Бош муҳаррир И.Хушевга: Тожикистон фуқаросиман…
Ассалому алайкум «Дунё ўзбеклари»
«Мен нечун севаман Ўзбекистонни»?!
Мен Абдулла Ориповнинг ушбу сатрларини ўқир эканман қалбимда пайдо бўлган Мен нечун севаман Ўзбекистонни?! деган саволга севимли форс тожик шоири Абулқосими Лоҳутийнинг «Ўзбекистон «шеъридан жавоб топдим.
Шу шеърдан бир парча келтирсам;
Пок диллар хаммаси сенинг меҳрибонингдир
Тожикистон шарафу бахтингга
шодмонингдир
Чунки азалдан асл дўсту қадрдонингдир
Янгилик ёйувчи ақл доноларингни севаман
Ўзбекистон сенинг мардоналигингни севаман
Биз ўзбек ёшлари Ўзбекистонда рўй бераётган ҳар бир бадий жараёнларни кузатиб борамиз. Жумладан Ўзбекистон президенти ташаббуси билан таъсис этилган «Ёш китобхон » танловини «Ёшлар» телеканали орқали ҳар йили кузатиб борар эканман менинг ҳам қалбимда шу танловда иштирок этиш орзуси пайдо бўлди.
Аммо Тожикистон фуқороси эканлигим боис «Ёш китобхон»танловида иштирок этиш ҳуқуқига эга манми деган савол билан Ўзбекистон ёшлар иттифоқига бориб мурожат қилмоқчи эдим.
Таассуфки жорий йилда юзага келган пандемия Тошкентга бориб Ўзбекистон ёшлар иттифоқига мурожат қилишимга имкон бермади. Ижтимоий тармоқлар орқали Ўзбекистон ёшлар иттифоқи ишонч телефон рақамларига қунғироқ келаяпман аммо ҳеч ким жавоб бермайди.
«Дунё ўзбеклари» интернет газетасидан илтимос қилардим Тожикистон фуқороси бўлсам ҳам «Ёш
китобхон «танловида қатнашиш ҳуқуқига эгаманми? деган саволимга жавоб топишимга кўмаклашишингизни.
Гарчи жавоб салбий бўлса ҳам.
Эҳтиром ва умедворлик ила
Фарҳоджон Бобоназаров
Тожикистон жумхурияти Хатлон вилояти
Шаҳритуз ноҳияси Устакорон қишлоғи.
тел; 907 47 65 66
Х Шаҳритуз
«Дунё ўзбеклари» редакция почтасидан
МАҚОЛАНИ ДЎСТЛАР БИЛАН БАҲАМЛАШИНГ