Оддий электрчиликдан президентликкача. “Миллат пешвоси” ҳақида баъзи фактлар

Аввал хабар берганимиздек, Тожикистон тарихидаги олтинчи президентлик сайлови бўлиб ўтди. Дастлабки натижаларга кўра, амалдаги президент Имомали Раҳмон 90,92% овоз билан ғалаба қозонди.

Sputnik Тожикистон манбаси “Миллат пешвоси”, президент Имомали Раҳмон ҳақида қизиқарли фактларни эълон қилди:

-У 28 йилдан бери мамлакат бошлиғи (улардан 26 йили — президент сифатида). Кечаги сайловлардаги ғалаба келаси йил Раҳмон ҳокимиятдаги йиллар сони бўйича қозоқларнинг собиқ етакчиси Нурсултон Назарбоев билан тенглашиб, кейин уни ортда қолдиради дегани;

-Имомали Раҳмон олти марта қилинган суиқасддан омон қолди. Биринчи ва энг шов-шувлиси–1997 йил апрелда, тарихий тинчлик шартномаси имзоланишидан ва фуқаролар уруши тугашидан бир неча ой олдин содир бўлган. Охиргиси маълум қилинмаган;

-У қўлида автомат билан қуролли можарода қатнашган постсовет ҳудуди президентлари орасида ягонаси. Мамлакат учун энг қайноқ вақтда у отрядлардан бири таркибида жанг қилган;

-Тожикистоннинг бўлажак раҳбари 1971-1974 йилларда Тинч океани флотида денгизчи сифатида ҳарбий хизматни ўтаган.

-У Маккага бориб, тўрт марта ҳаж қилган;

-Раҳмон тириклигида Тожикистон Қаҳрамони унвонига сазовор бўлган мамлакатдаги ягона одам;

-МДҲ раҳбарлари орасида энг кўп фарзандли ота — етти қиз ва икки ўғили бор;

-Сиёсий карьерасидан олдин у электрчи ва совхоз директори бўлиб ишлаган.