Малика Муродхўжа Қизи: Малика синибди деганлар…
«»»»»»»»СИНМАДИМ»»»»
МАҚОЛАНИ ДЎСТЛАР БИЛАН БАҲАМЛАШИНГ
Эшитиб лабларим тишладим
Кўнглимни шеър билан хушладим
Гап-сўзни орқага ташладим
Малика синибди деганлар
Қўлим хам бормаса бир ишга
Учрасам ечимсиз ташвишга
Мавзуга айлансам миш-мишга
Малика синибди дерканлар
Қўлимда қаламим қотганда
Ишонган инсоним сотганда
Қуёшим бемаврид ботганда
Малика синганмиш дерканлар
Юрганлар мен билан тортишиб
Кўзда ёш узрини айтишиб
Сўнг яна уялмай қайтишиб
Малика синмайди дерканлар
Шукурки бор яхши кўрганлар
Кунда бир холимни сўрганлар
Қишми-ёз ёнимда юрганлар
МАЛИКА СИНМАЙДИ дерканлар.