А.Орипов: Энг мудҳиш томони, ўтмай сал фурсат Сени маҳв этганлар хотира ёзар

Абдулла Орипов
ИБОДАТ

Дарвозанг тагида пойлайди ажал,
Аччиқ дард босади кўкракларингни.
Кимлардир кўзингни юмишдан аввал,
Тозалаб қўяди чўнтакларингни.

Дерлар, ўлимнинг ҳам қоидаси бор,
Икки газ ер учун балки можаро.
Ақчани ким тўлар? Қайси азадор?
Энди гўрков билан бошланар савдо.

Ҳали тугамайди бу аччиқ қисмат,
Кимдир ном талашиб ақлдан озар.
Энг мудҳиш томони, ўтмай сал фурсат
Сени маҳв этганлар хотира ёзар.

Дунёда неъмат йўқ ҳаётдан азиз,
Сен унга бағишла ўлмас сатрингни.
Тирик пайтингдаки очирмади кўз,
Кимдан сўрар эдинг кейин қадрингни.

Яхшиси, ўлмасдан яшамоқлик шарт,
Эмаклаб бўлса ҳам, ётиб бўлса ҳам.
Узун кечалари қилгум ибодат,
Оғирим тушмасин бировга, Эгам.

11.06.2015

Абдулла Орипов дафн этилди
https://youtu.be/OlcMQY-F9rk

Шавкат Мирзиёев халқ шоири дафн маросимида қатнашди !!!
https://youtu.be/AWWPoZA9Iis

Abdullla Oripov Chig’atoy qabristonida dafn etildi – Xurshid Davron kutubxonasi

https://youtu.be/65aMsOCT6Xs