Бош муҳаррир И.Хушевга: ДХХнинг қилмиши МХХникидан ҳам ошиб тушди

---

Ассалому алайкум ҳурматли ва қадрли Исмат ака!

   Яратган эгамга минг бора шукурлар бўлғайким “Дунё Ўзбеклари” интернет сайтининг миллионлаб мухлислари интизорлик билан кутиб туришган долзарб мақолаларингиз дунё юзини кўрди ва кўпларнинг кўнглидаги ғулғула бироз бўлса ҳам ёзилди.

   Бугунги интернет алоқалари ва ахборот системаси ривожланган замонда нарсани яшириб бўлмайди. Хаттоки ота-боболаримиз ҳам отам замонда “Ойни этак билан ёпиб бўлмайди” дейишганлар.

Тўғри ушбу мақол бир муддат иш бермай қолди. Бошимиздан ўтказган чорак асрлик турғунлик замони энди ўтмиш эканлигини унутган бир гуруҳ кимсалар йиллар мобайнида харом йўллар билан тўплашган миллиардлаб доллар бойликлари қутқусида ўзларини босиб тура олишмади.

   Яна ота-боболаримиздан қолган бир гап бор “Семизликни қўй кўтаради” деган.

   Кўхна тарихдан маълумки “Давлат тўнтаришига уриниш”лар қайси ҳолатларда содир қилинади!!!

 1. Мамлакат ичкарисидаги қора кучлар ташқаридаги ва ичкаридаги ўз тарафдорларига қаттиқ ишонишган ҳолатларда.

 2. Саройнинг энг ишончли лавозимларини эгаллаб бўлишганларида.(Буни сиз ўз мақолангизда жуда тўғри исботлаб бергансиз. Генерал полковникларидан тортиб оддий аскаригача терговдан ўтказилиши шарт.)

 3. Эски тулкилар ўз мавқеларини янги тузумда сақлаб қолишларини ўзларича талқин қилишиб “Мени хеч ким қимирлата олмади” деб ўйлашганларида.

 4. Энг асосийси чорак аср мобайнида ташкил қилиб бўлишган системалари бирин кетин қўлдан кетиб бошлагач келиб турган мислсиз даромадлар давлат хазинасига тушиб бошлаганини кўриб чидай олишмаганликларидир.

 Бирма-бир санаб чиқадиган бўлсак,  чексиз бўлган бу ўрмонда адашиб кетишимиз хеч гап эмас.

   Ҳурматли Исмат ака!

  Айниқса сизнинг хабарингиз бор, қолаверса сизнинг беминнат кўмагингиз ортидан мени дунё таниди, Лангарни билди, Бўритош Мустафоевнинг терроридан оилам ва ўзим “Дунё Ўзбеклари” сайти туфайлигина омон қолдик.

  Қиссадан хисса шулким!

ДХХ рахбарияти ва ходимлари юқори эшелондаги “Танкалари”га ва Бош Прокуратура, Олий суд системаси, қолаверса мамлакатимизнинг ҳар қандай тизимидаги ўз тарафдорларига ишонишган ҳолда фаолият олиб борганлиги бугунги кунда сирлигини яшин тезлигида йўқотмоқда.

  Шавкат Миромоновичнинг давлатимиз рахбарлигидаги икки йиллик фаолияти мисли кўрилмаган ривожланишлар билан бир қаторда мисли кўрилмаган қаршиликларга ҳам бой бўлди.

Ғалабалар билан мағлубиятлар қарийиб тенг кўриниш берди.

  Шахсан менинг ўзим 2017 чи йилнинг 27 чи ноябридан буён қувғиндаман. Ўзбекистонга кириб келган кунимдан бошлаб Навоий вилояти прокуратураси, ЖИБ судининг айрим ходимлари томонидан асоссиз равишда айбланиб келинмоқдаман.

  Шу ойнинг 11 чи феврал куни ДХХ раиси ва унинг ходимлари хибс этилиши ортидан Олий суд матбуот маркази ёлғон яшиқлардан иборат хатини сизнинг сайтингизга жўнатишди.

  Ўзбекистонда судлов системаси тўлиқ издан чиқиб бўлган. Бутун вертикаль бўйлаб, туман судидан бошлаб Олий судгача бўлган жараён қолипга солинган бир хил жавобларга тўла бедодликлардан иборат бўлиб бўлган.

Мен хужжатлар асосида исботлаб бера оламан. Биронта судья сиз тақдим қилган хужжатларга бурилиб ҳам қарамайди, далил ва исботларингиз ўтмайди. Биринчи инстанция қандай ажрим ёки хукм чиқарган бўлса охиригача ўша кучда қолдирилади.

 Навоий вилояти ЖИБ суди котибасидан тортиб раисигача инсонгарчиликдан чиқиб бўлган.

   Бугунги кунда Бош Прокурор Отабек Муродов ҳақида хар хил гаплар болалаб кетди.

Чунки Мухтарам Президентимиз сиёсати ва талабларига ўта қарши ишлар қилинаяпди. Мамлакат қонунларининг таянчи бўлган ва унинг ижроларини тўла тўкис бажарилишини таъминлаши лозим ва шарт бўлган идора шу қонунларни оёқ ости қилаяпди.

Мухтарам Президентимизнинг талабларини саботаж қилаяпди.

     Ҳурматли Исмат ака!

  Ушбу мақоламни нашр қилиш ёки қилмаслик сизнинг ихтиёрингизда. Ўзингиз мени бироз эъхтиёт бўлишга ундаб эдингиз ўтган йили ноябр ойида. Сизга қулоқ осмасдан “Ғўддайганлардан қолган вайроналар” ҳақида, “Элтуз” нашри мухбирига 2чи декабр куни интервью бердим.

5 чи декабрда Бош прокурор ўринбосарларидан бирининг ташаббуси билан Лангар бўйича тергов суриштирув ишлари бошлаб юборилган эди. Салом Самадов ва Муродулло Қуролов ҳамда Бўритош акамнинг ўғиллари Шухрат Мустафоевларнинг кучлилиги ортидан ушбу текширишлар январ ойидаёқ ёпилиб кетибди.

  ДХХ рахбарияти ва айрим ходимлари дохил ушбу кўнгилсиз террорларда кўплаб олий мақом ва паст мақом кимсларнинг қўллари бор ва бугунги кунда мингларнинг уйқусида ҳаловат йўқ.

  Худди сиз таъкидлаганингиз каби булар бир бошдан чиғириқдан ўтказилиши шарт!!! “Букриларни гўр тўғри қилади”.

 Каримов деганлар Каримов томонга кетсин – Мирзиёев ва ҳалқни деганлар бу томонга ўтсин.

Яна бир гап, аслида буларнинг отаси ҳам-онаси ҳам пул. Қози ва прокурорларнинг бу тоифаси ҳалқимизнинг яхши яшашини, ҳалқимизнинг ва давлатимизнинг бой бўлишини асло исташмайди.

Исмат Хушевнинг Ўзбекистонга келишини исташмаганлар ҳам худди ана шулар.

  Ушбу жиноий гуруҳ аъзолари барча сохаларда кучлик диверсия ишларини олиб боришди, халиям тўхташганлари эмас. Буларни таг-томири билан қўпориб ташлаш керак.

  Ҳурматли Исмат ака!

Сиздан янги тафсилотларни кутиб қоламиз.

Сизга ҳурмат ва эъхтиром билан укангиз

Мухаммад Ёқуб Хамро

МАҚОЛАНИ ДЎСТЛАР БИЛАН БАҲАМЛАШИНГ