Янги Ўзбекистон Олий судининг эски раиси Козимжон Комилов диққатига
ЯНГИ ЎЗБЕКИСТОН ОЛИЙ СУДИНИНГ ЭСКИ РАИСИ ҚОЗИМЖОН КОМИЛОВ ДИҚҚАТИГА!
ПРЕЗИДЕНТ ШАВКАТ МИРЗИЁЕВНИНГ СУД ҲУҚУҚ СОҲАСИДАГИ ИСЛОҲАТЛАРИ НАТИЖАСИ ЎЛАРОҚ, НОҲАҚ АЙБЛАНГАН ҲАМЮРТЛАРИМИЗНИНГ ИШЛАРИ ҚАЙТА КЎРИЛИБ, ОҚЛОВ ҲУКМЛАРИ ЧИҚАРИЛИБ УЛАРНИНГ ПОЙМОЛ ЭТИЛГАН ҲУҚУҚЛАРИ ТИКЛАНМОҚДА. СУДЛАРДА ҲАМ НИҲОЯТ АДОЛАТ ҚАРОР ТОПМОҚДА.
БУ, ЯХШИ, АЛБАТТА, ЛЕКИН ОҚЛАНГАНЛАРНИНГ ЙЎҚОТИЛГАН БОШҚА ҲУҚУҚЛАРИ, ЕТКАЗИЛГАН МОДДИЙ ВА МАЪНАВИЙ ЗАРАРЛАРИ, УЛАРНИ СУД ҚАРОРИ БИЛАН ЯНА ЎЗ ИШИГА ТИКЛАШ МАСАЛАСИ ҚАЙ ДАРАЖАДА ҲАЛ ЭТИЛМОҚДА?!
ОЛИЙ СУДНИНГ ЖИНОИЙ ИШЛАР БЎЙИЧА СУДЛОВ ҲАЙЪАТИ СОБИҚ ПРОКУРОР Ф. ШАЙМАНОВНИ МУТЛАҚА АЙБСИЗ ДЕБ ОҚЛАДИ!
ЛЕКИН, ҲАНУЗГАЧА ШУ СУДНИНГ ФУҚАРОЛИК ИШЛАРИ БЎЙИЧА СУДЛОВ БОСҚИЧЛАРИ ҲАЛИ У СУДГА БОР, ҲАЛИ БУ СУДГА БОР ДЕБ, 3 ЙИЛДАН БУЁН ОВОРА ҚИЛИШДА ДАВОМ ЭТМОҚДА.
ФАРҲОД ШАЙМОНОВНИНГ ДАЪВО АРИЗАСИ ТОШКЕНТ ШАҲАР СУДИДА КЎРИЛГАНИДА, ЖАВОБГАР БОШ ПРОКУРАТУРА ВАКИЛИ: — Ф. ШАЙМАНОВНИ ВИЛОЯТ ПРОКУРОРИ ЎРИНБОСАРИ ЛАВОЗИМИДАН ПАСТ ЛАВОЗИМГА ТУШИРИШГА ҲЕЧ ҚАНДАЙ НЕГАТИВ ҲОЛАТЛАР БЎЛМАГАНЛИГИ, АКСИНЧА ПРЕЗИДЕНТ АДМИНСТРАЦИЯСИ ТОМОНИДАН ИЖОБИЙ ТАВСИЯЛАР БЕРИЛГАНИ ТЎҒРИСИДА ҲУЖЖАТЛАР ТАҚДИМ ЭТИБ, УНГА НИСБАТАН БОШ ПРОКУРАТУРА СОБИҚ РАҲБАРИЯТИ ТОМОНИДАН НОҲАҚЛИК СОДИР ЭТИЛГАНЛИГИНИ ТАСДИҚЛАБ КЎРГАЗМА БЕРДИ…
ЛЕКИН, СУД ДАЪВОГАР ФАРҲОД ШАЙМОНОВНИНГ ИХТИЁРИГА БОҒЛИҚ БЎЛМАГАН УЗРЛИ САБАБЛАРГА КЎРА ЎТКАЗИБ ЮБОРИЛГАН СУДГА МУРОЖААТ ЭТИШ БЎЙИЧА БИР ОЙЛИК МУДДАТИНИ ТИКЛАШ ТЎҒРИСИДАГИ АРИЗАСИДАГИ АСОСЛИ ВАЖЛАРНИ ИНОБАТГА ОЛМАСДАН, ЯНА САРСОНГАРЧИЛИККА САБАБ БЎЛАДИГАН МАНТИҚСИЗ ҚАРОР ЧИҚАРДИ.
СОБИҚ БОШ ПРОКУРОР Р.ҚОДИРОВ ҲЕЧ БИР АСОССИЗ Ф.ШАЙМОНОВНИ ВИЛОЯТ ПРОКУРОРИ ЎРИНБОСАРИ ЛАВОЗИМИДАН БЎШАТИБ ЗАНГИ ОТА ТУМАН ПРОКУРОРИ ЛАВОЗИМИГА ЎТКАЗГАНИДАН БИР НЕЧА КУН ЎТИБ УНГА ТУҲМАТ УЮШТИРИЛИБ, ҲИБСГА ОЛИНГАНИ ҲОЛДА У ҚАНДАЙ ҚИЛИБ НОҲАҚ ИШДАН ЧЕТЛАТИЛГАНИ ҲАҚИДА СУДГА МУРОЖААТ ЭТИШИ МУМКИН?!
ОҒИР ҚИЙНОҚЛАР ОСТИДА СЎРОҚ ҚИЛИНИБ ҲИБСДА, СЎНГ ҚАМОҚДА ЎТИРГАН ОДАМ ДАЪВО МУДДАТИНИ ЎТКАЗИБ ЮБОРИШИ УЗРЛИ ЭКАНЛИГИ МАКТАБ БОЛАСИГА ҲАМ ТУШУНАРЛИ ҲОЛКУ.
НЕГА, ОДИЛ СУДЛОВ ИШНИНГ ҲАҚИЙҚИЙ ҲОЛАТИГА ХОЛИС БАҲО БЕРМАСДАН ЯНА САНСАЛОРЛИКНИ ДАВОМ ЭТТИРМОҚДА?!
ДАЪВО АРИЗАСИГА ТАҚДИМ ЭТИЛГАН ҲУЖЖАТЛАРГА ҲУҚУҚИЙ БАҲО БЕРМАСДАН ЖАБРЛАНУВЧИ ВА УНИНГ ОИЛАСИГА ЕТКАЗИЛГАН МОДДИЙ ВА МАЪНАВИЙ ЗАРАРЛАРНИ АРЗИМАГАН СУММАДА БЕЛГИЛАБ, МОДДИЙ ЗАРАРНИ ОҚЛОВ ҲУКМИ ЧИҚАРГАН СУДГА ҲАВОЛА ҚИЛИБ, ИШГА ТИКЛАШ ТАЛАБИНИ АСОССИЗ РАД ЭТИБ, ЎТА АДОЛАТСИЗ ҚАРОР ЧИҚАРДИ.
ҲУРМАТЛИ ОЛИЙ СУД РАИСИ!
БУГУН ЖАҲОН АҲЛИ ЎЗБЕКИСТОННИ ДЕМОКРАТИК ЯНГИ ЎЗБЕКИСТОН СИФАТИДА ТАН ОЛМОҚДА.
КЎРИБ ТУРИБСИЗКИ РИВОЖЛАНГАН ДЕМОКРАТИК ДАВЛАТЛАРНИНГ БИРОРТА СУД ҲОКИМИЯТИ ВА СУДЬЯЛАРИ НА ПРЕЗИДЕНТ, НА КАНЦЛЕР, НА БОШ ВАЗИРГА., ЯЪНИ ҚОНУНДАН БОШҚА ҲЕЧ КИМГА БЎЙСУНМАЙДИ.
НАҲОТКИ УЗРЛИ САБАБЛАРГА КЎРА ЎТКАЗИЛГАН БИР ОЙЛИК МУДДАТНИ, ЎН ЙИЛЛАБ НОҲАҚЛИК ҚУРБОНИ БЎЛГАН ШАХСНИ ОҚЛАГАН СУД, УНИ НОҲАҚ БЎШАТИЛГАН ЛАВОЗИМИГА ТИКЛАШГА КЕЛГАНДА ОЖИЗ БЎЛСА?!
УШБУ ИШНИ ПАЙСАЛГА СОЛМАСДАН ОЛИЙ СУД РАИСИ СИФАТИДА ЎЗ ИШ ЮРИТУВИНГИЗГА ОЛИБ, СУРХАНДАРЁ ВИЛОЯТ ПРОКУРОРИ ЎРИНБОСАРИ ЛАВОЗИМИДАН ҒАРАЗ НИЯТДА НОҲАҚ БЎШАТИЛГАНЛИГИ СУД ЖАРАЁНИДА ИСБОТЛАНГАН ФАРҲОД ШАЙМОНОВНИ ЎЗ ЛАВОЗИМИГА ТИКЛАШ ТЎҒРИСИДА ОДИЛ СУДЛОВ АЖРИМИНИ ЧИҚАРИБ АДОЛАТНИ ТИКЛАШ ИМКОНИ ЙЎҚМИ?!
ЁКИ, СИЗГА КОНСТИТУЦИЯ БЕРГАН ВАКОЛАТ ДОИРАСИДА ҲАЛ ЭТИЛАДИГАН МАСАЛАНИ ҚОНУНИЙ ҲАЛ ЭТИШ УЧУН ПРЕЗИДЕНТ, ЁКИ ЮҚОРИДАН КИМДИР ТОПШИРИҚ БЕРИШИ ШАРТМИ?!
Исмат Хушев,
«Дунё ўзбеклари» Бош муҳаррири,
20 ноябрь 2020 йилл, Торонто шаҳри, Канада…
МАҚОЛАНИ ДЎСТЛАР БИЛАН БАҲАМЛАШИНГ