БААнинг Дубай шаҳрида 16—17 февраль кунлари бўлиб ўтган Бутунжаҳон аёллар форумида Ўзбекистонда гендер тенглигини таъминлаш комиссияси аъзоси Саида Мирзиёева нутқ сўзлагани ҳақида хабар берилган эди.

Саида Мирзиёеванинг маълум қилишича, Дубайда ўтаётган Бутунжаҳон аёллар форумининг биринчи кунида у Манал бинт Муҳаммад бин Рашид ал-Мактум зоти олиялари таклифига кўра иштирокчилар билан бирга кечки овқат тановул қилган.

«Буюк Британия собиқ бош вазири Тереза Мэй, АҚШ президенти катта маслаҳатчиси Иванка Трамп, Дубай маданият ва санъат бошқармаси раиси шайх Латифа бинт Муҳаммад ибн Рашид ал-Мактум, Дубай Аёллар ташкилоти раиси Мона ал-Марри, АҚШ давлат депертаментининг бутунжаҳон аёллар масалалари бўйича бўлими раҳбари Келли Карри ва бошқа иштирокчилар билан форум ишини муҳокама қилдик», — деб ёзади Саида Мирзиёева.

Эслатиб ўтамиз, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раисининг ўринбосари Саида Мирзиёева Дубай амирлиги шайхи Манал бинт Муҳаммад бин Рашид ал-Мактум зоти олиялари таклифига биноан Дубайда бўлиб турибди.