Ҳокимимизни қайтариб беринг – Хабаровскда намойишлар тинмаяпти
Россия: Ҳокимимизни қайтариб беринг – Хабаровскда намойишлар тинмаяпти – Rossiya
Россиянинг Узоқ шарқидаги Хабаровск шаҳрида маҳаллий ҳоким Сергей Фургал тарафдорларининг оммавий намойишлари еттинчи кун давом этган.
Фургал бундан 15 йил аввал камида икки нафар тадбиркорни ўлдиришга буюртма берганликда айбланиб, ҳибсга олинган ва ҳозирда Москвадаги тергов ҳибсхонасида ушлаб турилибди.
Ўтказиб юборинг YouTube пост , 1
Охири YouTube пост, 1
Фургалнинг ўзи айбларни рад этади.
Маҳаллий маъмурият берган маълумотларга кўра, шанба кунги юришда 10 мингга қадар одам қатнашган.
Аммо мухбирлар қарийб 50 минг одам намойишга чиққанини айтишмоқда.
Намойишчилар маҳаллий вақт билан 12 ларда ўлка ҳукумати биноси олдида тўпланишни бошлашган.
СУРАТ МАНБАСИ,RUSSIAN INVESTIGATIVE COMMITTEE/TASS
Намойишлар чоғида “Озодлик!”, “Фургал-бизнинг танловимиз” сингари шиоролар кўтарилган.
Хабаровскдаги кўпчилик ҳибсга олиш ортида сиёсий сабаблар турганига ишонади.
Сергей Фургал икки йил аввал Путин дастаклаган номзод устидан ғалаба қозонганди.
Би-би-си мухбири Стив Розенбергнинг айтишича, Хабаровскда бир ҳафтадан буён давом этаётган оммавий намойишлар Путин ва Кремлни ноқулай аҳволга қўяди.
Ўтказиб юборинг YouTube пост , 2
Охири YouTube пост, 2
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
ББС
Хабаровскда ўн минглаб одам норозилик намойишига чиқди
18 июль куни Хабаровскда ўлка губернатори қўлга олинганидан норози ўн минглаб одам намойишга чиқди.
Намойиш акс этган видеоларда ҳибсга олтинган Сергей Фургални қўллаб-қувватлаб ўтказилган акцияда кўплаб одам қатнашганини кўриш мумкин.
Хабарларга кўра, беш соатга чўзилган акцияда 15-50 минг одам қатнашган.
Ўтган пайшанба Хабаровскда қўлга олинган Сергей Фургал ўша заҳотиёқ Россия пойтахтига йўлланган.
Москванинг Басманний суди сиёсатчини икки ойга ҳибсга олиш қарорини чиқарган.
У 2004-2005 йилларда уч тадбиркор ўлимига алоқадорликда ҳамда бошқа оғир жиноятларни содир этганликда айбланмоқда. Сиёсатчининг ўзи бу айбловларнинг барчасини рад этяпти.
18 июль куни Хабаровск ўлкасидаги Комсомольск-Амур ҳамда қўшни Приморск ўлкасидаги Владивосток шаҳрида ҳам норозилик акциялари бўлиб ўтди.
