Абдулла Орипов ҳақидаги биз билмаган ҳақиқатлар…
Навои таваллудига багишланган отамнинг табрикларини, интернетга ишонмай, Туркия дан Узбекистонга самолетда етказиб келиб, 2014 йил 6 февралда Ёзувчилар уюшмаси рахбариятига берган эдим. Ушбу матнни сизга улашяпман, аямнинг сузлари билан бошлаб.
Ханифа ая хотираларидан:
«2014 йилнинг қиш фаслини Истамбулда ўтказдик. 9-феврал Навоий бобони таваллуд топган кунларида Абдулла ака Туркия давлати, Истамбул шаҳри «Само» касалхонасининг жонлантириш бўлимида ётгандилар. «Бу йил Навоийнинг туғилган кунида қатнаша олмаяпман» деб жуда безовта бўлдилар. 1968 йил «Навоий» шеърини ёзганларини хамон кечагидек эсимда, биз Чилонзор туманида истиқомат қилар эдик.
Беш юз йил унга ҳам нима гап ахир,
Мингга қадам қўйди йигирма беш ёш.
мисралари билан тугайдиган шеърларининг ёзилиш жараёни. Ўша йиллардан бери бизнинг хонадонимизда Навоий бобомизнинг таваллуд айёмларини албатта ош қилиб нишонлардик. «Навоий бобомиз жуда нозиктаб, инжиққина бўлганлар -да, бирор марта ҳам шу кунда ҳаво очиқ бўлмайди, ё қор ёки ёмғир ёғиб изғирин бўлади» дердилар.
Касалхонада ҳам ўзлари осма уколда ётган бўлсаларда, менга шу мақолани айтиб туриб ёздирдилар. Юз марта ўчириб, юз марта кўчирдим. Мақолани қораламаси тайёр бўлди. Ниҳоят палатага чиқдик. Анча яхши бўлиб қолдилар. Кечаси билан мақолани қайта- қайта ишладилар.
