Ҳамроқул Асқар: Ўтмасин умри азиз, ҳасрату армон билан…
ҚАРДОШЛАРИМГА ТИЛАКЛАРИМ
ПРЕЗИДЕНТ ШАВКАТ МИРЗИЁЕВ БМТ МИНБАРИДА
СЎЗЛАГАНИДА ДИЛДАН КЕЧГАН ТУЙҒУЛАР…
КЎКЛАРА ЧИҚИБ БЎЛМАС
БИР ЧЎБИН НАРВОН БИЛАН,
МАНЗИЛГА ЕТАР ҲАР СОР –
ҲАМЖИҲАТ КАРВОН БИЛАН.
ТУРКУ ЭЛ БИРЛАШУР БАС
БУЮК ҚУРУЛТОЙ ШУЛДУР!
ҲУРРИЯТ БЎЛСИН ШИОР –
БОБО ЮРТ ТУРОН БИЛАН!
ЕТМИШ ИККИ АЙМОҚ КЕЛУР
ҚЎШИЛУР САФЛАРГА САФ…
ЯССАВИЙ ҲАЗРАТ САСИ –
ЯНГРАГАЙ ИЙМОН БИЛАН!
ЭРКИН ВОҲИД ШЕЪРИ ЯНГРАР
ТУРК ТИЛИМ ГЎЁ САДАФ.
АЛП ЭР ДЎҒОН НАФАСИ –
ТИРИК ТУРКИСТОН БИЛАН!
ТУҒИНИ ТИК ТУТГАЙ ОЗАР
ЎЗБЕГУ, ҚИРҒИЗ, ҚОЗОҚ…
КЎКЛАРГА ТУТОШ ФАХРИМ –
ШУ ҚУТЛУҒ ДАВРОН БИЛАН!
БОШИМИЗДА КЎП СИНОВ
МАРРАГА ҲАЛИ УЗОҚ.
ҚЎЛЛАГАЙ ТУРКНИ ТАНГРИМ –
МУБОРАК ҚУРЪОН БИЛАН!
ТЎПЛАНДИ АҲЛИ ДУНЁ
БАСЛАШИБ ГЎЁ УЛФАТ…
ЯНГРАГАЧ ОНА ТИЛИМ –
САСЛАШДИ ЖАҲОН БИЛАН!
СОҒ БЎЛСИН БАРЧА ЭЛЛАР
ДАФ БЎЛСУН БАЛО КУЛФАТ –
ЎТМАСИН УМРИ АЗИЗ –
ҲАСРАТУ АРМОН БИЛАН!
Ҳамроқул АСҚАР
21 – АСР.