Муҳаммад Юсуф: «Адолат Шамшири» китоби муаллифи Нурмат Латибжоновга

КИМ – КИМГА СОҲИБИ САНЖАРМАН ДЕЙДИ,
СИМ – СИМГА МАҚТАНИБ ХАНЖАРМАН ДЕЙДИ.
ҚУМУРСҚА ҲАМ ЎЗИН АЖДАРМАН ДЕЙДИ –
АГАР, КЎНГИЛЛАРДАН КЎЧСА ДИЁНАТ!

БОЛ БЕРГАН ҚЎЛИНГГА НАЙЗАСИН САНЧА,
ҚИЛГАН ЯХШИЛИГИНГ БИЛМАГАН ҚАНЧА.,
АЛПОМИШНИ ТАЛАР ГАЛА ТИРРАНЧА,
АГАР, КЎНГИЛЛАРДАН КЎЧСА ДИЁНАТ!

АНЖОНГА АРСЛОНДИЛ АЛП ЭТМИШ АТО,
БЕАЙБ ПАРВАРДИГОР, КИМДА ЙЎҚ ХАТО?!
ҚАДРИГА ЕТМАЙДИ БОБУРНИНИ, ҲАТТО,
АГАР, КЎНГИЛЛАРДАН КЎЧСА ДИЁНАТ!

ИМОН ЙЎҚ ГЎШАДА ЭҲРОМ ҚАЙДАДИР,
ҚАЛБГА ТАСКИН ҚАЙДА, ОРОМ ҚАЙДАДИР,
МАГАР ЖОНДАН КЕЧГИН КИМГА ФОЙДАДИР,
АГАР, КЎНГИЛЛАРДАН КЎЧСА ДИЁНАТ!

ОЛЛОҲНИНГ УЙТГА БИР ҒИШТ ЭЛТДИНГ, БАС,
ТОЗА НИЯТИНГГА ДИЛИМДА ҲАВАС,
ТОПИЛАР СЕНИ-ДА КЎРОЛМАС НОКАС,
АГАР, КЎНГИЛЛАРДАН КЎЧСА ДИЁНАТ!

УЛУҒНИНГ ЁЛҒИЗИ БЎЛГИН УЛУҒВОР,
ДУНЁДА АДОЛАТ ТАРОЗУСИ БОР,
СЕНГА ПАСТЛАРНИНГ ПАНД БЕРМОҒИ ДУШВОР,
АЙБИНГ АХТАРСА ҲАМ АГАР ТУМОНАТ.

БЕКЛАРГА МУНОСИБ СЕНДАГИ ҲИММАТ,
ЮЗИНГДАГИ НУРИНГ СЎНМАСИН НУРМАТ,
ЭРКА ЎҒЛИМ ДЕБОН ЭЛ ЭТСА ҲУРМАТ,
СЕНГА ЖАННАТГА ЙЎЛ ҲАҚДАН КАФОЛАТ!

«Дунё ўзбеклари» редакция почтасидан