Венера Қодирий ижодидан: Шарқнинг аёлидек севарман
Венера Қодирий:
ШАРҚНИНГ АЁЛИДЕК СЕВАРМАН!
**
Тун. Уйқум пардасин тортқилайди ишқ,
Хаёлинг сочилар хонамга нимхуш.
Ӯша эркалаган бир жуфт кӯзингдан
Ҳамон учиб келар гала – гала қуш.
Кӯзларим гуллайди, ишон, ӯшал он,
Сийнамни кӯклайди ҳаворанг иплар.
Сабру қароримда тахти Сулаймон,
Қушлар қанотида рангоранг сеплар.
Чӯли биёбон Дил файзи баҳора,
Сабзадил ёсуман гулларга тӯлмиш.
Бир парча ишқ доғи юлдузларда кӯз,
Субҳ ила шомимнинг жаллоди ӯлмиш.
Қаландар хаёлим мастона бебош,
Ё Мавло, бу ишқни қайданам бердинг.
Султоним бошимда сув айлантириб,
Сирдарё гавҳарин пойимга терди.
*
Дарё соғинчимни кӯзимга тутдим,
Ёшларим оқиздим кимсасиз йӯлга.
Биз севган ҳаволар аста ӯйғонди,
Саломим топширдим ишқ тӯлган гулга.
Ойдинлик қӯйнида кӯксимни йиртиб,
Бир ширин дард билан ойни этдим доғ.
Юлдузлар кӯксидан ёқут тош оқди,
Зумрадга айланди биз турган тупроқ.
О, севмоқ, севилмоқ дил ва тил тоти,
Ай, дило, ай, дило мен сенга мойил.
Илоҳий оҳанглар ичра чорлайди,
Ишқ тӯла кӯзларни шопирган соҳил…
Мен ва Сен илоҳий ишқ қаршисида,
Соҳиллар қӯшиғин тинглаймиз беун.
Келамиз. Сен ёлғиз. Мен ёлғиз. Ва ой…
Мен жунун. Сен жунун. Ой…Соҳил жунун.
Ӯртада…ӯртада…мани этиб хун,
Қаҳқаҳа этади соҳил узра Тун…
*
Кӯксимга ботирдим ханжарни,
Юрагим суғурдим ва отдим.
Ишқ, асов номингни ӯчирдим,
Ва ёмғирзор кӯзимга ботдим.
Кун менсиз. Ёмғирда шиббаман.
Кезиндим, Осмонга илиниб.
Ҳаво буғиқ мендай.
Борим ҳам
Булутлар бағрига кетди шимилиб…
*
Дунё ташвишларин қӯйинг, ай, дӯстим,
Сизни мозорларга бошлаб боргум бор.
Сукунат қаърида ҳу-у-у анов қабр
Неча йиллар ҳамки йӯлингизга зор.
Сизни елкасида опичлаб суйган,
Отангиз руҳига қайғу ботибди.
Сӯнгги соғинчининг сӯнгсиз сӯроғи
Йиллар армонида томир отибди.
Бир пас ташвишингиз суринг нарига,
Шукур денг, шукрона тонгингиз отсин.
Хайрли кунингиз хайрихоҳ ҳамроҳ,
Қуёш ётоғига шукрона ботсин.
Дунё ҳаваслари минг тусли ёвдур,
Айтинг, қай қабрни олтин ёпибди.
Бутун бир дунёни сӯрган Искандар,
Бир сиқим тупроқда қӯним топибди.
Кӯзларингиз ботсин
Ҳақнинг сӯзига,
Ҳақнинг ҳақ сӯзига ғулом бӯлсин дил.
Тиловат мадҳидан тирилсин ӯшал,
Сизнинг борлиғингиз соғинган соҳил.
Келинг, ай, ҳазрати инсоним бӯлинг,
Бир бор отангизни ёд этинг жондан.
Тавоб этинг, майли, савоб йӯлинда,
Саломлар келтиринг меҳриёр тонгдан.
Мозорлар макони – мулки дунёдур,
Қай бир дил дардини тӯкиб ётибди.
Етти қат осмону замин қаърида,
О, қанча дуолар чӯкиб ётибди.
Келинг, ай, ҳайратул имкон бӯлайлик,
Бир – бирин соғинар инсон бӯлайлик.
Мозорлар боғи бор, қабрлар ичра,
Келинг, тиловати Қуръон бӯлайлик…
Келинг, шафоати ҳар он бӯлайлик…
*
Сизни топган эдим нозларим билан,
Осмоний мовий гул ёзларим билан,
Дилни куйдиргувчи созларим билан,
Мен шундай дил омон севилган эдим.
Мезони тӯкилган куздан гул тердик,
Кӯнгилни элаган қишдан гул тердик,
Кӯкламни эркалаб кӯкдан гул тердик,
Мен шундай дил омон севилган эдим.
Бир куни соҳилни қийнаб кетдик биз,
Тӯлқинлар қаҳрига сийлаб кетдик биз,
Қаро қишга ташлаб гӯзал севгимиз.
Ай, дили қаҳратон севилган эдим.
Дилим бисотида қизил гулим бор,
Сизни топиб олар сўқмоқ йӯлим бор,
Бир жуфт оқ қуш кезар кӯм – кӯк кӯлим бор,
Мен шундай беармон севилган эдим.
Мен ӯша хаёли эрка бекаман,
Шоҳи рӯмолчамга гуллар тикаман,
Келсангиз индамай бошим эгаман,
Мен сизга хӯб ёмон севилган эдим…
Хайр… деб дил ҳижрон севилган эдим…
*
Юлдузлар самодан қочиб келар жим,
Кӯксимга жойлашар то оқшом қадар.
Кун буйи жилмаяр маъсума юзим,
Кекса бувим каби сӯзим жилвагар.
Кӯзларим чӯмилар кавсар ҳавзида,
Ва севиб қоламан ёмонимни ҳам.
Мен ҳамон гӯдакман гўё наздида,
Аллаи ҳузурим бошлайди онам.
Гоҳ дарахт шохида бахт деганларим,
Қушларнинг кӯзида юлдузлар чаман.
Денгиздай шовуллар отамнинг меҳри,
Баргларнинг рангида бӯй берар ватан.
Осмоний нур ичра вужудим гуллар,
Руҳимда ишқ фасли. Васлинг суяман.
Юлдуззор кӯксимдан юлдузлар узиб,
Сенинг ҳам кӯксингга кӯклаб қӯяман…
*
Ёмғирдан сӯнг бошланар шӯх
Ғавғоларинг, ғавғоларинг.
Кӯзларимда сепин очар
Савғоларинг, савғоларинг.
Димоғимга урилар гуп
Ҳаволаринг, ҳаволаринг,
Мани йӯқлар сандин олдин
Даъволаринг, даъволаринг.
Ғунчаларнинг даҳонида
Сафоларинг, сафоларинг,
Гул банд
Ahli Rasul Muhamad, [27.07.20 22:08]
ида ҳазиллашар
Жафоларинг, жафоларинг
Булутларни суриб оқар
Жилваларинг, жилваларинг,
Минг бӯлаклаб жоним қийнар
Ишваларинг, ишваларинг.
Томчиларда типирчилар
Маним содда хаёлларим.
Хуш нафасинг келса агар,
Ёмғир қадар саволларим.
На қилай, тинч турмас ҳатто
Саболаринг, саболаринг.
Қиёматни бошлар яна
Ёмғирдан сӯнг садоларинг…
Қандоқ чидай, қандоқ чидай
Ёмғир ёққан кундан кейин.
Ай, севгилим, билсанг менга
Ёмғир ёғмай қӯйса қийин…
*
Эртакка айланиб қоламан баъзан,
Сизни эслайверсам, эсласам, жоним.
Хаёлан амрингиз бажо айлайман,
Ахир сиз хаёлий шоҳу султоним.
Олис манзилингиз яёв кезаман,
Аммо зум етаман асло адашмай.
Ва ойнинг оч ранги ӯчар юзимдан
Довдираб қоламан сӯзим қовушмай.
Хайрият, хаёл бор,
Хаёл бор хаёл,
Ёпиқ эшигингиз очаман дарров.
Аммо тез қайтаман. Ахир ортимда
Этагим тортқилаб турибди сӯров:
– Ҳай, нечун келдинг сен,
Кечикка йўқлов?..
*
Осмоним тар,
Заминим тар,
Сафарим тар,
Саҳарим тар,
Қалбларим тар,
Лабларим тар,
Юзларим тар,
Кӯзларим тар,
Нафасим тар,
Ҳавасим тар,
Кафтларим тар,
Қӯлларим тар,
Дуоларим тар,
Дунёларим тар,
Ҳаволарим тар,
Саноларим тар,
Юрмагим тар,
Кӯрмагим тар,
Келмоғим тар,
Кетмоғим тар,
Итоатим тар,
Ва тар исёним,
Томирим тар,
Тар оқар қоним…
На қилай,
Кӯкартмоқ истадим
Сени…сени…сени
суғориб…
*
Қачондир… ва аллақачондир
Қовушганди шӯх кӯзларимиз.
Дудуқланиб бӯлса – да ахир
Тушунардик, ай, сӯзларимиз.
Севилмаган гуллар ашкидан
Булбулларга тутардик гулоб.
Тушунмасдик атиргул ҳолин,
Тушунмасдик на булбул ҳолин.
Ойнинг рашки этиб ғалаён,
Дерди гўё севилмоқ сароб.
Бир жуфт изда икки жон кезиб,
Ой нигоҳин этардик хароб.
Аммо… аммо…
ва яна… аммо,
Билмам қайдин келди бу хато.
Сандиқ тӯла рангсиз сарпойим,
Сирдарёда оқди савдойим.
Изларимиз ем бӯлди сувга —
Ўчирдилар ғариб тӯлқинлар.
Етим боғда чилдирма чалиб,
Маконидан тӯзиди жинлар.
Кӯчаларнинг сафоси ӯчди,
Яйдоқ дала ичимга кӯчди.
Сочларимни тортиб, тортқилаб
Ой бошимдан рӯмолим ечди.
Ойда ғавғо, ичар ашкимни,
Тӯзғитиб Тун олар қасдини.
Юрагимда энди сен эмас,
Қолган битта қушчанинг ини…
*
Кӯзингиз рангидек тунга илашиб,
Қуюқ кипригингиз оралар умрим.
Адашган йӯлингиз бойламоқ учун
Қоп – қора сочларим ҳамон қирқ ӯрим.
Оқ – оппоқ дунёмга ранг тополмайин
Нур ичра оқмоқда соғинган куйим.
Эртаклар тиниққан чимилдиқ ичра
Сайроқи қушчалар топишган қўним.
Соғиндим.
Соғиндим.
Соғиндим чунон,
Ҳижроннинг чангини қоқар кӯзларим.
Ҳали очилмаган ғунча оғзида
Сизни кутар фақат соғинч сӯзларим…
*
Ёлғизлик.
Деразамни чертади ёмғир,
Нафасимни ютаман оғир.
Оёқларин зӯрға кӯтариб
Узоқлашар кулбамдан кимдир.
Ғолиб келар қӯққисдан қӯрқув,
Деразамни очаман шитоб.
Йиғлаётган булутлар руҳи
Вужудимга ӯралар шу тоб…
Ёмғирзорга айланар хонам,
Ёстиғимга тӯкилар алам.
Дардларимни олиб ёзмоққа
Сесканади ҳаттоки қалам.
Қийтиқ булутларнинг ортидан
Гандираклар биргина ҳилол.
Деразамга ӯзин отмоққа
Йӯлларини тӯсар тун — баттол.
Машмашаси тугамас туннинг,
Кӯнглим овлаш билан овора.
Булутларни кулбамга йиғиб,
Лашкарлари чалар нағора.
Ҳовучига тӯкиб дардимни
Тун юзини ювар ҳар кеча.
Дардларимда кечавермасдан
Ишқ эшигин очиб қӯй жичча,
Раҳмлигим, раҳмсизим — Тун…
*
Хуш келибсиз, дилгир ёмғирим,
Йӯқлаб нечун яна келдингиз.
Булутларнинг бағрига солиб
Кузатгандим кузда, билсангиз.
Хаёлингиз бӯлинмас энди,
Йиғлоқилик манга ярашмас.
Дардингизга дардимни бериб
Ҳавонгиздан нафас олсам бас.
Қиш гулиман қор остидаги,
Кӯзларимга кӯмдим ҳасратим.
Ишқ юртида очилган куним,
Чиройимни кӯрсин ҳазратим.
Ёмғиржоним, суюнчим сизга,
Баҳор келди қорли дил қизга.
Йӯлингизга нигор кӯзларнинг
Соғинчини топширдим сизга…
Ёғаверинг ишқ фаслим суйиб,
Севмаганлар йиғласин тӯйиб.
Димоғдор боғ яккаш титраса,
Майли йиғланг кӯнглингиз ёйиб.
Хайр энди дилгир ёмғирлар,
Деразамда кимдир шивирлар…
***
Гуноҳларим қанча билмадим,
У фақат роббимнинг ӯзига аён.
Тинчини йӯқотган момо деҳқондай,
Бӯш қолган кафтимга экаяпман дон.
Яшашни ӯргандим яшамай туриб,
Бувим эртаклари ҳавога учмай.
Қишда дарахтларга алламни ёпдим,
Ва қудуқ бағрига найдан тўкдим май.
Гуноҳларим қанча, билмадим,
Уйим пештоқига қӯнди қалдирғоч.
Сулаймон тилидан салом йӯлладим,
Уйқудан ӯйғонди минг
Ahli Rasul Muhamad, [27.07.20 22:08]
йиллик оғоч.
Гуноҳларим қанча,
билмадим,
Ишқнинг этагига тикдим атиргул.
Кафтимга дон излаб қӯнмоқда қушлар,
Қаршимда оқмоқда узуууун оппоқ йӯл…
*
Ишқингдан бир “оҳ” тӯкдингу,
Манзилинг сир тутдинг, булбул.
На куйингни туйдиму,
На ортингдан топдим йӯл.
Кетдинг.
Изинг йӯқ.
Тополмам.
На ойнинг қошидасан,
На ғор булоқ бошидасан,
На тақдир тошидасан.
Йиғлай десам ҳеч “ҳой”им йӯқ,
На тӯлгани сойим йӯқ.
Сендан дарак айтувчи
На бир дӯст сабойим йӯқ.
Шундоқ.
Бир пайдо бӯлдингу
На бир ортингга қайтдинг.
На бир келмасингнию на келмоғингни айтдинг.
Ҳамон кутмоқдаман Сени,
Эшигим-да тиқ этмас.
Хаёлимдан диляро Чирқиллаган қуш кетмас…
Юрагимга дон сочдим, кел!
*
Чим йӯлларда тӯзғийди тупроқ,
Юлдузларга айланар ҳислар.
Тумшуғига юлдузлар илиб
Тун ичида изғийди қушлар.
Ой инграйди. Ярим қӯйни бӯш.
Ва сочилиб кетар Ишқ доғи.
Юлдузларга томоша бӯлиб
Қотар юзда ҳижрон бӯёғи.
Деразамдан ой думалайди,
Ёстиғимни ӯпар сочлари.
Терисига сиғмас. Қӯйнидан
Юлдузларга отар тошларин.
Деразамнинг ойнаси синар,
Тикилади очиққан кӯзлар.
Қайтиб келар қушлар изма – из,
Кӯзларимда тунар юлдузлар.
Чим йӯлларда ингранади Ишқ,
Ой олифта. Ичар кӯзларим.
Нигоҳларим қаърига ҳамон
Юлдузларни яширади жииим…
***
Мен сизни шунчаки севмасман,
Оғушимга кӯмиб севарман.
Осмонимга ёзиб исмингиз,
Ҳавонгизга чўмиб севарман.
Севаман деб бонг урсам-да гоҳ,
Севилмоқ ҳам гӯзал нақадар.
Висолингиз қумсайди кӯнгил,
Хаёлингиз шабнамдайин тар.
Очилган гулғунчалар ҳаққи,
Гулнинг хаёлидек севарман.
Садарайҳонлардек ёқимли
Шарқнинг АЁЛИдек севарман!!
Ишқнинг қиролидек севарман…
2020
Санкт-Питербург
