Сирожиддин Пўлат: Бахтлидирман бӯлолсайдим содиқ хизматкоринг сенинг…
Сенинг
Эй Ватан, соғинмишам
ҳар не боринг сенинг,
Ӯпиб, кӯзимга суртсам кош
ҳар гулу хоринг сенинг.
Не гӯзал юртлар кезиб
кайфу сафо этиб юргум,
Вале ҳеч сайру саëҳат
босмас хуморинг сенинг.
Даҳри дунда Мир Алишер,
Заҳираддин дод айлади,
Кӯрмадим олам аро
ҳеч бир безоринг сенинг.
Бӯали Сино бӯлиб
дардингга малҳам эсам,
Фурқату Усмон каби
битгум ашъоринг сенинг.
Англадим ушбу умри
кутаҳимда раббано,
Битган эркан манглайимга
ҳусни нотакроринг сенинг.
Не ерда бӯлсам мудом
Ӯйлагайман эрта — кеч,
Кӯтариб туғинг фалакка
ҳифз этсам оринг сенинг.
Аллоҳ умрим этсин узун
хизматинг айлай бисёр,
Сӯнги орзуим маскан
этсам мазоринг сенинг.
Сирожидин ӯғлингдирман
виждоним бирла қасам,
Бахтлидирман бӯлолсайдим
содиқ хизматкоринг сенинг.
Сирожиддин Пӯлат. Уфа.
МАҚОЛАНИ ДЎСТЛАР БИЛАН БАҲАМЛАШИНГ