Abror Mavlonov: “Кўҳна” кадрнинг жойидан “қимирлаши…” — Сиёсий таҳлил
“Кўҳна” кадрнинг жойидан “қимирлаши”…
(Исмат Хушевнинг Элёр Ғаниев ҳақидаги теледастурини кўриб)
Хабарларга кўра, транспорт вазири Элёр Ғаниев ўтган куни лавозимидан олинган. Мустақил Ўзбекистон сиёсий доираларидаги энг мустаҳкам ва сирли аъён кўриладиган Ғаниевнинг давлат даҳлизларида пайдо бўлиш санаси ўтган асрнинг 90 йилларига бориб тақалади.
Тақрибан, Рустам Азимовлар «авлоди»га мансуб Ғаниев сиёсий фаолиятини айнан 90-йилларда Ташқи иқтисодий алоқалар вазири бўлиб ишлаган Ўткир Султоновга ўринбосарликдан бошлаган эди. Кейин шу ерда вазир, Ташқи ишлар вазири, Бош вазир ўринбосари лавозимларида фаолият юритди.
ТВ ва умуман, матбуотда деярли кўринмайдиган, сирли ва ўта «сипо» (бундай хотиржамлик ва камтарликка етишиш учун одамга қанча давлат керак бўлишини очиғи, билмайман) Ғаниев Мирзиёев иш бошлагач лавозимидан олиниб, 2017 йил ноябридан Президент администрациясида сектор бошлиғи лавозимига ўтказилганди.
2018 йил августидан эса Президентнинг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси ўринбосари, 2019 йилнинг январидан 2020 йилнинг январигача Бош вазирнинг инвестициялар ва ташқи иқтисодий алоқалар масалалари бўйича ўринбосари лавозимида ишлаганди.
Шу йилнинг февраль ойидан у Очилбой Раматов ўрнига Транспорт вазири лавозимини эгаллаганди…
Ҳеч қачон «паст кетмаган» Ғаниевнинг бу гал қайси лавозимга ўтгани ҳозирча номаълум. Маълум нарса шулки, у ўтган замон сиёсий элитасининг мажозий маънода айтганда, «қозиқ тишлари»дан бири эди. Ғаниев деярли бутун фаолияти давомида мамлакатнинг ташқи савдо ва сиёсат билан боғлиқ секторларини назорат қилиб келган…
«Сувда чўкмас, ўтда ёнмас» бундай «кўҳна» кадрнинг жойидан «қимирлаши» Президентнинг сиёсий саҳнани «ёшартириш», либераллаштириш ва замонавий дунё амал қиладиган легитим қадриятларни парваришлаш борасидаги сиёсати ўта жиддий паллага кираётганини англатади, назаримизда!
Исмат акани стилида ёзибсиз))
«Дунё ўзбеклари» редакция почтасидан