Сўнгги йилларда ўзбек шоу-бизнесининг кўплаб вакиллари АҚШга кўчиб кетаётгани кузатилмоқда. Қуйида кимлар Ўзбекистондаги машҳурликдан воз кечиб, штатлардаги муҳожирлик ҳаётини танлаётгани ҳақида сўз юритамиз.

Отабек Мадраҳимов

Фото: Instagram / @otabek_madrakhimov

90 йилларнинг охирларида «Келинчак», «Будур« каби қўшиқлари билан миллионлаб мухлислар қалбини забт этган таниқли хонанда Отабек Мадраҳимов АҚШга кўчиб кетганига 7 йил бўлди. У ҳозирда оиласи билан Филадельфия шаҳрида яшайди.

Гулчеҳра Эшонқулова

Фото: Instagram / @sharofsharapov

Фото: Instagram / @sharofsharapov

«Фотима ва Зуҳра», «Шабнам», «Паноҳ» каби фильмлардаги бетакрор образлари билан танилган актриса Гулчеҳра Эшонқулова ҳам бир неча йилдан бери АҚШнинг Нью-Йорк штатида яшайди. Актриса турмуш ўртоғи Шароф Шарапов билан икки фарзандни тарбиялаб келмоқда.

Актрисанинг Instagram’даги саҳифаси блоклангани учун, у турмуш ўртоғининг саҳифасидан мухлисларига мурожаат йўллаб, карантиндан кейин ўзи иштирокидаги 4 йил давомида суратга олинган фильм тақдимоти ўтказилишини маълум қилди.

Улуғбек Қодиров

Фото: «Даракчи»

«Фотима ва Зуҳра», «Ўйин», «Дада», «Барон» каби фильмларда бир-бирини такрорламайдиган образлар яратган актёр Улуғбек Қодиров ҳам оиласи билан АҚШга кўчиб кетган.

«Сетора» гуруҳи хонандаси Феруза Латипова

Фото: Instagram / @feruza_latipova

Ўзбек эстрадаси тарихидаги энг муваффақиятли гуруҳ хонандаси Феруза Латипова АҚШнинг Пенсильвания штатида истиқомат қилади. Феруза Америкадаги ўзбекларнинг тўйлари ва турли оилавий тадбирларида қўшиқ куйлайди.

Шерзод Бин

Фото: Instagram / @sherzodbin_

Таниқли актёр ва пародист Шерзод Бин (Сайдиалиев) ҳозирги кунда АҚШнинг Пенсильвания штати Ҳолланд шаҳрида яшайди. У штатларда ўзбек таомлари ресторанини очган.

Собиржон Мўминов

Фото: Instagram / @sobirjon_muminov

Ўзбекистонда хизмат кўрсатган артист Собиржон Мўминов оиласи билан АҚШнинг Нью-Йорк шаҳрида яшайди. Хонанда ўзбек тўйлари ва турли маданий тадбирларда иштирок этади.

Аҳмад Бердимуродов

Фото: Instagram / @akhmad_bek

«Шайтанат» сериалидаги Жамшид образи билан элга танилган актёр Аҳмад Бердимуродов АҚШнинг Калифорния штатида яшайди. Актёр, шунингдек, «Паноҳ», «Севгинатор», «Қалбим ўғриси» каби фильмларда ҳам эсда қоларли образларни гавдалантирган.

Нигина Набиева

Фото: Instagram / @niginanabieva_

Фото: Instagram / @niginanabieva_

«Олмали аймоқча» қўшиғи билан танилган Нигина Набиева оиласи билан АҚШнинг Теннесси штатида яшайди. Нигина нафақат хонанда, балки ўзбек эстрадасидаги кўплаб хит тароналар муаллифи ҳамдир. Ҳозирда у икки фарзандининг тарбияси билан машғул.

Гулнора Қосимова

Фото: Instagram / @gulnorakosimova

Фото: Instagram / @gulnorakosimova

«Қайтар дунё» сериали, «Нотаниш», «Иблис девори», «Менинг акам бўйдоқ» фильмларида турли образларни маҳорат билан гавдалантирган актриса Гулнора Қосимова бир неча йиллардан бери АҚШда яшайди. Актриса ҳозирда икки ўғил фарзандни тарбияламоқда.

Абдувоҳид Ғаниев

Фото: Instagram / @abduvohid_ganiyev

«Пойга», «Тақдирлар», «Севгинатор», «Дада», «Ўзимдан ўзимгача»  каби фильмлар режиссёри Абдувоҳид Ғаниев ҳам АҚШга кўчиб кетган.

Равшан Ҳакимов

Фото: Instagram / @ravshantvm_khakimov

Таниқли бошловчи Равшан Ҳакимов АҚШнинг Филадельфия шаҳрида яшайди.

Соҳиб Аббосхон

Фото: Instagram / @sohib_abbosxon

«Занжир», «Наҳотки сен», «Ажал сўқмоғи» каби бир қанча фильм ва сериаллардаги бош роллари билан машҳурликка эришган актёр ва режиссёр Соҳиб Аббосхон ҳам АҚШда яшайди. У штатларда бизнес билан шуғулланади.

Шахриёр 

Фото: Instagram / @shaxriyorreal

Рэпер Шахриёр ҳам бир неча йилдан бери АҚШда яшаб келмоқда.