Ўзбекистон Республикаси Олий судининг маъмурий ишлар бўйича судлов ҳайъатига

Бош мақола, Инсон ва қонун, Редакция почтасидан | 18/09/2019 20:11- 10958 марта ўқилди

Ўзбекистон Республикаси Олий судининг

маъмурий ишлар бўйича судлов ҳайъати

раисига

Аризачи:

Тошкент шаҳар, Мирзо Улуғбек тумани,

А.Югнакий мавзеси 22-уй, 5-хонадонда

яшовчи Шукуров Тилов Умарович

тел: (90) 808-76-06, (94) 627-12-61

эл.почта: tilov.shukurov@bk.ru

алоқа бўлими: 100142

Жавобгарлар:

1. Ўзбекистон Республикаси Олий суди раиси

Камилов Козимджан Фазилович

2. Олий суднинг маъмурий ишлар бўйича судлов

ҳайъати раиси ўринбосари Остонов Мўмин

Каримович

3. Олий суд ЖИБ судлов ҳайъати раиси ўринбосари Муслимов Икром Тухтамуратович

Олий суд судьялари; Эргашев Эркин Одилович,

Аллаев Абдулло Садуллоевич ва Арабов

Омонжон Жумаевич

5. Олий суднинг мурожаатлар билан ишлаш

бошқармаси бошлиғи Обидов Толиб

Тошкент шаҳар, А.Қодирий кўчаси 1-уй,

тел: (71) 239-02-13, (71) 239-02-74

ТАКРОРИЙ АРИЗА (2)

Мансабдор шахсларнинг қонун ҳужжатларига мос келмайдиган ҳамда фуқаронинг ҳуқуқларини ва қонун билан қўриқланадиган манфаатларини бузадиган, ҳаракатлари (ҳаракатсизлиги)ни ғайриқонуний ва идоравий норматив-ҳуқуқий ҳужжатларини

ҳақиқий эмас деб топиш ва мажбурят юклаш тўғрисида.

“Судьялар “аросат”да қолганми..? Ёхуд қонунларимизни “қизил” китобга

киритиш керакми…?”

“Агар аризачи олган жавоб хатидаги ўз қонуний

муаммоси ечимидан қаноат ҳосил қилмаса

бундай мурожаат назоратдан олинмайди!”

Президент Ш.Мирзиёев

Ассалому алайкум Муҳтарам судлов ҳайъати аъзолари!

Мен, жорий йилнинг 5 сентябрда Ўзбекистон Республикаси Олий судининг раиси Камилов Козимджан Фазилович, Олий суд ЖИБ судлов ҳайъати раисининг ўринбосари И.Муслимов, судьялар Э.О.Эргашев ва О.Ж.Арабов, мурожаатлар бўлими бошлиғи Т.Обидов ва бошқаларнинг ғайриқонуний ҳаракатлари ва ҳаракатсизликлари устидан Олий суд маъмурий ишлар бўйича судлов ҳайъатига ариза билан мурожаат қилган эдим, аризам ва иловаларини Олий суднинг маъмурий ишлар бўйича судлов ҳайъати раиси ўринбосари Остонов Мўмин Каримович қабул қилиб олиб, тақдим этилган ҳужжатларимда камчилликлар йўқлигини ва аризам Олий суд маъмурий ишлар бўйича судлов ҳайъатида кўрилишини айтган эди.

Лекин, 17 сентябрь куни Олий суднинг қабулхонасида ушбу аризамни Олий суд ЖИБ судлов ҳайъатига ўтказилганлигини ва ўрганишда эканлигини айтишди.

Ваҳоланки, 03.12.2014 йилдаги Ўзбекистон Республикаси “Жисмоний ва юридик шахсларнинг мурожаатлари тўғрисида”ги Қонуннинг 25-моддасида “Мурожаатларни кўриб чиқиш учун асоссиз равишда бошқа давлат органларига, ташкилотларга ўтказиш ёхуд қарорлари ёки ҳаракатлари (ҳаракатсизлиги) устидан шикоят қилинаётган органларга, ташкилотларга ёки мансабдор шахсларга юбориш тақиқланади”-деб кўрсатилган.

Кўриб турганингиздек, Олий суднинг маъмурий ишлар бўйича судлов ҳайъати раиси ўринбосари М.К.Остонов менинг аризамни қабул қилиб, аризамни кўриб чиқиш тартиби жиноят-процессуал қонунлар билан белгиланган мурожаатларга тааллуқли эмаслигини билгани ҳолда, атайин Олий суд маъмурий ишлар бўйича судлов ҳайъатининг ваколати доирасида кўриладиган аризамни нотўғри равишда ЖИБ судлов ҳайъатига ўтказиб, қонун талабларини жиддий равишда бўзган.

Чунончи, демократик жамиятимиздаги “Инсон манфаатлари ҳамма нарсадан устун”-деган тамойил асосида, судьяларнинг адолат мезонларига ва қонун ҳужжатларига мос келмайдиган қонун билан қўриқланадиган ҳуқуқларим ва манфаатларимга хилоф равишда, масалам юзасидан қарорлар қабул қилишаётганлигини танқид қилиб, уларнинг КОНСТИТУЦИЯ ва ҚОНУН талабларини бузишда акс этган ғайриқонуний ҳаракатлари ва ҳаракатсизликлари устидан Ўзбекистон Республикаси Президентига, Олий Мажлиснинг Қонунчилик палатаси ва Сенатига, Конституциявий судга, Олий суд, Судьялар олий кенгаши ва бошқа нуфузли ташкилотларга 12 йилдан ортиқ муддат давомида мунтазазм равишда мурожаат қилиб келмоқдаман.

Лекин, нуфузли ташкилотлар раҳбарлари менинг судьяларга нисбатан ёзган шикоятларим юзасидан Ўзбекистон Республикаси “Судлар тўғрисида”ги Қонуннинг 70-моддаси, яъни “Судьянинг шахси дахлсиз. Судьянинг дахлсизлиги унинг турар жойига, хизмат хонасига, фойдаланадиган транспорти ва алоқа воситаларига, хат-хабарларига, унга тегишли ашёлар ва ҳужжатларга тааллуқлидир” — деган қонун нормасига қўлланилиб, уларга нисбатан ҳеч қандай чоралар кўрмасдан, шикоятларим мен шикоят қилаётган суд идораларнинг ўзларига текшириб чиқиш учун ноқонуний равишда юборилиши давом этмоқда.

Маълумингизким, Конституциямизнинг қўйидаги моддаларида, яъни;

“15-моддасида, Ўзбекистон Республикасида Ўзбекистон Республикасининг Конституцияси ва қонунларининг устунлиги сўзсиз тан олинади.

Давлат, унинг органлари, мансабдор шахслар, жамоат бирлашмалари, фуқаролар Конституция ва қонунларга мувофиқ иш кўрадилар.

18-моддасида, Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қаъти назар, қонун олдида тенгдирлар;

44-моддасида, Ҳар бир шахсга ўз ҳуқуқларини суд орқали ҳимоя қилиш, давлат органлари, мансабдор шахсларнинг ғайриқонуний хатти-ҳаракатлари устидан судга шикоят қилиш ҳуқуқи кафолатланади;

48-моддасида, Фуқаролар Конституция ва қонунларга риоя этишга мажбурдирлар”-деб, кўрсатилган.

Демак, Конституциямизга кўра, мен ва Олий суд судьялари Республикамиз ҳудудида бир хил ҳуқуқ ва эркинликларга эгамиз, ижтимоий мавқеимиздан қаъти назар, қонун олдида тенгмиз ва мен ўз ҳуқуқларимни судда ҳимоя қилиб, судьяларнинг ғайриқонуний хатти-ҳаракатлари устидан судга шикоят қилиш ҳуқуқим кафолатланган, улар эса Конституция ва қонунларимизга мувофиқ аризамни кўришга мажбурдирлар.

Кўриб турганингиздек, мен аризаларимда ёзаётган масалам бўйича, судьяларнинг шахсига ва дахлсизлигига нисбатан дахл қилаётганим йўқ, дахилсизлик ҳуқуқи – судьялар қонунни бўзса, уларни қонундан ҳимоя қилади дегани эмас! Асосий Қомусимиз бўлган Конституциямизда кўрсатилганидек, мен ва судьялар Ўзбекистон Республикаси фуқароси ҳисобланиб, ҳуқуқ ва мажбуриятларимиз бир хил бўлганлиги сабабли, бор-йўғи уларнинг хизмат фаолияти давомида КОНСТИТУЦИЯ ва ҚОНУНларимиз талабларига амал қилишмасдан, ғайриқонуний ҳаракатлари ва ҳаракатсизликлари натижасида, менинг ҳуқуқларим ва қонун билан қўриқланадиган манфаатларимни руёбга чиқаришимда, қонунларни амалиётда нотўғри талқин қилишиб, ноқонуний равишда идоравий норматив-ҳуқуқий ҳужжатлар чиқаришаётганлигидан норози бўлиб, қонунларнинг ижросини таъминлашни сўрамоқдаман холос.

Чунончи, жиноят ишим бўйича, 2018 йил 05 июнда Олий суд ЖИБ судлов ҳайъатининг ажримига кўра, 12 йил деганда ЖИБ Қашқадарё вилоят суди апелляция инстанциясининг 2007 йил 30 мартдаги ажрими бекор қилиниб, суд мажлисида “оқланишим” ҳақидаги важларим юзасидан адолат тўлиғича қарор топмасдан, ишим ЖИБ Қашқадарё вилоят суди апелляция инстанциясига янгидан кўриш учун нотўғри юборилди.

Жумладан, мен 2018 йил 11 июндан буён мунтаззам равишда Олий суднинг Раёсатига 22 марта назорат тартибида шикоятлар ёздим, лекин Олий суд раисининг собиқ ўринбосари Б.Деҳқонов, Олий суд ЖИБ судлов ҳайъати раисининг ўринбосари И.Муслимов, судьялар Эргашев Эркин Одилович, Арабов Омонжон Жумаевич, Аллаев Абдулло Садуллоевич, мурожаатлар бўлими бошлиғи Т.Обидов ва бошқалар ЖПКнинг 393, 510-1-моддаси ва 521-моддалари талабларига зид равишда назорат тартибида ёзган шикоятларимни судловига тегишлилиги бўйича Олий суд Раёсатига ўтказмасдан, шикоятларимнинг кўрилишига асоссиз равишда тўсқинлик қилиб, ажрим чиқармасдан ноқонуний равишда жавоб хати юбораётган бўлиб, Қонун талабларни қўпол равишда бўзаётибди, яъни Олий судга ёзган назорат тартибидаги шикоятингиз ўрганилиб чиқилиб, Олий суд раҳбарияти томонидан суд қарорлари қонуний ва асосли деб топилиб, бу ҳақда Сизга жавоб хатлари билан батафсил жавоб берилган деб жавоб хати юборишмоқда.

Ваҳоланки, Олий суддагилар жиноят процессуал кодексининг қайси моддасига қўлланиб, назорат тартибида ёзган шикоятимга жавоб хати юбормоқда, ахир қонунда жавоб хати эмас, тўғридан-тўғри назорат тартибда ёзилган шикоятга ажрим чиқарилиши белгилаб қўйилганку?

Бундан ташқари, мен 2018 йил 17 сентябрь ва жорий йилнинг 12 ва 31 март кунларида Олий суднинг раиси К.Ф.Камиловнинг шахсан 3 марта қабулида бўлиб, адолатли қарор қабул қилишини илтимос қилганимда, у кишидан назорат тартибда Раёсатга ёзган шикоятларим кўрилмаслиги ва судлов ҳайъати қарорларини ўзгартирмаслиги ҳақидаги оғзаки жавобини эшитиб, БМТнинг инсон ҳуқуқлари бўйича комиссарига мурожаат қилишим учун шахсан имзоси билан ажрим беришини сўрадим, у киши эса кейинги учрашувимизда “Раёсатга шикоят қилиш ҳуқуқим борлигини, жиноят ишини чақиртириб, батафсил маълумот қилишларини ва ўрганиб, шахсан жавоб беришини”-айтди, лекин бир йилдан ортиқ вақт ўтсада қонун доирасида назорат тартибида ёзган шикоятларимга асослантириб, имзоси билан расмий равишда ажрим ҳам бера олмади.

Амалдаги ҚОНУН талаблари бўйича, жорий йил 22 январь кунидаги Олий суд раисининг собиқ ўринбосари Б.Деҳқоновнинг жавобидан норози бўлиб ёзган назорат тартибида ёзган шикоятимга фақат Олий суднинг раиси жавоб бериши керак!

Шунингдек, 2019 йил 3 июнь кунида Олий суд ЖИБ судлов ҳайъати раисининг ўринбосари И.Муслимов, ўз ваколати доирасидан четга чиқиб, Олий суд раиси ўринбосари Б.Деҳқонов имзоси билан берилган жавобдан норози бўлиб, Раёсатга ёзган назорат тартибидаги шикоятларимга Олий суднинг раиси имзоси билан ажрим берилиши лозим бўлсада, аммо Раёсатга ёзган шикоятларимга ўз имзоси билан ноқонуний берган жавоб хатида, ЖПКнинг 498-моддасига мувофиқ, кассация тартибида шикоят беришга ҳақли эканлигимни тушунтириб, яна раҳбарият томонидан шикоятим қаноатлантирилмасдан қолдирилганлигини кўрсатган.

Чунончи, ЖПКнинг 498-моддасида “Маҳкум, унинг ҳимоячиси ва қонуний вакили суднинг қонуний кучга кирган ҳукми ва ажрими устидан, агар иш апелляция тартибида кўрилган бўлмаса, кассация тартибида шикоят беришга ҳақлидир” деб кўрсатилган.

Ваҳоланки, юқоридаги талаб бўйича кассация тартибида шикоят ёзишим учун, апелляция тартибида шикоят ёзмаган ёки ёзган шикоятимни кўрилмасдан қайтиб олган бўлишим ёхуд менга нисбатан чиқарилган ҳукм кучга кирган бўлиши керак.

Аммо, мен 12 йил олдин ҳукмдан норози бўлиб, ЖИБ Қашқадарё вилоят судига апелляция тартибида шикоят ёзган бўлсам, ЖПКнинг 497⁶-моддасида “Апелляция шикояти берилиши ҳукмни ижро этишни тўхтатиб туради”-деб кўрсатилган бўлиб, шикоятим апелляция судлов ҳайъатида 2007 йил 30 март куни кўрилиб, ҳукм ўзгаришсиз қолдирилиб, ҳукм қонуний кучга кирган бўлса, шунингдек, 2018 йил 5 июнда Олий суд ЖИБ судлов ҳайъати томонидан назорат тартибидаги шикоятим ўрганилиб, 2007 йил 30 мартдаги апелляция инстанциясиниг ажрими бекор қилиниб, ажрим чиқарилган бўлса, шу 5 июндаги ягона АЖРИМИ ҳозир қонуний кучда бўлса, ЖПКнинг 528-моддасида “Ҳукм унинг устидан апелляция шикояти бериш ва протест билдириш муддати ўтиши билан қонуний кучга киради. Апелляция шикояти берилган тақдирда ҳукм, агар у бекор қилинмаган бўлса, ишни юқори суд кўриб чиққан куни қонуний кучга киради”-деб кўрсатилганлигига кўра, бекор бўлган апелляция ажрими туфайли менга нисбатан 2007 йил 30 январдаги ҳукм қонуний кучга кирмаган ҳисобланса, мен 12 йил олдин ёзган апелляция шикоятимни қайтариб олмаган бўлсам ва жиноят ишида мавжуд бўлса, 2018-2019 йилларда апелляция тартибида шикоят ёзмаган бўлсам, шунингдек ЖИБ Қашқадарё вилоят суди апелляция инстанцияси ЖПКнинг 495-моддасида “юқори суд кўрсатмаларининг мажбурийлиги, яъни жиноят ишини назорат тартибида кўриб чиққан суднинг иш ҳолатлари тўла-тўкис ва ҳар томонлама текширилиши мажбурийдир”-деган қонун талабига амал қилмасдан, Олий суд ЖИБ судлов ҳайъатининг 2018 йил 5 июндаги ажримидаги раҳбарий кўрсатмаларини бажармасдан, ЖПКнинг 483-моддасида “апелляция инстанцияси суди жиноят ишини шикоят ёки протест билан иш келиб тушган кундан эътиборан ўн беш суткадан кечиктирмай кўриб чиқишга киришиши керак. Иш ўта мураккаб бўлган тақдирда ва бошқа фавқулотда ҳолларда тегишли суд раиси бу муддатни кўпи билан ўн беш суткага, Ўзбекистон Республикаси Олий суди Раиси ёки унинг ўринбосари эса, кўпи билан бир ойга узайтириши мумкин. Юқори суд томонидан жиноят ишини кўриб чиқиш давомийлиги уни кўриб чиқиш бошланган кундан эътиборан икки ойдан ошмаслиги керак”-деб, кўрсатилган қонун талабларига зид равишда олти ой суд мажлисини ўтказиб, ЖПКнинг қайси моддаларига қўлланиб, жиноят ишини кўрмасдан қолдирган ва ёпиқ деб эълон қилиб, суд мажлиси якунига кўра, қарор қабул қилмаган ва ажрим чиқармаган…?

Бундан ташқари, ЖПКнинг 500 ва 513-моддаларида “Шикоят ёки протестда оғирроқ жиноятга доир қонун моддаларини қўллаш зарурлиги, жазони кучайтириш ёки маҳкумнинг аҳволини оғирлаштирадиган бошқа ўзгаришлар назарда тутилган бўлса, суднинг айблов ҳукмини ёки ажримини, шунингдек суднинг оқлов ҳукмини ёхуд ишни тугатиш тўғрисидаги ажримини кассация ва назорат тартибида қайта кўриб чиқишга улар қонуний кучга кирганидан кейин бир йил мобайнидагина йўл қўйилади”-деб кўрсатилган.

Демак, Олий суд ЖИБ судлов ҳайъатининг ажримига кўра, апелляция ажримим бекор бўлганига бир йилдан ошиқ вақт ўтган бўлиб, эндиликда мени айбдор деб ҳукмни ўзгартиришсиз қолдиришга ажрим чиқариш ва масалам бўйича кассация тартибида шикоят ёзишим мақсадга мувофиқ эмас!

Бундан ташқари, жорий йилнинг 7 августь куни Олий суд раисининг ўринбосари Х.Ёдгоровнинг қабулида бўлиб, Олий судида менинг Конституциявий ҳуқуқ ва эркинликларим бўзилиб, 2018 йил 11 июндан то ҳозирги кунга қадар, яъни бир йилдан ортиқ муддат давомида Олий суд Раёсатига назорат тартибида ёзган шикоятларим Раёсатда кўрилмасдан асоссиз рад этилаётганлиги ва масалам бўйича Суд идораларининг ЖПКнинг 498-моддасига мувофиқ, кассация тартибида шикоят беришим ҳақидаги талаблари Ўзбекистон Республикаси Конституцияси ва жиноят-процессуал қонуни нормаларига зид эканлигини айтиб, жавоб хатлари мазмунини тушунтириб беришини сўраганимда, Х.Ёдгоров тушунча беришдан бош тортди.

Бундан ташқари, жорий йилнинг 6 сентябрь куни Олий суд судьяси А.Аллаев ноқонуний равишда ваколатига кирмасада менинг Раёсатга ёзган назорат тартибидаги шикоятимни ўрганиб чиқиб, Олий суд ЖИБ судлов ҳайъати раисининг ўринбосари И.Муслимовнинг жавоб хатига ўхшаш жавоб хати юбориб, шикоятимни ЖПКнинг 510-2-моддаси 1-қисми, 2-бандига асосан кўриб чиқмасдан қайтарганлигини маълум қилган.

Лекин, шу жавоб хатида менинг масаламга, яъни ЖПКнинг 510-1-моддаси асосида Раёсатга назорат тартибида ёзган шикоятимга асослантириб жавоб ва мен қўллананган ЖПКнинг 510-1-моддаси ҳамда ўзи қўлланган ЖПКнинг 510-2-моддалари ўртасидаги тафовутга изоҳ бермасдан, менинг масаламга тааллуқли бўлмаган қонунларни ўз фойдасига нотўғри равишда талқин қилган.

Чунончи, “Судлар тўғрисида”ги Қонуннинг 3-моддасида “Ўзбекистон Республикасида одил судлов фақат суд томонидан амалга оширилади;

Шу Қонуннинг 13-моддасида, Ўзбекистон Республикаси Олий суди фуқаролик, жиноий, иқтисодий ва маъмурий суд ишларини юритиш соҳасида суд ҳокимиятининг олий органидир;

Шу Қонуннинг 66-моддасида, “Судьялар ўз ваколатлари доирасида ишларни кўриш чоғида Ўзбекистон Республикасининг Конституциясига ва бошқа қонунларига сўзсиз риоя этиши, фуқароларнинг ҳуқуқ ва эркинликлари, шаъни, қадр-қиммати ва мол-мулки, корхоналар, муассасалар ва ташкилотларнинг ҳуқуқлари ҳамда қонун билан қўриқланадиган манфаатлари ҳимоя қилинишини таъминлаши, беғараз ва адолатли бўлиши шарт»-деб кўрсатилган.

Шунингдек, менга нисбатан Маъмурий суд ишларини юритиш тўғрисидаги кодекснинг 186-моддасидаги “Ариза (шикоят) билан судга мурожаат этиш муддатлари”га қўлланиш, мақсадга мувофиқ эмас деб ҳисоблайман. Сабаби, мен юқорида ёзганимдек, шу кунга қадар Олий суд раҳбариятидан адолат излаб, босқичма-босқич, тинмасдан шикоятлар ёзиб келмоқдаман. Лекин улар назорат тартибда ёзган шикоятларимга хозирги кунга қадарлик Ўзбекистон Республикасининг Жиноят-процессуал кодексига мувофиқ қарор қабул қилмасдан, шикоятим Раёсатда кўрилмасдан, ноқонуний равишда жавоб хати берганлиги учун мазкур судга ариза қилиш ҳуқуқимни вужудга келтирмоқда.

Шу модданинг 3-хат бошида “Ариза беришнинг узрли сабабга кўра ўтказиб юборилган муддати суд томонидан тикланиши мумкин”-деб кўрсатилган.

Шу кодекснинг 179-моддасида “Ўзига нисбатан идоравий норматив-ҳуқуқий ҳужжатнинг амал қилиши татбиқ этиладиган фуқаро ёки юридик шахс мазкур ҳужжат Ўзбекистон Республикаси Конституцияси ва қонунлари билан кафолатланган унинг ҳуқуқлари ва қонуний манфаатларини бузган деб ҳисобласа, ушбу идоравий норматив-ҳуқуқий ҳужжатни тўлиқ ёки қисман ҳақиқий эмас деб топиш тўғрисидаги ариза билан судга мурожаат қилишга;

Шу кодекснинг 185-моддасида, Манфаатдор шахс маъмурий органнинг, фуқаролар ўзини ўзи бошқариш органининг қарорларини ҳақиқий эмас, улар мансабдор шахсларининг ҳаракатларини (ҳаракатсизлигини) қонунга хилоф деб топиш тўғрисида ариза (шикоят) билан, агар бу қарор, ҳаракатлар (ҳаракатсизлик) туфайли:

унинг ҳуқуқлари ва қонун билан қўриқланадиган манфаатларини бузган;

унинг ҳуқуқлари, эркинликларини амалга оширишга ва қонуний манфаатларини рўёбга чиқаришга тўсиқлар вужудга келтирган;

унинг зиммасига қонунга хилоф равишда бирор-бир мажбурият юклаган;

унинг у ёки бу соҳадаги фаолиятни амалга ошириши учун бошқа тўсиқлар вужудга келтирган деб ҳисобласа, судга мурожаат қилишга ҳақли эканлиги;

Шу кодекснинг 131-моддасида “Агар ушбу Кодексда бошқача қоида назарда тутилмаган бўлса, судья аризани (шикоятни) иш юритишга қабул қилиш тўғрисидаги, қабул қилишни рад этиш ёхуд қайтариш ҳақидаги масалани ариза (шикоят) судга келиб тушган кундан эътиборан беш кундан кечиктирмай якка тартибда ҳал қилади.

Аризани (шикоятни) иш юритишга қабул қилиш, қабул қилишни рад этиш ёки қайтариш тўғрисида ажрим чиқарилади, унинг кўчирма нусхаси ишда иштирок этувчи шахсларга у чиқарилгандан кейинги кундан кечиктирмасдан юборилади;

Шу кодекснинг 179-моддаси 1-хат бошида “Судья ушбу Кодексда назарда тутилган талабларга риоя этган ҳолда берилган аризани (шикоятни) иш юритишга қабул қилиши ва иш қўзғатиши шарт”-деб кўрсатилган.

Кўриб турганингиздек, Олий суднинг судьялари Конституция ва қонунларимиз талабларини очиқдан-очиқ қўрқмасдан бўзаётганидан бошқа суд идораларининг эшигига бориб ўтиришнинг ҳожати йўқ деб ҳисоблайман, гапимнинг тасдиғи сифатида жорий йилнинг 16 августь куни Ўзбекистон Республикаси Олий судининг тўлиқ таркибдаги навбатдаги йиғилишида Олий суд матбуоат хизмати раҳбари Олимжон Ўсаров судлар фаолиятининг очиқлиги ва шаффофлиги ҳақида танқидий фикр билдириб, халқнинг норозилиги кўпайиб бораётганлиги сабабли ўз ҳоҳши билан лавозимини тарк этди, демак Олий суд раҳбарияти ишни ташлаб кетаётганидан, менинг ҳамма ёзганларим асосли эканлигидан далолат беради. .

Хулоса қилиб айтадиган бўлсак, қолган Олий суд раҳбарияти ўз вазифасини виждонан бажармасдан ва қасамёдига муносиб, адолатни қарор топтира олмаётганлиги учун уларни ҳам вазифасидан озод қилиш вақти келди деб уйлайман.

Баён қилинганларга кўра, суд идораларида судьялар томонидан “Ўзбекистон Республикасининг Конституцияси ва жиноят-процессуал қонуни нормалари талабларини атайлаб бузишаётганлиги, назорат тартибида ёзган шикоятимга Олий суд раиси имзоси билан ажрим бермаётганлиги, ваколатли бўлмаган судьялар ва мурожаатлар бўлими бошлиғи асоссиз ва ноқонуний равишда жавоб хатлари бераётганлиги, бир йилдан ортиқ муддат давомида жиноят ишим бўйича якуний қарор қабул қилинмаганлигидан, қонунлар ижросини суд идораларида таъминлаш ва мен томонимдан ариза беришнинг ўтказилган муддатни узрли сабабларга кўра ўтказиб юборилган деб топиб, аризамни Олий суднинг маъмурий ишлар бўйича судлов ҳайъати кўриб, муддатини тиклаб, судьяларнинг ҳаракатлари ва ҳаракатсизликларини ғайриқонуний ва идоравий норматив-ҳуқуқий ҳужжатларини тўлиқ ҳақиқий эмас деб топиб, қонун доирасида назорат тартибида ёзган шикоятларимни Раёсатга ўтказиш ва Олий суд раисига шахсан имзоси билан ажрим чиқариш мажбуриятларни юклаш лозим бўлади.

Юқорида баён қилинганларга, Ўзбекистон Республикаси Конституциясининг 15, 18, 44, 48-моддалари ва Маъмурий суд ишларини юритиш тўғрисидаги кодекснинг

30, 184-189- моддалари талабларига асосан, СУДДАН:

1.Мен томонимдан ариза беришнинг ўтказилган муддатини узрли сабабларга кўра ўтказиб юборилган деб топиб, муддатини тиклашни;

2.Олий суд ЖИБ судлов ҳайъати раисининг ўринбосари И.Муслимов, судьялар Э.О.Эргашев, О.Ж.Арабов, А.Аллаев, мурожаатлар бўлими бошлиғи Т.Обидов ва бошқалар ЖПКнинг 393, 510-1-моддаси ва 521-моддалари талабларига зид равишда назорат тартибида ёзган шикоятларимни судловига тегишлилиги бўйича Олий суд Раёсатига ўтказмасдан ва Олий суднинг маъмурий ишлар бўйича судлов ҳайъати раиси ўринбосари М.К.Остоновларнинг аризамни Олий суднинг маъмурий ишлар бўйича судлов ҳайъатида кўрилишига асоссиз равишда тўсқинлик қилиб, ноқонуний равишда жавоб хати юбориб, менинг ҳуқуқларим ва қонун билан қўриқланадиган манфаатларимни бузаётган ҳаракатлари ва ҳаракатсизликларини ғайриқонуний деб топишни;

Олий суд раисининг собиқ ўринбосари Б.Деҳқоновнинг жорий йил 22 январь, Олий суд ЖИБ судлов ҳайъати ўринбосари И.Муслимовнинг жорий йил 3 июнь ва Олий суд судьяси А.Аллаевнинг жорий йил 6 сентябрдаги менинг Раёсатга назорат тартибида берган шикоятларимга ноқонуний равишда юборган жавоб хати бўлган идоравий норматив-ҳуқуқий ҳужжатларини тўлиқ ҳақиқий эмас деб топишни;
Олий суд ЖИБ судлов ҳайъати раисининг ўринбосари И.Муслимов, судьялар Э.О.Эргашев, О.Ж.Арабов, А.Аллаев, мурожаатлар бўлими бошлиғи Т.Обидов ва бошқаларга ЖПКнинг 510-1-моддаси талаблари асосида назорат тартибида ёзган шикоятларимни судловига тегишлилиги бўйича Олий суд Раёсатига ўтказиш ва Олий суд раиси Камилов Козимджан Фазиловичга шахсан имзоси билан ажрим чиқариш мажбурятларини юклашни;

5.Ушбу аризамни кўриб чиқиш тартиби жиноят-процессуал қонунлар билан белгиланган мурожаатларга тааллуқли бўлмасдан, тўғридан-тўғри Олий суднинг маъмурий ишлар бўйича судлов ҳайъати ваколатига тегишли бўлганлиги сабабли кўриб чиқишни ўз зиммаларингизда қолдиришни;

6.Аризамни менинг иштирокимда кўришларингизни, агар аризам қаноатлантиришдан рад этилган тақдирда, келгусида Муҳтарам Президентимиз ва БМТнинг инсон ҳуқуқлари бўйича комиссарига мурожаат қилишим учун аризамнинг ҳар бир бандига асослантириб жавоб бериб, қонун нормаларига қўлланган ҳолда ҳал қилув қарори қабул қилишингизни илтимос қиламан.

Изоҳ: Илтимос? 5.09.2019 йилда ёзган аризам ва иловалари ЖИБ судлов ҳайъатига нотўғри

жўнатилганлиги сабабли ўзларингиз сўраб олингизлар?

Ўзбекистон Республикаси Президенти Виртуал Қабулхонаси!

Мурожаат рақами 82395-s/19 Текшириш кодри 3afe27be56

Аризачи (имзо) Т.Шукуров

17.09.2019 йил

Президент виртуал қабулхонаси

E- mail: info@ombudsman.uz

info@gazeta.uz

info@xs.uz

info@qalampir.uz

info@xabar.uz info@xabar.com