Ўзбек журналистикасининг устози Сайди Умиров вафот этди

Ўзбекистон Республикасида хизмат кўрсатган ёшлар мураббийи, минглаб журналистларнинг қадрли устози, публицист Сайди Умиров 82 ёшида вафот этди.

Шу муносабат билан «Халқ сўзи» — «Народное слово» газеталари таҳририяти марҳумнинг оила аъзолари ва яқинларига чуқур таъзия изҳор этади.

У кишининг номи республикамиз зиёлилари орасида юксак эҳтиром билан тилга олинади.

Сайди Умиров 1938 йил 10 февралда Самарқанд вилояти Паяриқ туманида туғилган. У Ёзувчилар, Журналистлар ижодий уюшмалари аъзоси, «Олтин қалам» миллий мукофоти совриндори эди.

Сайди Умировнинг ёрқин хотираси қалбларимизда мангу яшайди.

“Халқ Сўзи”