Трампга импичмент қўллаш масаласида АҚШ иккига бўлинди – Ододлик радиоси

Бош мақола, Сиёсат | 11/02/2019 4:32 PM 10886 марта ўқилди

Трампга импичмент қўллаш масаласида АҚШ иккига бўлинди

ноябр 02, 2019

Washington Post нашри ва ABC News канали ўтказган сўровга кўра, респондентларнинг 49 фоизи АҚШ президенти Доналд Трампни ҳокимиятдан четлатиш тарафдори, 47 фоизи эса импичментга қарши эканини билдирган.

Сўровдан аён бўлишича, республикачиларнинг 82 фоизи импичментга қарши, демократларнинг шунча фоизи эса импичмент тарафдори.

Аввалроқ АҚШ вакиллар палатаси кўпчилик овоз билан Трампга нисбатан импичмент жараёни бошланишини расмийлаштирувчи резолюцияни қабул қилганди.

421 вакилдан 232 нафари бу ташаббусни ёқлаб овоз берди. Лекин, республикачилар орасидан ҳеч бир конгрессмен ташаббусни маъқулламади.

Демократлар президентни 2019 йил июлида Украина президенти Володимир Зеленский билан телефон мулоқотида ваколатини суиистеъмол қилганликда айбламоқда.

Улар фикрича, Трамп қўнғироқ вақтида Зеленскийни АҚШ собиқ вице-президенти, 2020 йилда бўлиб ўтадиган президентлик сайловида Трампнинг эҳтимолий рақиби Жозеф Байденнинг ўғли Хантер Байденнинг Украинадаги фаолияти тергов қилиниши лозимлигига кўндирмоқчи бўлган.

ОЗОДЛИК