"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

Ўзбекистон Президенти Буюк Ғалабанинг 75 йиллиги тантанасида иштирок этди…

Бош мақола, Воқеа ва ҳодисалар, Ўзбекистон | 24/06/2020 08:10-     13560 марта ўқилди

Ўзбекистон Президенти Буюк Ғалабанинг 75 йиллигига бағишланган тантанада иштирок этди

Ўзбекистон Президенти Буюк Ғалабанинг 75 йиллигига бағишланган тантанада иштирок этди

Маълумки, бу йил Россия Федерацияси пойтахти Москва шаҳрида Буюк Ғалабанинг 75 йиллигига бағишланган тантанали тадбир 9 май куни ўтказилиши режалаштирилган эди. Аммо коронавирус пандемияси сабабли уни ташкиллаштириш кейинги муддатларга сурилди. 

Зафарли 1945 йилда Ғалабанинг биринчи марказий паради 24 июнь санасида ўтказилгани боис жорий йил ҳам бундай тантана учун айнан шу кун танланди.

Мазкур тарихан муҳим воқеани биргаликда нишонлаш мақсадида Россия ҳукумати музаффар мамлакатлар раҳбариятлари номига таклифномалар юборди. Ўзбекистон ҳам, албатта, ўша ғолиб давлатлар сирасида. Халқимизнинг ўша машъум урушда муваффақият учун қўшган ҳиссаси, ҳеч муболағасиз, улкан.

Масалан, сўнгги пайтларда олиб борилган тадқиқотлар натижасида юртимиздан 2 миллионга яқин киши урушга сафарбар этилгани аниқланди. Фронт ортида ҳам ўзбекистонликлар кўрсатган матонат келажак авлодларга чексиз фахр ва ифтихор бағишлайди.

Шу боис мамлакатимиз вакиллари Ғалабанинг 75 йиллик шонли санаси муносабати билан Москва шаҳрида ўтказиладиган тантанага таклиф этилди.

Таъкидлаш жоиз, пандемия бутун дунёга ўз таъсирини кўрсатаётган ҳозирги оғир шароитда давлатимиз раҳбарининг бундай тадбирда иштирок этишининг ўзи аждодларга хос қаҳрамонлик ифодасидир. Экспертлар фикрига қараганда, мустақил Ўзбекистон Президентининг илк бор қатнашиши параднинг нуфузини сезиларли даражада оширади.

Ҳарбийларимиз ҳам мазкур тадбирда юртимиз истиқлолга эришганидан кейин биринчи бор иштирок этишлари. Зеро, давлатимиз раҳбари Шавкат Мирзиёев кеча Россия Президенти Владимир Путин билан Кремлда бўлиб ўтган учрашувида таъкидланидек, бу бизнинг умумий тарихимиз, умумий ғалабамиздир. Халқларимиз намойиш этган жасорат барчамиз учун чексиз ғурур манбаи бўлиб хизмат қилади.

Мамлакатимиз раҳбари Москванинг Қизил майдонида бўлиб ўтган тантанали тадбирда ўз иштироки билан Ўзбекистон элининг шонли Ғалабага эришишдаги умум эътироф этилган буюк хизматига ҳурмат бажо келтирди.

Шу билан бир қаторда, мард ва жасур халқимизнинг шафқатсиз уруш сабаб чеккан мислсиз азияти, азоб-уқубатлари яна бир бор халқаро майдонда ёдга олинди.

Бўлиб ўтган парадда Ўзбекистон Қуролли Кучлари вакиллари ҳам улуғ аждодларга муносиб тарзда иштирок этди. Умумий ҳисобда, тантанада 13 та давлатдан 225 та ҳарбий техника, 14 минг аскар ва офицер қатнашди. Россия пойтахти осмонидан 55 самолёт ва 20 та вертолётнинг учиб ўтиши байрамга ўзгача руҳ бағишлади.

ЎзА

Ўхшаш мақолалар:

  1. Дадахон Ёқубов: Эй, жонимга жонсан Ватан, тупроғинг кўзга тўтиё…
  2. BBC Ўзбек хизмати НАЭСМИ ва «Ўзбеккино» билан яқин ҳамкорликни йўлга қўймоқчи
  3. Саида Мирзиёева Дубайдаги форумда Иванка Трамп билан танишди (ВИДЕО)
  4. Ўзбекистон Элчиси ишонч ёрлиқлари нусхаларини топширди — ЎзА
  5. Депутат Дадахон Ёқубов: Мустақиллик номи билан…
  6. Ўзбекистон Президенти Москвадаги Ислом Каримов хиёбонида бўлди — ЎзА
  7. Ўзбекистон Президентининг БМТ минбарида чиқишидаги асосий мавзулар билан танишинг
  8. Маршал Абдул Рашид Дўстум: Ўзбек тилим, миллатим, ифтихорим менинг
  9. Юлдуз Усмонова: «Гулнора бундан ҳам аъло қўшиққа лойиқ»
  10. Sözün Özü — Türkistan, Rusya ve Türkiye ilişkileri
  11. Соҳибқалами ошкорбаён — ОВОЗИ САМАРҚАНД — Тошпӯлод Раҳматуллоев
  12. Киллер ўлдиролмаган ўзбек журналисти тақдири | Hayot haqiqatlari
МАҚОЛАНИ ДЎСТЛАР БИЛАН БАҲАМЛАШИНГ

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.