбарлар оддий халқнинг қўйнини пуч ёнғоққа тўлдираётган бўлсалар-да, унинг косаси хали бери оқармайдигандек. Улар аввало ўзлари шу асосий қонунимизга итоаткор бўлишлари керак, халқимиз уларга эмас.
Шу борада Сиз олиб бораётган адолат, халқ учун тенгсиз жанг бутун дунё ўзбекларининг диққат марказидадир.
Зотан, ўзбек амалдори Сиздек адолатга чанқоқ бўлсагина, ўзгаришлар, янгиланишлар юз бериши мумкин Ватанда.
Албатта Парвардигор Сиз сингари ўзбекнинг асл ўғлонларини манфур амалдорларга қарши кураш учун Ўзи яратажак! Мисолан, барча кузатувчиларга кафтдек аёнки, Сиз чиқишларингизда турфа йўналишларда, адолатсизликка учраган инсонларнинг ҳимоясига отиласиз, оғзингиздан чиқаётган хар бир каломингиз гўёки ҳарбий дивизионлардан отилаётган снарядлар каби золимларнинг устига қулаб, уларни тор—мор этаётир!
Бу адолат — Конституция ғалабаси учун кечаётган жангдир!
Бу жанг ҳали кўп давом этадиган кўринади. Албатта куни келиб, авлодлар Ўзбекистон шундай кунларни кўрган,
Исмат Хушевга ўхшаган ватанпарвар одамлар бўлган деб эслаб юришади…
Юксак ҳурмат бн,
Талант Александеров
2020-12-07, Тошкент
«Дунё ўзбеклари» редакция почтасидан