Устоз Шукрулло ёхуд Ўзбек халқининг виждони оламдан ўтди — ББС
Устоз Шукрулло ёхуд Ўзбек халқининг виждони оламдан ўтди
Бир асрлик ёшини қаршилаётган ўзбек адиби Шукрулло Тошкентда оламдан ўтган.
Бу борада журналист ва шоир Карим Баҳриев ижтимоий тармоқда хабар берди.
Адибнинг қай сабаб оламдан ўтгани тафсилотлари ҳали номаълум.
Шукрулло ким эди?
Шукрулло Юсупов 1921 йил Тошкент шаҳрида зиёли оиласида туғилган.
Совет даврида миллатчилик ва советларга қарши тарғиботда айбланган Шукрулло чорак асрлик қамоқ жазосига ҳукм қилинади.
Жазони Сталин Гулагида ўтаган ёзувчи шўролар доҳийсининг ўлимидан сўнг озод этилган ва оқланган.
Би-би-сининг Шукрулло билан сўнгги суҳбати:
Ўтказиб юборинг YouTube пост , 1
Охири YouTube пост, 1
Шукрулло — ўнлаб шеърий ва насрий китоблар, жумладан, Сибирдаги меҳнат лагерида бошидан кечирганлари ҳақида ҳикоя қилувчи «Кафансиз кўмилганлар» ҳамда «Тирик руҳлар» роман-хроникаси муаллифи.
Унинг Сталин қамоқхоналари ҳақидаги «Кафансиз кўмилганлар» автобиографик романини танқидчилар атоқли рус ёзувчиси Александр Солженицинннинг «Гулаг архипелаги» асари билан тенглаштиришган.
Шукрулло Ўзбекистон мустақиллик даврида ҳам шоир ва ёзувчилар орасида ҳақиқатгўйлиги билан ажралиб турган.
Аммо бир неча йил олдин Би-би-си билан суҳбатларнинг бирида Шукрулло Ўзбекистон давлати телевидениеси уни хуш кўрмаслиги ҳақида айтганди.
Алишер Навоий номидаги Давлат мукофоти , «Дўстлик» (1994) ва «Эл-юрт ҳурмати» (1999) орденлари билан мукофотланган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
ББС
«Дунё ўзбеклари» редакция почтасидан