Мен ҳар гал Исмат Хушевнинг « Ўтганлар ёди» туркумидан бериладиган Муҳаммад Рахмон ҳақидаги «Болалар уйида улғайган шоир» номли мақоласини ўқиганимда инсон кўнглини нозик қирраларини кашф этгандек бўлавераман.
Қалбларни энтиктирадиган бу маколани «Дунё ўзбеклари»да бир неча маротаба ўқисак ҳам уни яна—яна ўқигимиз келаверади.
Маромига етказиб ёзилган бу мақола Муҳаммад Рахмон ҳаёти ва ижодига берилган энг аъло баҳо деб ўйлайман.
Шунингдек Исмат Хушевнинг бу туркумдаги Абдуманноп Пўлатов ҳақидаги «Сайрга кетган йигит» ёки Одил Ёқубов ҳақидаги хотиралари ҳам ўлмас бир асарлардир.
Инсон ҳаётга келибдики, кимнидир йўқотади, кимнидир топади бу ҳаёт конуни. Бизни бу ҳаётда бошқа мавжудодлардан меҳр – мухаббат, хотира каби эзгу туйғулар ажратиб туради. Шу каби туйғулар бўлмаса бошқалардан фарқимиз қолмайди.
Буюк шоиримиз Абдулла Ориповни ажойиб бир шеъри бор.
Нега қаддинг эгик, нега бошинг хам
Нега нигоҳингни тортади тупроқ
Менинг ер устида танишларим кам
Менинг ер остида дўстларим кўпроқ…
Бу шеърни ўқиб, ҳаётнинг ўткинчи эканлиги, ўлим барибир ҳақлигини яна бир бор англайди одам.
Лекин шу қисқа дунёда бунча иғво, бунча ғийбат нечун деб ҳайқиргинг келади…
Умуман бугунги ўзбек адабиётини бутун дунёга тарғиб қилишда Исмат Хушевнинг роли беқиёс деб биламан.
Исмат Хушевни мен олдин танимасдим, билмасдим. Унинг “Дунё ўзбеклари”ни топиб, олам кўзимга нурафшон бўлиб кўрина бошлади.
Юрагимда чўкиб ётган саволларнинг аксариятига унинг сайти ва у ёзган асарлар орқали жавоб топа бошладим.
Унинг менга ёққан энг асосий фазилати Президент Ислом Каримовга бўлган ҳурмати ва муҳаббатидир! Мен ҳам Ислом Каримовни яхши кўраман ва ҳурмат қиламан.
“Исмат Хушевнинг “Оқланмаган ишонч қиссаси” мен учун ҳаётимнинг мазмунига айланиб қолди. Бу китоб менинг ҳақиқий дорилфунуним бўлиб қолди. Мен ҳам эрта бир кун Исмат акадай раҳбар бўлишни орзу қиламан.
Билмадим, агар Исмат Хушев ва унинг “Дунё ўзбеклари” бор экан, энди мен ўз келажагимга ҳам, Ўзбекистон келажагига ҳам ишонаман. Мен энди бу ҳаётга бошқача кўз билан қарай бошладим.
Мен шу газета туфайли адабиётни яхши кўриб қолдим. Энди ўзим ҳам нималардир ёзгим келади.
Исмат Хушев ва унинг “Дунё ўзбеклари” менинг ҳаётимни ана шундай 180 даражада ўзгартириб юборди.
Раҳмат Сизга Исмат ака.
Агар мабодо Ўзбекистонга келиб сиёсий фаолият олиб бораман, депутат ё сенатаор бўламан десангиз, билиб қўйинг, мен ва менга ўхшаш минглаб, балки миллионлаб ёшлар Сиз билан бирга!
