Депутат Олим Сулаймонов: Бугун бир қанча оилалар ҳолидан хабар олдим…
Бутун дунёга офат бўлиб ёғилган коронавирус пандемиясига қарши бизнинг мамлакатимизда ҳам президентимиз Шавкат Миромонович бошчилигида кескин кураш олиб борилаяпти.
Рости, бу балойи азимга қарши халқимиз ҳамжиҳатлик билан курашга киришганлиги албатта кўнлимизни кўтаради, кучимизга куч қўшади. Бир ёмоннинг бир яхшиси бор деганидек, пандемия сабаб халқимизга хос меҳр-оқибат, бир-бирига беминнат кўмак бериш, бир-биридан хабар олиш каби эзгу фазилатлар янада яққол кўзга ташланяпти.
Мен Қибрай туман халқ депутати сифатида бу оғир кунларда кам таъминланган, ёрдамга муҳтож тумандошларимизга баҳоли қудрат ёрдам беришга ҳаракат қиляпман. Бугун бир қанча ана шундай оилалар ҳолидан хабар олдим.
Кечга яқин республика ёзувчиларининг муқаддас маскани “Дўрмон” ижод уйига халқимизнинг севимли шоири Амир Худойберди истиқомат қилаётган коттежга қадам ранжида қилдим. Шоир билан бугунги синовли кунлар ҳақида самимий суҳбатлашдим.
Амир ака “Таҳаммул” номли сайланма китобларини дастхат ёзиб тақдим қилдилар. Рости бу мен учун унутилмас воқеа бўлди. “Халқимиздаги ҳамжиҳатлик, якдилликни кўриб бу балойи азимни тез кунларда енгишимизга ишонаман, дейди шоир, Сиз каби элпарвар инсонлар борлигига шукур. Элга хизмат қилиб асло чарчаманг”.
Таниқли шоир Амир Худойбердининг бу самимий гаплари мени руҳлантирди, кучимга куч қўшди.
”Биз буюк халқнинг фарзандлари эканлигимзни унутмаслигимиз керак”, дейди шоир хайрлашаётиб. Бугунги кун мен учун энг мазмунли кун бўлди.
Хурмат билан
Кибрай тумани Халк Депутати
Олим Сулайманов,
«Дунё ўзбеклари» редакция почтасидан
МАҚОЛАНИ ДЎСТЛАР БИЛАН БАҲАМЛАШИНГ