Ўзбекистон Элчиси ишонч ёрлиқлари нусхаларини топширди — ЎзА
Ўзбекистон Элчиси ишонч ёрлиқлари нусхаларини топширди
Ўзбекистон Республикасининг Украинадаги Фавқулодда ва мухтор элчиси Алишер Курманов ишонч ёрлиқлари нусхаларини Украина ташқи ишлар вазири ўринбосари Евгений Енинга топширди. Бу ҳақда «Дунё» АА хабар берди.
Учрашувда томонлар икки мамлакат ўртасидаги ҳамкорликни янада ривожлантириш юзасидан фикр алмашдилар. Суҳбат жараёнида Савдо-иқтисодий ва ижтимоий соҳалар, хусусан, логистика, таълим, сайёҳлик, тиббиёт ва бошқа йўналишларга алоҳида эътибор қаратилди.
Мулоқот давомида, шунингдек, Ўзбекистон ва Украина ўртасидаги ҳамкорликни янада ривожлантиришдан икки томон ҳам манфаатдор эканлиги қайд этилди.
Ўзбекистон Элчиси самимий қабул учун миннатдорлик билдириб, фаолияти давомида мамлакатларимиз ўртасидаги ўзаро ҳамкорликни янада жадаллаштириш учун барча саъй-ҳаракатларни сафарбар қилишга тайёрлигини таъкидлади.
МАҚОЛАНИ ДЎСТЛАР БИЛАН БАҲАМЛАШИНГ