Ўзбекистон Республикаси Президенти Ш.М.Мирзиёевга Шукуров Тилов Умаровичдан
Ўзбекистон Республикаси Президенти
Ш.М.Мирзиёевга
Нусхаси: «Дунё ўзбеклари» Бош муҳаррири Исмат Хушевга
Тошкент шаҳар, М.Улуғбек тумани А.Югнакий
мавзеси,22-уй, 5-хонадонда яшовчи судланувчи
Шукуров Тилов Умарович томонидан
тел: (90) 808-76-06, (94) 627-12-61
эл.почта:tilov.shukurov@bk.ru
алоқа бўлими:100142
О Ч И Қ Х А Т — илтимоснома тариқасида
“ТАЪҚИБ” юзасидан.
Ассалому алайкум Муҳтарам Юртбошимиз Шавкат Миромонович!
Ушбу орқали маълум қиламанки, ҳозирги кунда мени Ўзбекистон Республикаси ЖКнинг 210-моддаси 3-қисми “б” банди билан айблаш ҳақидаги жиноят иши ЖИБ Сирдарё вилоят суди апелляция инстанциясида кўрилмоқда.
Мен, 14 йилдан буён “оқланаман”-деб Сизга, турли нуфузли ташкилотлар ва ОАВларига, ҳозирги кунда ҳам апелляция инстанциясида менга нисбатан содир этилаётган адолатсизлик ва қонунсизликлар ҳақида шикоятлар ёзиб келмоқдаман.
Шу бугун, яъни 2020 йил 25 март куни мен Ўзбекистон Республикаси Бош прокуратураси уюшган жиноятчилик ва коррупцияга қарши курашиш бошқармаси АМИБ катта терговчиси Ж.Хайитбоевнинг хизмат (71-202-04-84, ички рақам 13-79) хонасига 2020 йил 27 март куни соат 10:00 га Тошкент Давлат Юридик университети мансабдор шахсларга нисбатан қўзғатилган жиноят иши бўйича гувоҳ тариқасида кўрсатув бериш учун чақиртирилдим.
Менинг ТДЮУ мансабдор шахсларига ва жиноят ишига ҳеч қандай алоқам йўқ, уларни умуман танимайман, мансабдор шахсларни кўрмаганман ва учрашмаганман. Ўзим, Тошкент шаҳар “Фемида-ҳимоя” адвокатлар ҳайъатида адвокат бўлиб ишлайман, лекин касбим ва хизматим юзасидан ҳам ТДЮУ мансабдор шахслари, ҳатто уларнинг қариндошлари билан ҳам мулоқатда бўлмаганман.
Мен, бу чақирувни Сизга қилаётган мурожаатларим юзасидан “ТАЪҚИБ”-деб ҳисоблайман. Мени аризаларимда нимаки ёзган бўлсам, Сизнинг маърузаларингиздан руҳланиб, цитаталар келтириб, ёзганман, менинг ҳеч қандай айбим йўқ, ҳеч қандай жиноятга алоқам йўқ ва ҳатто маъмурий ҳуқуқбузарлик содир этганим йўқ. Мабода, йўлда таранспорт ҳодисасига учраб, машина босиб кетса, ўз жонимга қасд қилсам ишонмангизлар, мен оила аъзоларим учун яшашни ҳоҳлайман. Шунингдек, менинг ёнимдан ва машинамдан тақиқланган бирор нарса топилиб, қамоққа олинсам, буларнинг ҳаммаси уюштирилган ҳисобланади,
Шу сабабли, Муҳтарам Юртбошимиз мени ўз ҳимоянгизга олиб, ишончли кишиларингиз орқали озодликда юришимни назорат қилиб, шахсан қабулингизга киришимга рухсат беришингизни илтимос қиламан.
Сизга олдиндан миннатдорчилик билдириб,
ҳурмат билан… (имзо) Т.У.Шукуров
25.03.2020 йил
МАҚОЛАНИ ДЎСТЛАР БИЛАН БАҲАМЛАШИНГ