Чекка бир қишлоқнинг чекка уйида Молнинг тезагига кўмир қўшган қиз…
MAE Аброржон Мавлон
Чекка бир қишлоқнинг чекка уйида
Молнинг тезагига кўмир қўшган қиз.
Кундузлари ишлаб совуқ ғамида
Тунлар печкасида таппи ёққан қиз.
Устингда гўнг ҳиди келиб турганда
Ўзингга қарасанг бир зум нетарсан?
Лекин қиш хаёли тинч қўймас сани,
Жонгинам, бош олиб қайга кетарсан?
Қаҳратон қишларда совуқлар аро,
Тапписиз ҳеч битта режа тузмайман.
Эй, менинг орзуга айланган газим,
Сенинг келишингдан умид узмайман!
Чекка бир қишлоқнинг чекка уйида
Молнинг тезагига кўмир қўшган қиз.
Кундузлари ишлаб совуқ ғамида
Тунлар печкасида таппи ёққан қиз.