Талант Александеров: Тасвирланган эди унда кенгликдаги тулпорлар…

---

БЕДОВ УЮР…

(Яқиндагина 50 ёшни қаршиларканман, бир хамкасб отахон менга муаллифи ўзи бўлган фотосурат совға қилди, унда Нуротанинг кенгликларида бир уюр отларнинг эркинликда чопаётгани тасвирланган эди, ундан илҳомланиб ушбу шеърни битдим ва Абдуғани Жумага бағишладим).

Совға қилди отахон менга сурат – “Бедов уюр”,

Маъноси кенг, гўё “озодликни севгин” – деюр.

Тасвирланган эди унда кенгликдаги тулпорлар,

Дардманд бўлсангда қалбим, бир фикр томон юр:

Хокиму-амалдорлар халқни хўрлаб, гаштин сурур,

Бунга қарши ватанпарварлар қўрқмай тикка турур.

Натижада хақ учун айтганларнинг жойи турма,

Эй қозилар, эндиликда қолмадими сизда ғурур?!

Гарчи Шох сўзларидан аҳоли-ю тадбиркорни суюр,

Мулозимлар эса улар бошига маломатлар қуюр.

Ёзғирашдан ўзгаси келмас қўлимдан, адо бўлдим,

Ўзга не қилайин, олдингга борайми, Тангрим буюр.

Не гапирай, бўлаётганларни қабул қилмас шуур,

Халқ мехнату-машаққатда, хоким эса санар купюр.

Худойим бор, ҳамма ўтар, бу кунлар ҳам охир ўтар,

Азиз халқим адолат-у, озодликни албат бир кун туюр.

© Талант Александеров

2020-01-09, 16:08 РМ, Тошкент, Офис.

“Дунё ўзбеклари” редакция почтасидан

МАҚОЛАНИ ДЎСТЛАР БИЛАН БАҲАМЛАШИНГ