Бош муҳаррир И.Хушевга: Ҳокимларни сайлаш керак!
Ассалому алекум Исмат Махмудович,
мени очиқ эфирга таклиф қилганингиз учун катта рахмат, компьютер техникасига нўноқлигим учун буни эплай олмадим, шу сабабли ўз фикрларимни шу хат орқали баён қилишга қарор қилдим.
Мен сиёсатчи ҳам, ёзувчи ёки журналист ҳам эмасман, 34 миллион аҳолининг биттаси одий пенсионер гражданман, бошқалардан кичкина фарқим атрофимда бўлаётган жараёнларга бефарқ қараб туролмайман, ҳамда халқимнинг бошқа ривожланган давлат гражданлари каби фаровон ўзига тўқ, тўла тўкис яшаши ва ҳеч қачон ижтимоий ҳаётда ноҳақ камситилмаслиги тарафдориман.
Президентимиз Шавкат Мирзиёевнинг 24 январдаги мурожаатини тўғридан тўғри ТВда кўрганимдан ташқари яна интернетда 2 марта ҳижжалаб такрор кўрдим. Мурожаатда кўтарилган масалалар ва муоммаларнинг иккинчи даражалиси йўқ, ҳаммаси бугунги куннинг долзарб муоммалари деб ҳисоблайман, мен пунктма пункт тўхтаб ўтирмоқчи эмасман, фақат обзор ҳолда айримларига тўхталиб ўтмоқчиман, президент кўтарган муоммалар кеча ёки бугун пайдо бўлган эмас, бу муоммалар йиллар давомида биз билан ёнма-ён юриб яшашимизга тинчлик, асойишталик бермай келаётган муоммалардир, бу камчиликларни ҳамма, шу жумладан президент атрофини ўраб турган мулозимлар ҳам яхши кўриб билиб, лекин скут сақлаб турибди.
Прописка деган илат кўп йиллардан бери халқимизнинг бўйнидаги сиртмоқ, оёқ-қўлидаги кишан бўлиб келаёпди, бу масала ойдинлар, журналист-ёзувчилар, блогерлар тамонидан бир неча йиллардан бери кўтарилиб келаяпди, президент шу прописканинг ривожланишга ғов бўлиб турганини тан олиб, шу ғовга чек қўйиш масаласини кўтарди ва тегишли хизматга топшириқ берди, қаранга президент кўтарганидан кейин молия вазири Жамшид Қўчқоров, академик Акмал Саидов каби президентнинг ёнида ҳар куни юрадиган, президент билан учрашиш, гаплашиш имкониятига эга олий рангдаги амалдорлар бирдан матбуотга чиқиб пропискани ёмонлашга тушиб кетди, гўяки улар буни билмасди, президент тилга олганидан кейин дарҳол сезиб қолишди, нима уларга ўз-ўзлигича ташббус қилиб бирон оғриқли муоммани кўтариб чиқиш тақиқланганми.
Президен ўз нутқида образли қилиб коррупционерларга «ҳалоллик вакцинаси» керак дедилар, менимча президент атрофидаги мулозимларга кўпроқ «ташаббускорлик вакцинаси» керакка ўхшайди.
Мен Норвегияда яшаётган журналист Отабек Тошев, Америкада яшаётган юрист Тўлқин Йўлдошев ва бошқа ўртоқлар фикрига қўшилган ҳолда коррупция билан курашиш учун ташкил бўладиган янги ташкилотга қаршиман, самара бермайди, олдин ҳам шунга ўхшаш ташкилотлар бўлган ва улар биринчи навбатда ўзлари коррупция ботқоғига ботган, у ташкилот юқори поғонадаги коррупциянинг бош ўчоғидагиларнинг бўғзига чангал сололмайди, уларни қўлга ололмаганидан кейин ҳеч қандай самара бўлмайди, улар ҳам олдингиларидай пастки бўғин билан курашиб «натижа»кўрсатиш билан шуғулланади.
Уч кундан бери бутун Ўзбекистон халқи ҳамма жойда президент мурожаати ҳақида мунозора қилаяпди, кўпчилик бундан хурсанд бўлса, бошқалари «ҳали кўрамизда гапиришга гапирдию, буларнинг қайси бири амалга ошади» деган кайфиятда.
Буларни амалга оширишда ҳамма ўз ҳиссасини қўшиши керак. Мурожаатда кўтарилган масалаларни самарали ҳал қилишда қуйидагиларни таклиф қиламан:
1. Президент атрофидаги Каримовдан меросга қолган мулозимлардан воз кечиши керак.
2. Коррупцияни йўқотишда биринчи навбатда ОАВ воситаларини ролини юқори поғонага олиб чиқиши керак, ҳар бир бир танқид остига олинган амалдорни ёки ташкилотни ТВ экранларида кўрсатиш керак, ОАВларида пайдо бўлган ҳар бир масалага тегишли давлат органлари дарҳол реакция қилиши керак. Ижтимоий тармоқларда, ВВС, Озодлик радиоси, «Дунё ўзбеклари» сайтларида адолатсизлик, ҳокимлар, прокурорлар, судлар, ИИ ходимлари тамонидан азият чекаётган шахслар устида жуда кўп материаллар чиқаяпди, лекин тегишли мутасади ташкилотлар жимликни сақлаб турибди.
3. ЎзМТРКни тўлиқ реконструкция қилиши керак, улар ТВ экранидаги ҳар куни базми жамшидни тўхтатиб ўз ишларини долзарб муммоларга қаратиб президентнинг номер 1 ёрдамчиси бўлиши керак, ҳеч бўлмаса хориждаги журналист Исмат Хушев даражасида танқидий материалларни кўтариб чиқиши керак (узр Исматжон бу маддоҳлик эмас, фикримга келган ҳақиқатни ёзмасам бўлмайди).
4. Ҳокимларни сайлаш йўлини бошлаш керак.
5. Озодлик радиоси мамлакат ичига киришига рухсат бериши, яъни акридитация бериши керак.
6. Жамаотчилик фикрини ўрганиш ва инобатга олиши керак.
АБУБАКИР ХУДАЙКУЛОВ,
Тошкент вилоятнинг Оҳангарон райони
«Дунё ўзбеклари» редакция почтасидан
МАҚОЛАНИ ДЎСТЛАР БИЛАН БАҲАМЛАШИНГ