А.Орипов: Фақат ҳаммасини Ёдимга солиб, Кўриндинг кўзимга – Ўзинг, Ҳанифам…
Абдулла Орипов
Ўзбекистон қахрамони, халқ шоири
Келдим….
Келдим…
Кетмоқдаман.
Сариқ япроқларда
Ғариб, ҳазин куй.
Сени узоқ йиллар
Соғинган эдим,
Келдим…
Кетмоқдаман.
Кечир, она уй.
Мени эслатгучи
Бирор нарса йўқ.
Отам йўқ. Онам йўқ.
На шодлик, на ғам.
Фақат ҳаммасини
Ёдимга солиб,
Кўриндинг кўзимга-
Ўзинг, Ҳанифам…
2006 йил 23 октябрь
Некўз қишлоғи
