Анвар Икром: ВАТАН МУҲАББАТИ БИТИЛГАН БАЙРОҚ

---

ВАТАН МУҲАББАТИ БИТИЛГАН БАЙРОҚ

Ҳилпира самода абадул-абад,
Сенингла тирикман, тирик Истиқлол.
Миллатим руҳисан, ўзлиги, шони,
Сен билан юртимда мангу бахт-иқбол.
Мовий-оқ-яшилга бурканган Байроқ,
Ҳуррият ишқида тобланган Байроқ!

Аксингда тириклик мазмуни — осмон,
Ғоянгдир тинчликни ёймоқ, рамз этмоқ.
Табиат – яралмоқ нақши сатҳингда,
Элнинг жўшган қони – мисли жуфт ирмоқ.
Кимлигим, ўтмишим сўзловчи Байроқ,
Нурли келажакни кўзловчи Байроқ!

Халқимнинг орисан, эътиқодисан,
Бошингда навқирон ярим ой – Ҳилол.
Ўн икки юлдузинг порласин мудом,
Айласин жаҳонни саодатинг лол.
Мустақил бўлгунча кутилган Байроқ,
Ватан муҳаббати битилган Байроқ!

Анвар Икром
10.11.12

«Дунё ўзбеклари» редакция почтасидан

МАҚОЛАНИ ДЎСТЛАР БИЛАН БАҲАМЛАШИНГ