Абдулла Орипов: Мен дегайман, боқ, азизим, Хадра-ю Дўрмонда қор…
Абдулла Орипов
ҚОР
Бул ажойиб кун эрурким,
Ялтирар ҳар ёнда қор.
Кўкдa офтоб, ерда юлдуз,
Гарчи йўқ осмонда қор.
Бул ғаройиб шеър недур деб
Пирпирар Юлдуз қизим.
Мен дегайман, боқ, азизим,
Хадра-ю Дўрмонда қор.
Еттига тўлмиш, тўкилмиш
Катта қизнинг тишлари.
Оқ садафми ушбу ёнда
Дур каби дандонда қор.
Суҳбат айлаб турган эрдим
Мен Зариф қизчам билан,
Кимдир айтди: кўп йўталманг
Иккингиз, балконда қор.
Ушбу қорким эрта-индин
Сув бўлар, бўстон бўлар.
Сочда кўрдим тўртта тола
Бул асл бўстонда қор.
1977
Абдулла Орипов@abdullaorifijodi
«Дунё ўзбеклари» редакция почтасидан