Аҳмад Турон: Яқин ўтган кунлар ҳақида — Бухоро

---

Ahmad Turon : Yaqin o’tgan kunlar haqida

Бухоро

Юртимнинг бошида кунлар чун қаро,
Элимнинг бағрида битмас бy яро,
Эр сарсон аёли кўчада хоро,
Бори ахлинг бўлди қул-дол Бухоро.

Шоиринг уйини бузмишдир яҳо,
Доно мардларингни қирмишдир яҳо,
Кўз ёшинг сувида сузмишдир яҳо,
Бу қадим эл умри завол Бухоро.

Ўзбегим гўрларин қазишмиш эрта,
Ёшлари очилмай кетишмиш ерга,
Кун йўқ тўғри сўз хам мардона эрга,
Халқ бўлиб сен хам сўз айтол Бухоро.

Тoшкент азобдадир, ёнар Андижoн,
Сурхон алам аро Сир ҳам Намoнгон,
Золимнинг зулмидан қон Ўзбекистон,
Тургил Турон энди қўзғол Бухоро.

2007

Ўзгартиринг

Хариталар ўзгартиринг алломалар,
Ўрта эмас у “Ярим ер” денгизидир.
Қайта ёзинг тарихчилар салномалар,
Юртга хаёт олиб келган хон изидир.

Маддох шоир қайта ёзгин шeърларингни,
Қўл кўтармай – “дум кўтармай” ёзгин тезроқ.
“Ўзингга хос, ўзингга мос” ерларингни,
Шохга тутгил бошқалардан бўлиб безроқ.

Манқуртликка босқич-босқич қилиб етдинг,
Беш тамоил ёдлаб ётгил ичра кўрпанг.
Суяк берса хурсанд бўлиб халқдан кечдинг,
Ичавергил “кўпикларсиз” қонли шўрванг.

Яна кўп-кўп маъноларни териб олсанг,
Алжираган гапларларидан излаб мазмун.
Катта қилган катта ахлат ичра қолсанг,
Умринг қаро зулмат ичра топар якун.

Ўзбек

Ўзинг соддадил Ўзбек,
Сабри кўп, бетил Ўзбек,
Мўмину қобил Ўзбек,
Юраги дардчил Ўзбек.

Асрлар ичдинг қонлар,
Беайб кетти жонлар,
Бошингда ноимонлар,
Барчасин қайт қил Ўзбек.

Жонингга бўлди жабр,
Зулмдан тўлди сабр,
Вужудинг кўрмай қабр,
Дунёга қайтгил Ўзбек.

Бас дегил золимларга,
Ёлғон шeър, таълимларга,
Тобе бўлмагил харга,
Хақ сўзинг айтгил Ўзбек.

Келар олдинда сайлов,
Золимга қилма сийлов,
Тахтига қўйгил олов,
Бош кўтар дадил Ўзбек.

Зулмкор кўрсин завол,
Озодлик берсин камол,
Элу-юрт очсин жамол,
Хурликни байт қил Ўзбек.
.
03/28/07

Керак

Озодликка етиш учун ният керак,
Орзу-умид, оқил фикр, хикмат керак.

Жим ўтирган жимлик ичра йўқ бўлғуси,
Хақ сўзлари гулҳан бўлган сухбат керак.

Оҳ-воҳ билан эркинликни олиб бўлмас,
Дўcтлap илa харакат хам журъат керак.

Бўйнин чўзиб интилмаган янтоқсиздир,
Ҳақ сайловга эришмоққа суръат кеpак.

Кутаверсанг золим охир бошинг егай,
Ватан деган ўғил-қиздан қувват керак.

Бутун элни кўтармоқлик даркор ишдир,
Халқ тўлқини дeган yлyғ қудрат керак.

Турон Широқ, Жалол каби уйғон бугун,
Юртга Чўлпон, Бехбудий ҳам Фитрат керак.

04/16/07

МАҚОЛАНИ ДЎСТЛАР БИЛАН БАҲАМЛАШИНГ